Спорт
(Видео) Сиксерси без Ембид и Џорџ немоќни пред Лилард и Јанис
Милвоки Бакс славеа во Филалделфија, а Мемфис со повратникот во тимот Џа Морент во драматична завршница славеа кај Јута.
Без Џорл Ембид и Пол Џорџ, Филалделфија немаше шанси против расположениеот тандем на Бакс, Демијан Лилард-Јанис Адетокумбо (109:124).
Лилард со 30 поени најави дека ќе има подобра сезона од лани кога не се снајде најдобро по доаѓањето од Портланд. Тој постигна шест тројки, имаше девет скока и пет асистенции. Јанис натпреварот го заврши со 25 поени со само три промашувања, домаќинот немаше решение за пик-ен-ролот на Адетокумба и Лилард. Кај Филаделфија се истакна Тајрис Макси со 25 поени, Гершон Јабуселе дебитираше со 10 поени, 4 скока, три асистенции и по една украдена топка.
Мемфис запишна драматична победа кај Јута (124:126). Џа Морант постигна 22 поени и десет асистенции. Најефикасен кај Мемфис беше Шпанецот Санти Алдама со 27 поени. Јута ја предводеше Лаури Марканен со 35 поени и девет скока.
Резултати:
Детроит – Индијана 109:115
Атланта – Бруклин 120:116
Мајами – Орландо 97:116
Филаделфија – Милвоки 109:124
Торонто – Кливленд 106:136
Хјустон – Шарлот 105:110
Њу Орлеанс – Чикаго 123:111
Јута – Мемфис 124:126
Портланд – Голден Стејт 104:139
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Венгер е на страната на Манчестер сити
Арсен Венгер, поранешниот менаџер на Арсенал, застана на страната на Манчестер сити кој се соочува со 115 обвинувања за кршење на правилата на финансискиот фер-плеј ФФП.
Англискиот шампион е обвинет за кршење на ФФП од 2009 до 2018 година, а се очекува во наредните месеци ќе биде познато што ќе се случи со „граѓаните“.
Венгер, кој имаше големи успеси како менаџер на Арсенал, смета дека правилата во Премиер лигата мора да се сменат.
„Чувствувам дека Премиер лигата мора да го смени правилата за ФФП. Сега имаат силна конкуренција во другите првенства кои ги сменија своите правила. Не можете да верувате дека клуб како Манчестер сити е обвинет за 115 различни работи во фудбалот. Не верувам во тоа. Премиер лигата веќе го загуби првиот случај против Сити. Не сакам да судам. Мислам дека дека 115 обвинување против фудбалски клуб делуваат дека сме во меѓународна администрација“, вели Венгер.
Тој смета дека е крајно време да се направи нешто за промена на правилата.
„Правилата на ФФП треба да се променат и поедностават. Лидерите на Сити пристигнаа и тие не се соочија со правила за ФФП, ниту со нив се соочија челниците на Челзи. Да, Челзи купи играчи од мојот Арсенал, тие купуваа она што го сакаа бидејќи тогаш немаше немаше правила за ФФП “, изјави Венгер.
Спорт
Реал во јануари ќе го донесе Лапорт
Сакал или не, Флорентино Перез мора во зимскиот преоден рок да ја засили одбраната. Дани Карвахал поради тешка повреда ја заврши сезоната, а никој во Реал не знае точно да каже кога ќе се врати Давид Алаба. Австриецот не игра од декември минатата година.
Шпанските медиуми тврдат дека Флорентино Перез работи на случајот. Според овие извори Реал сака да го врати во Шпанија, Ајмерик Лапорт.
Францускиот Баск, кој има и шпански пасош е фудбалер на Ал Наср. Лапорт шест години беше играч на Атлетик Билбао. Во 2018 година за 65.000.000 евра се пресели во Манчестер сити, а од пред две сезони е играч на Ал Наср.
Стандарден е член на шпанската репрезентација со која летово стана европски шампион.
🚨 Real Madrid plan to sign Aymeric Laporte from Al-Nassr this winter! 🤯🤍
(Source: @marca) pic.twitter.com/QXeu9ieLL4
— Transfer News Live (@DeadlineDayLive) October 25, 2024
Спорт
Месина: Димитриевиќ мора самиот да си помогне
Еторе Месина со Олимпија Милано се на дното на табелата во Евролигата со само една победа од пет натпревари.
Синоќа, во Милано, Олимпија дожиева пораз од Анадолу Ефес 84:96. Тимот на Месина имаше минус од 21 поен по првиот дел, во третата четвртина домаќините дојдоа до негатива од четири поени, но Шмитс и Бобоа погодија тројки и ја врати двоцифрената разлика. Миротиќ го предводеше Милано со 26 поени, Ненад Димитирјевиќ одигра лош натпревар за 13 минути имаше само една асистенција и една загубена топка.
Месина по натпреварот ги критикуваше своите играчи, а го издвои Ненад Димитријевиќ.
„Има проблеми на сите позиции. И офанзивно и дефанзивно. Тој е во голем проблем бидејќи ова е повисоко ниво, моја работа, но и работата на тимот е да му помогнам. Неговата работа да не бара оправдувања во главата. мора да направи чекор напред“, рече Месина.
„Постои прашање на сила и конкурентност на двете страни на теренот. Мислам дека шутираше четири слободни фрлања на пет натпревари во Евролигата. Во лигата е поинаку, а ние мораме да му помогнеме. Тој мора и тој самиот да си помогне“, заклучи Месина.