Спорт
(Видео) Сепктакл на „Паркен“ – Копенхаген против Јунајед од 0:2 до 4:3

Foto/ EPA
Копенхаген во спектакуларен меч на „Паркен“ стадионот, го победи Манчестер јунајтед со 4:3, во четвртото коло, во А групата. Ова е втора победа на Копенхаген над Јунајтед, во 2016 година домаѓините славеа со 1:0. Од оваа група Баерн веќе ја обезбеди првата позиција и место во осминафиналето. За второто место ќе се борат Копенхаген, Галатасарај и Манчестер јунајтед.
Никој на „Паркен“ не можеше да претпостави каква драма ќе се случува на „Паркен“ по првите 30 минути. Манчестер јунајтед со головите на Хојлунд во третата и 28.минута имаше водство од 0:2.
Најава за дрматичен меч беше црвениот картон ан рашфорд во 40.минута. Напаѓалот на „црвените ѓаволи“ невнимателно со ѓон стартуваше врз зглобот на противникот.
До крајот на полувремето Копенхаген изедначи со головите на Елјунуси во 45. и Гонсалвеш во деветтата минута од судиското надополнување на времето во првиот дел.
Во првата половина од вториот дел Јунајтед го контролираше мечот, а во 69.минута екипата на Тен Хаг доби пенал. Бруно повторно им ја врати предноста на „црвените ѓаволи“.
Од тој момент Копенхаген тргна во нова офанзива. Два грешки, поточно лоши проценки во поставувањето на Диого Дало го однеса Јунајтед во пораз. Лерагер изедначи на 3:3 во 83.минута, а четири минути подоцна 17. годишниот Швеѓанец, Бардаџи го комплетираше пресвртот.
А грпата со 12 бода ја предводи Баерн, Копенхаген и Галатасарај имаат по четири, а Јунајтед три бода. Во наредното коло Јунајтед гостува кај Галатасарај, а Баерн ќе го пречека Копенхаген.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.