Спорт
(Видео) Со солзи во очите Клаудио Раниер замина во пензија
Каљари во минатато коло обезбеди опстанок во Серија што беше главна цел на екипата од Сардинија, која од клупата ја предводи легендарниот Клаудио Раниери. Синоќа 72-годишникот последен пат во кариерата водеше една екипа на фудбалскиот терен. Со солзи во очите тој замина во пензија.
Каљари ја пречека Фиорентина, натпреварот заврши со победа на гостите од Фиренца 2:3. Виола постигна гол за победа од пенал во 103.минута.
На почетокот на натпреварот целиот стадион, играчите на двата тима, па дури и судиите му аплаудираа на Раниери. Тој е можеше да ги задржи солзите.
Claudio Ranieri fighting back the tears as he receives a standing ovation ahead of his final game as Cagliari manager and likely his entire managerial career. pic.twitter.com/xtGU1Y1IYe
— HLTCO (@HLTCO) May 23, 2024
„Одлучив Каљари да биде последниот клуб во мојата кариера. Морам да напоменам дека не сум кандидат за селектор на Италија. И да, Каљари е последен клуб со кој раководам во мојата кариера.
Ова е навистина вистинското место за крај, чувствувам дека го затворив кругот. Мојата кариера започна тука, Каљари ме покани и веруваше во мене иако бев млад и неискусен. Тоа беше пред 35 години, не ни знаев дали ќе станам тренер. Започна со идејата да се вратиме во Серија Б за неколку години, а од Серија Ц стигнавме во Серија А за две години. Оттогаш Каљари е во моето срце“, рече Раниери.
Раниери 38 години беше тренер, од кои 31 година беше тренер во Серија А. Со Лестер ја освои Премиер лигата во 2016 година и тоа е негов најголем успех. Со Фиорентина го освоил Купто на Италија во 1996 година. Во Шпанија со Валенсија го освоил Купот во 1999 и Суперкупот во 2004 година.
На почетокот на кариерата го водеше Каљари, потоа Наполи, Фиорентина, Валенсија, Атлетико Мадрид, Челзи, Валенсија, Парма, Јувентус, Рома, Интер, Монако, Лестер, Нант, Фулам, Сампдорија и Ватфорд.
Тој беше селектор на Грција и во 2014 година, но само четири пати ја водеше репрезентацијата и оствари само едно реми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Њујорк Тајмс: Гвардиола го напушта Манчестер Сити?
Јасни се сигналите дека се ближи крајот на една од најуспешните ери во историјата на Манчестер Сити се ближи кон крајот, пишува „Њујорк Тамс“. Според овој извор, Пеп Гвардиола донел одлука да ја напушти клупата на „Граѓаните“ на крајот од тековната сезона и стави крај на десетте години поминати на „Етихад“.
Јавноста засега може само да претпоставува за причината, за ваквата одлука на Гвардиола. Можно е да станува збор за заситеност по безброј освоени трофеи, желбата за нов предизвик, но и долгорочната правна несигурност што го следи клубот (спорот што го води со Премиер лигата), која потенцијално може да има сериозни последици за Манчестер Сити.
Во секој случај, во Манчестер Сити се свесни дека мора да почнат да размислуваат за иднината без тренерот кој го редефинираше англискиот фудбал. Дејвид Орнштајн пишува дека Гвардиола намерно ја држи оваа тема настрана. Тој не сака сезоната да биде обележана со неговиот статус, ниту да го одвлекува вниманието од тимот и борбата на теренот. Затоа, конкретни дискусии и одлуки се очекуваат дури кога ќе заврши сезоната.
Иако е под договор до 2027 година, Пеп наводно самиот предложил да замине една година пред истекот на договорот.
Доколку тоа се случи, тој ќе остави зад себе наследство кое ретко се гледа: шест титули во Премиер лигата, четири Лига купови, два ФА купа и, она што најмногу му недостигаше на клубот, историската титула во Лигата на шампионите.
Во потрагата по наследник, се истакнува името на Енцо Мареска. Поранешниот помошник на Гвардиола веќе покажа дека може самостојно да управува со големи проекти. Го врати Лестер во елитниот ранг, а со Челзи ја освои Конференциската лига и Светското клупско првенство во новиот формат.
Дополнителен знак прашалник претставуваат неговите неодамнешни пораки за амбициите и поддршката на „Стемфорд Бриџ“, кои беа протолкувани како најава за заминување.
Покрај Мареска, во претходниот период се споменуваа имињата на Оливер Гласнер (Кристал Палас), Андони Ираола (Бормут), Роберто Де Зерби (Марсеј) и Винсент Компани (Баерн Минхен), но како што тврдат одредени извори, најблиску до клупата на Сити е Мареска.
Foto/ depositphotos
Спорт
Лазаров го објави списокот за ЕП
Селекторот на машката сениорска репрезентација, Кирил Лазаров го објави списокот на ракометари за престојното Европско првенство во Данска.
Лазаров, првиот собир го закажа за 22.декември (понеделник) со почеток во 13:30 часот во хотел Александар Палас.
На спиското нема изненадувања, на континеталниот шампионат Македонија ќе настапи со најдобрите.
Македонија на ЕП, во првата фаза ќе игра против Данска, Португалија и Романија.
Список на повикани ракометари:

Foto/ EPA
Спорт
ПСЖ победи во сите пенал серии од доаѓањето на Луис Енрике
Откако Луис Енрике дојде на клупата на Пари Сен Жермен, „Светците“, четири пати беа на пенал рулетот и сите четири пати излегоа како победници.
Тие го одржаа својот 100% учинок во пенал-серијата во среда, со победата во финалето на Интерконтиненталниот куп против Фламенго, благодарение на Матвеј Сафонов.
Рускиот голман го воодушеви светот – одбрани четири од пет обиди на играчите на Фламенго.
Така се здоби со етикетата херој на натпреварот, се потруди да го одржи ПСЖ недопирлив кога станува збор за оваа фаза од играта. Претходно, под водство на Енрике, ПСЖ излезе како победник уште три пати по серија пенали.
Првиот пат беше во раната фаза од Купот на Франција против Ленс (1:1, 4:3), вториот пат беше против Ливерпул во Лигата на шампионите кога Џанлуиџи Донарума блескаше (не толку колку Сафонов) за победа на ПСЖ (4:1 на пенали, по нерешено 1:1 во два натпревари).
Третото изведување пенали на Парижаните во оваа серија го одбележа актуелниот прв чувар на мрежата, Лукас Шевалие, во натпреварот за трофејот од Европскиот Суперкуп против Тотенхем на почетокот. Актуелниот европски првак пенал рулетот го доби со 4:3, откако претходно натпреварот заврши 2:2.
Тешко е да се каже дали Енрике е одговорен за оваа серија, бидејќи голманите и фудбалерите се тие кои директно го создаваат резултатот, но неоспорен факт е дека до доаѓањето на шпанскиот тренер, ПСЖ во седум пенал серии доживеа пет пораази.
Foto/ depositphotos

