Спорт
(Видео) Шпанците во еден глас: Ендрик мораше да биде исклучен
Големи полемики предизвика арбитражата на Муниз Руиз на натпреварот Реал – Алавес (3:2) во седмото коло од Ла Лига. Домаќините му замеруваат дека им дал „премногу картони за приговори“ (три), додека гостите се бесни што не го исклучи младиот ас на Реал, Ендрик на седум минути пред крајот.
На видеото се гледа дека се стрча и намерно со колено го удри својот ривал Мурињо во меѓуножјето. Муниз Руиз му покажа жолт картон, што на големо негодување на фудбалерите на Алавес.
Драматичниот исход само го зголеми нивниот гнев. Имено, во моментот кога Ендрик требаше да биде исклучен, Реал водеше со 3:0, но Алавес до крајот намали на 3:2. Гостите истакнуваат дека со играчот повеќе можеби ќе можеа да направат неверојатен кам-бек против шампионите на Шпанија и Европа.
„Потегот на Ендрик е за црвен картон. Последните 10 минути требаше да ги одиграме со играч повеќе. Можеби немаше да победиме и да се вратиме во мечот, но требаше да се игра 10 на 11. Никој не може да каже дека тоа не е црвен картон. Со намера го направи тоа“, изјави тренерот на Алавес, Луис Гарсија Плаза.
Плаза не е единствениот кој смета дека Ендрик заслужил црвен картон. Ова го тврдат и судиски експерти од сите шпански медиуми, па дури и од „Марка“, која традиционално го фаворизира Реал.
„Тоа не беше опасен удар, но фактот што се случи далеку од топката или од некаков дуел може да се казни со исклучување. Инаку, главниот судија не го виде ова, но ВАР судијата, Фигуероа Васкез мораше да му го посочи тоа“, рече Перез Бурул на „Радио Марка“.
No paran de tirar este vídeo porque no quieren que lo veamos.
Pero tranquilos, aquí lo tenéis.
Roja perdona a Endrick, juegan con otras normas
pic.twitter.com/6mRxN61yFH— AtletionTop (@AtletiOnTop) September 24, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Стартува новата сезона во Лига Европа – Системот е ист како во Лигата на шампионите
Љубителите на фудбалот минатата недела можеа да го видат новиот формат на Лигата на шампионите, а сега на ред е Лига Европа, која од оваа сезона ќе се игра според истиот систем.
Првата фаза нема да се игра во групу, туку сите 36 екипи ќе имаат единствена табела, а пласман во осминафиналето ќе обезбедат осумте првопласирани, додека клубовите од 9. до 24. место ќе играат бараж преку кој уште осум екипи ќе ќе изборат место во осминафиналето.
Според имињата и традицијата, најголеми фаворити за освојување на титулата се Манчестер јунајтед, Тотенхем, Рома, Лацио, Галатасарај, Фенербахче, Порто и можеби Атлетик Билбао. Баските ќе дадат се од себе да дојдат до финалето, бидејќи мечот за титулата ќе се игра на нивниот стадион „Сан Мамес“.
Честа да го отворат овогодинешното издание на Лига Европа ќе им припадне на екипите на АЗ Алкмар и Елфсборг, односно Бодо/Глимт и Порто, чии натпревари почнуваат во 18 часот и 45 минути.
Лига Европа 1.коло
Среда, 25.септември:
АЗ Алмар – Елфсборг 18.45
Бодо/Глимт – Порто 18.45
Андерлехт – Ференцварош 21.00 часот
Динамо Киев – Лацио 21.00 часот
Митјиланд – Хофенхајм 21.00 часот
Галатасарај – ПАОК 21.00 часот
Лудогорец – Славија 21.00 часот
Манчестер јунајтед – Твенте 21.00 часот
Ница – Реал Сосиедад 21.00 часот
Четврток, 26.септември:
Фенербахче – Унинон Сен Жилоа 18.45
Малме – Ренџерс 18.45
Ајакс – Бешикташ 21.00 часот
Ајнтрахт – Пилсен 21.00 часот
ФЦСБ – РФС 21.00 часот
Лион – Олимпијакос 21.00 часот
Рома – Атлетик Билбао 21.00 часот
Брага – Макаби ТА 21.00 часот
Тотенхем – Карабаг 21.00 часот
Спорт
Шалке испратиле понуда до Раул Гонзалес
Раул Гонзалес Бланко, легендата на Реал Мадрид, пет години е на чело на резервниот тим на Реал Мадрид Кастиља, а за тоа време добил и одбил многу други понуди.
Раул останува верен на својот клуб, но сега на негова адреса пристигна нова понуда. Според „Релево“, Шалке го сака Раул на клупата.
Германскиот гигант, се натпреварува во Цвајта и не му оди најдобро. На табелата се наоѓа на 16.место, поради што тренерот Карел Геретс остана без работа.
Легендарниот фудбалер е запознаен со Гелзенкирхен, како играч мина две сезони во Шалке, а дали ќе биде во искушение да го напушти Мадрид ќе покаже времето.
Спорт
Талентот не е наследен – Енцо Зидан ја заврши кариерата
Енцо Зидан одлучи да стави крај на фудбалската кариера на 29 години, објавија шпанските медиуми. Најстариот син на легендарниот Зинедин Зидан е без ангажман повеќе од една година, откако летото 2023 година го напушти шпанскиот третолигаш Фуенлабрада.
Планот на Енцо Зидан е да се посвети на семејството, бидејќи со сопругата Карен Гонкалвес од Венецуела има три ќерки и инвестиции во различни бизниси.
„АС“ пишува и дека Енцо повеќе не сакал да игра во шпанските нисколигаши и сфатил дека нема да направи некоја посериозна фудбалска кариера.
Синот на Зидан ја започна кариерата во академијата на Јувентус во 2004 година, пред да се пресели во академијата на Реал Мадрид, клубови каде што неговиот татко остави најголема трага.
Подоцна играл за Алавес, швајцарска Лозана, Мајадаонда и Алмерија во Шпанија, Депортиво Авес во Португалија и францускиот Роде.
Енцо беше најблиску до првиот тим на Реал кога неговиот татко Зинедин беше тренер, често тренираше со најголемите ѕвезди на „кралскиот“ тим, но успеа да забележи само еден настап.
Тоа беше на натпреварот против Леонеса во Купот на кралот, кога играше полувреме, а за 45 минути на теренот успеа да постигне гол.