Спорт
(Видео) Штутгарт победи во Дортмунд, Баер ремизираше во Волсфбург

Нико Ковач неуспешно дебитираше на клупата на Борусија Дортмунд. Во рамките на 21. коло, Шутгарт победи во Дортмунд со 2:1.
Првото полувреме беше здодевно и заврши без голови, вториот дел беше значително подобар.
Гостите поведоа во 50минута, кога со несмасна интервенција Валдемар Антон ја испрати топката во сопствената мрежа.
Домашните не се ни соземаа од шокот, а следеше нов.
Само 12 минути подоцна Сабо ја удвои предноста на својот тим на асистенција на Левелинг.
Јулијан Брант им даде надеж на домашните дека барем можат да дојдат до бод, кога постигна гол во 81. минута.
Дортмунд продолжува да паѓа на табелата во Бундеслигата, сега е на 11. место со 29 бодови. По два порази, Штутгарт забележа голема победа со која се искачи на четвртото место со 35 бодови.
Во ова коло актуелниот првак Баер Леверкузен одигра без голови во Волфсбург. „Фармацевтите“ сега на второто место имаат осум бода помалку од лидерот Баерн.
Резултати:
Борусија Дортмунд – Штутгарт 1:2 (0:0)
Антон 50 (аг), Сабо 62 – Брант 81
Фрајбург – Хајденхајм 1:0 (1:0)
Грифо 30
Хофенхајм – Унион Берлин 0:4 (0:1)
Холербах 24, 87 Љубичиќ 61, Илиќ 73
Мајнц – Аугсбург 0:0
Волфсбург – Баер Леверкузен 0:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Катастрофа за Дубаи – големото засилување веќе ја заврши сезоната

Кошаркарот на Дубаи, Мамаду Жаите, заработи повреда на Ахиловата тетива во подготвителниот натпревар, објави „Баскетњуз“.
Како што е наведено, се очекува Жаите да отсуствува поголемиот дел од сезоната поради повредата, а попрецизна временска рамка ќе биде позната по операцијата операција.
Жаите потпиша двегодишен договор со Дубаи во јули, а претходните две сезони играше за Монако.
Минатата сезона во Евролигата имаше просек од 7,5 поени и четири скока по натпревар.
Тимот од Обединетите Арапски Емирати ќе го пречека Партизан во првото коло од Евролигата на 30 септември.
Фото/ ФИБА
Спорт
И помладиот Маркез ќе вози фабрички Дукати

Возачот на Гресини, Алекс Маркез, ќе остане во италијанскиот тим и следната сезона, но ќе има на располагање фабрички мотоцикл, ист како што има неговиот постар брат Марк во Дукати.
Алекс е главен конкурент оваа сезона на осумкратниот светски шампион во борбата за титулата, иако сега е сигурно дека возачот на Дукати ќе ја освои, можеби и na следната недела во Јапонија.
Помладиот Маркез има забележано вкупно 21 подиум од почетокот на сезоната – 11 во спринт трките, заедно со 10 во главните трки, вклучувајќи победи во Херез и Монтмел, но сите на минатогодишната верзија на Десмоседичи.
Неговите изданија во раните фази од сезоната беа јасна порака до Дукати дека заслужува фабрички мотоцикл, а тоа го разбраа во седиштето на компанијата во Болоња.
„Вистинска чест е што ќе се тркам на фабрички мотор со Гресини. Тимот работи беспрекорно веќе неколку сезони и верувам дека ова е награда за сите, и за мене и за целиот тим. Ова е само еден чекор напред кон нашиот сон и уште подобри резултати во 2026 година“, рече Маркез.
Покрај постариот Маркез, оваа сезона и Франческо Бањаја и Фабио ди Џанантонио имаат на располагање фабрички мотор, но нивните резултати не се ни блиску до оние што ги постигна Марк, но и Алекс. Иако имаше шпекулации дека Диџа би можел да остане без фабрички мотор, се чини дека Дукати одлучи да го задржи него, а Фермин Алдегер и Франко Морбидели да ги задржат на постарите спецификации.
Првенството во Мото ГП продолжува следната недела со Големата награда на Јапонија, каде што Марк Маркез ќе стане деветкратен светски шампион ако освои три поени повеќе од својот помлад брат.
Спорт
Цунода не е загрижен за својата иднина во Ред Бул

Јапонецот Јуки Цунода, се огласи по повод шпекулациите дека Ред Бул би можел да го замени со Исак Хаџар наредната сезона.
Јапонскиот возач беше прашан да ги коментира овие шпекулации пред Големата награда на Азербејџан.
„Не знам на какви озборувања мислите“, им рече Цунода на новинарите.
Кога му објаснија, тој одговори дека „тоа не се факти“ и дека се занимава само со сопствените перформанси.
„Јас само се фокусирам на она што можам да го направам“, додаде Цунода.
„Дури и минатата година, кога имаше слична ситуација, ги кажав истите работи“.
Шампионатот во Формула 1 продолжува со трката за Големата награда на Азербејџан во Баку. Викендот во главниот град на Азербејџан започнува денес, главната трка ќе се вози в недела.
Фото/ Принтскрин