Португалскиот репрезентативец, Жоао Кансело во наредните денови ќе го напушти Манчестер сити. Кансело и минатата сезона не беше во клубот, ја мина на позајмица во Барселона.

Пеп Гвардиола го исфрли Кансело од тимот поради одредени несогласувања. Пред да и биде позајмен на Барселона, една полу сезона мина на позајмица во Баерн.

Гвардиола, односно Манчестер сити до крајот на преодниот рок ќе се ослободи од Кансело. Ал Хилал, најсилниот тим во Саудиска Арабија испратил понуда за Португалецот. Тами тренер е сонародникот на Кансело, Жорге Жесус. Дресот на Ал-Хилал го носат Нејмар, Сергеј Милинковиќ-Савиќ, Александар Митровиќ…

Манчестер сити ќе заработи 35.000.000 евра, што е за 30.000.000 помалку од цифрата што клубот му ја плати на Јувентус за пред пет години.

Шпанскиот новинар и фудбалски инсајдер Жоан Фонтес „крена прашина“ во фудбалската јавност кога во својот подкаст изјави дека Нејмар (32) му признал дека сака по секоја цена да се врати во Барселона. Оваа изјава ги подгреа шпекулациите дека легендарниот Бразилец би можел да се врати во клубот кој го прослави.

Нејмар, кој моментално настапува за Ал-Хилал од Саудиска Арабија, пред 11 години дојде на „Камп Ноу“ од бразилскиот Сантос и брзо стана миленик на навивачите. Со Лионел Меси и Луис Суарез, тој формираше смртоносно напаѓачко трио познато како МСН.

Нејмар со Барселона освои две шампионски титули во Шпанија и Лигата на шампионите во 2015 година, но две години подоцна го шокираше светот кога се пресели во ПСЖ во најскапиот трансфер во историјата, за 222 милиони евра. Иако играше добро на „Паркот на принцовите“, не ги исполни во целост очекувањата на навивачите.

Поради бројните повреди, тој играше се помалку и се повеќе беше мета на критики од навивачите и новинарите во Франција. Затоа минатата година го напушти Париз и реши да потпише договор со Ал-Хилал вреден 150 милиони евра годишно. Сепак, Фонтес откри дека Бразилецот сака повторно да игра на високо ниво и дека сонува да се врати во Каталонија.

Бидејќи Барселона е во финансиски колапс, не можат да му понудат многу, но се повеќе се шпекулира за можноста Нејмар да се согласи да игра за симболична плата, само за да се врати во Барселона.

Поранешниот фудбалер на Реал Мадрид, Роберто Карлос, во интервју за „Страница 443“, добил задача да ги рангира легендите на Реал од првото до петтото место. Тоа е популарен предизвик на социјалните мрежи во кој човек не знае кои имиња ќе ги добие, па мора напамет да го направи редоследот.

Карлос ги доби Зинедин Зидан, Кристијано Роналдо, Лука Модриќ и Роналдо Назарио, познат и како вистинскиот Роналдо, а на спиското беше и неговото име.

Во таквиот избор на легенди, Карлос реши на прво место да го стави Лука Модриќ. Втор беше Кристијано Роналдо, трет Зидан, четврти Бразилецот Роналдо. Карлос се стави на последното, петто место.

51-годишниот Роберто Карлос денеска работи како амбасадор на Реал Мадрид. Има кратка и не многу успешна тренерска кариера во Турција. Тој ги водеше Сиваспор и Акисарспор. Во својата кариера мина 11 години во Реал, постигна 70 гола.

View this post on Instagram

A post shared by 433 (@433)