Спорт
(Видео) Шчесни запали пура, а Педри и тимот на велосипеди кај Торес

Барселона теоретски ја обезбеди титулата во Шпанија во четврток вечерта со победа на гости против Еспањол (0:2).
Целиот натпревар беше засенет од настанот што се случи пред стадионот кога автомобил влета во група навивачи и повреди најмалку 13 лица.
Оваа ситуација не беше повод за славење, а од Еспањол не беа расположени да им дозволат на ривалите барем кратка прослава на градскиот ривал, па прскалките веднаш беа активирани на теренот.
Espanyol turned on their sprinklers to prevent their rivals and Champions Barcelona from celebrating their league win 🤣🤣🤣 pic.twitter.com/mKSBSfmhhg
— george (@StokeyyG2) May 15, 2025
Ханси Флик исто така знаеше дека во таква ситуација не треба да се претерува со прославата, буквално ги тераше своите играчи во соблекувалната.
Но, далеку е од фактот дека навистина не се славеше.
Видеа од соблекувалната каде што имало пеење, пиење и скокање кружат на социјалните мрежи. Но, она што привлече најголемо внимание беше реакцијата на Војчех Шчесни, ветеранот кој се врати од пензија кога на Барселона ѝ беше потребна помош.
UN DIA DE PARTIT! 💙❤️ pic.twitter.com/ugs41n0m1T
— FC Barcelona (@FCBarcelona) May 16, 2025
Додека неговите соиграчи слават, Шчесни седи во соблекувалните и со насмевка на лицето пуши пура. Како што напишаа од Барселона, тој ужива во пензионерските денови.
Внимание привлече и одличниот гест на Дани Олмо, Ерик Гарсија, Иниго Мартинез и Педри.
Четворицата го напуштија стадионот со велосипеди и отидоа директно во болница за да го посетат Феран Торес, кој не можеше да биде со нив бидејќи се опоравува од операција на слепо црево, а тој сигурно е еден од најзаслужните за освојувањето на титулата.
Pues no van Dani Olmo, Eric, Iñigo y Pedri y pillan la bici para ir a ver a Ferran al hospital😭
Todo lo que rodea a este club es tan imprevisible pic.twitter.com/ytMJfRqR6d
— Álex (@LxoMessismoFCB) May 16, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бруно промаши пенал, Јунајтед не успеа да победи кај Фулам

Фулам и Манчестер јунајтед одиграа 1:1, во последниот денешен напревар, одигран во рамките на второто коло во Премиер лигата.
Манчестер јунајтед продолжи онаму каде што застана минатата сезона. Ниту скапите засилувања не ја подбрија играта на „црвените ѓаволи“. Кај Фулам, Јунајтед имаше подобри панси но не успеа да му зададе удар на противникот.
Матеуш Куња во првиот дел ја погоди стативата, а во 38.минута капитенот Бруно Фернандеш не реализира пенал. Ужасно шутираше Португалецот, ударот заврши над голот.
Јунајтед успеаја да постигнат гол, во 58.минута по ударот на Јоро, топката го погоди Муниз го смени правецот и заврши во голот.
Фулам изедначи во 73.минута. Стрелец беше Смит-Роу кој нецели 120 секунди претходно влезе во игра.
Спорт
Го избркаа од Марсеј, тој потпиша за Болоња

Младиот англиски крилен играч Џонатан Роу се пресели од Олимпик Марсеј во Болоња.
Роу претходно беше ставен на трансфер листата во францускиот тим откако се степа во соблекувалната цо соиграчот Адриен Рабио, по поразот во Рен.
И двајцата беа суспендирани поради недисциплина, а Роу веќе си најде нов клуб. Овој поранешен играч на Норич одигра десет натпревари за младата репрезентација на Англија и постигна три гола.
Во Болоња ќе има биде замена за Дан Ндоје, кој замина во Нотингем Форест.
Спорт
(Видео) Грилиш како во најдобрите денови, го водеше Евертон до победа над Брајтон

Фудбалерите на Евертон имаа совршено деби на својот нов стадион. По неубедливиот настап и поразот против Лидс во првото коло, играчите на Евертон значително го подобрија впечатокот со победата над Брајтон (2:0)..
Од самиот почеток на натпреварот, Дејвид Мојс на теренот го испрати најзвучното засилување во летниот преоден рок, Џек Грилиш.
Поранешниот играч на Манчестер сити, забележа две аситенции. Во 23-та минута, брилијантно проигра покрај Ендиае, кој со прецизен удар му донесе водство на Евертон.
Уште една магија на Џек Грилиш во 52-та минута, кога му намести гол на Џек Гарнер.
Брајтон можеше да внесе драма во финишот на натпреварот, но Дени Велбек промаши пенал, поточно, голманот Џордан Пикфорд го одбрани ударот од белата точка.
Во следното коло, Евертон ќе гостува кај Вулверхемптон, додека Брајтон има тешка задача пред себе, бидејќи се соочува со Манчестер сити.