Спорт
(Видео) Шоу на Киеза, два гола на Атанасов – Убедлив пораз на Македонија во Рим
![](https://makfax.com.mk/wp-content/uploads/2023/11/11844635.jpg)
Foto/ EPA
Италија ја победи Македонија со 4:2 (3:0) во претпоследното коло, во Ц групата за пласман на Европското првенство во Германија.
Од самиот почеток „Азурите“ го диктираа темпото, сакаа што е можно побргу да ги решат дилемите околу конечниот победник.
Постигнаа гол во 12.минута, кој беше поништен поради недозволената позиција на Распадори.
Сепак македонската одбрана капитулираше пет минути подоцна. Корнер од левата страна доби Италија, комбинираа Димарко и Распадори, кој упати центаршут, а лошата поставеност на нашата одбрана ја искористи Дармијан.
Фудбалерот на Интер го постигна вториот гол во националниот тим.
Ниту по примениот гол македонските фудбалери не го сменија пристапот кон играта. Италија без проблем го контролираше поседот и ритамот на натпреварот.
Во 38. минута Серафимов несмасно интервенираше, топката го погоди в рака. Пеналот во 40.минита го изведе Жиржињо, но неговиот удар го одбрани Димитиревски.
Но веќе во следниот напад Италија ја зголеми предноста. Одново нашата одбрана беше лоша поставена, Барела му асистираше на Киеза кој од 20 метри ја испрати топката зад грбот на Димитриевски.
Селекторот Милевски на полувреме направи три измени, Моивски, Манев и Адеми останаа во соблекувалната, на нивните места влегоа Ристовски, Ашковски и Атанасов.
Македнија заигра нешто подобро, а Италијнците решија да го намалат темпот и да го чекаат крајот на натпреварот.
Таквата определба можеше скапо да ги чини „Азурите“. Добра центашут во 51.минута на Алиоски го испрато Атанасов, кој со својот прв гол во дресот на националниот тим намали на 3:1.
Во продолжение Италија пропуштти една добра шанса, а публиката се забавуваше со свирежите кон Николо Заниоло. Рим, поточно навивачите на Рома нема да заборават на кој начин ја напушти Рома.
Италија и домашната публика доживеа шо во 72.минута. Атанасов упати удар од 22 метри, топката малку го закачи Ачерби го измами Донарума заврши во голот.
Сепак Македонијанемаше сили да направи сензација, сите дилеми околу конечниот победник ги реши Распадори во 81.минута.
Точка на натпреварот во 93.минута стави миленикот на римската публика Ел Шарави.
Англија која ја победи Малта со 2:0 води на табелата со 19 поени, Италија и Украина имаат по 13, Македонја остана на седум, а Малта веќе ги заврши квалификациите без освоен бод.
Во понеделник Македонија ќе ја пречека Англија, а Украина и Италија во меѓусебниот дуел ќе решат која репрезентација ќе игра на ЕП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва