Спорт
(Видео) Собирач на топки ја измами цела италијанска одбрана
Еден 15-годишник е најзаслужен за голот на Џамал Мусијала за кој се зборува по четвртфиналните натпревари од Лигата на нации. Германија и Италија, синоќа во Дортмунд одиграа 3:3. Пласман на завршниот турнир избори Германија.
Во 36.минута, додека Донарума ги распоредуваше соиграчите во шеснаесетникот, Кимих експресно го изведе корнерот, Мусијала беше сам пред празниот гол и без проблем го постгна вториот гол за Германија.
Голема, голема заслуга за овој гол има итриот собирач на топки зад голот на „аѕурите“. 15-годишникот одлично ја процени ситуацијата, многу подобро од целата италијанска репрезентација, бргу му ја додаде топката на Кимих, а потоа следуваше веќе опишаното сценарио.
Судиски сигнал не е потребен за изведување на удар од аголот.
Smart goal by Germany to double their lead against Italy.
Musiala wasn’t joking around pic.twitter.com/PxyuLgp8Gb
— FootballScores01 (@FScores01) March 23, 2025
На крајот, натпреварот во Дортмунд заврши нерешено (3:3), што беше доволно за Германците да се пласираат во полуфиналето од Лигата на нации, по триумфот од 2:1 во првиот меч во Милано. Германија во полуфиналето ќе игра против Португалија.
По натпреварот во Дортмунд, Кимих на 15-годишното момче му подарил потпишана топка, по што следела фотосесија.
Bester Assist heute 🙏💛#dfbteam #GERITA pic.twitter.com/YNWTBkmZqQ
— DFB-Team (@DFB_Team) March 23, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливаковиќ одбил да игра за клубот
Доминик Ливаковиќ отиде во Џирона како позајмен играч од Фенербахче, но таму не доби вистинска шанса.
Хрватскиот голман е втора опција во шпанскиот клуб, поради што е незадоволен, поради што одбил да брани еден натпревар за својот тим.
За тоа зборуваше и тренерот на Џирона, Мичел.
„Ливаковиќ не сака да брани. Мораше да брани Газанига, иако е болен. Многу сум лут поради оваа ситуација“, рече Мичел и додаде:
„Ливаковиќ сака да си замине по секоја цена. На ум го има Светското првенство следната година“, истакнува Мичел.
Доминик Ливаковиќ сака да го дочека Светското првенство, кое започнува следната година, во добра форма, па затоа е јасно зошто сака да ја смени средината.
Се шпекулира дека тој ќе се врати во Динамо, и покрај тоа што интерес за него покажа и Џенова.
Спорт
Трансфер „бомба“ во најава: Дибала се враќа во Аргентина
Во аргентинските фудбалски кругови, одекна веста дека од Бока Јуниорс потврдиле, дека клубот има намера да го ангажира Пауло Дибала.
Директорот на клубот, Марсело Делгадо, го опиша потенцијалниот трансфер како комплексна мешавина од „сон и реалност“, нагласувајќи дека гигантите од Буенос Аирес се подготвени да вложат значителен напор за да го обезбедат потписот на Дибала.
Идејата дека Дибала би можел да го замени Рим за жешката атмосфера на „Ла Бомбонера“ долго време тлееше во јужноамериканскиот фудбал, но сега тие гласини добија официјална потврда од врвот на клубот.
„Сон, илузија или реалност? Дибала е мешавина од сите нив“, објасни Делгадо.
„Се надевам дека ќе можеме да направиме потребни напори за да го доведеме тука, без разлика дали постои можност или не. Единственото нешто што го знам е дека неговиот договор истекува во јуни 2026 година. Ќе ја процениме ситуацијата и ќе видиме што ќе се случи.“
Аргентинскиот играч за врска влегува во последните шест месеци од договорот со Рома, што значи дека од јануари може да преговара со други клубови, кои би го донеле без обештетување на крајот од сезоната.
Foto/ depositphotos
Спорт
Јокиќ диригираше, Денвер за полувреме го декласира Сакраменто
Никола Јокиќ повторно ги помести границите во НБА лигата.Изминатата ноќа, во победата на Денвер нагетс, стана играч со најмногу натпревари во кои имач најмалку 30 поени, 10 скока и пет асистенции со 80 отсто реализација.
Денвер во Сакраменто ги декласира Кингс со 136:105. Јокиќ на теренот мина само 29 минути, забележа 36 поени, 12 скокови и осум асистенции. Реализираше 14 од 16-те обиди од поле.
Во убедливата победа на Нагетс се истакнаа и Пејтон Вотсон со 21, Кем Џонсон со 16 и Јонас Валанчунас со 15 поени.
Резултати:
Хјустон Рокетс – ЛА Лејкерс 115:113
/Шенгун 22 – Зубац 33/
Милвоки Бакс – Бостон Селтикс 116:101
/Кузма 31 – Браун 30/
Њу Орлеанс Пеликанс – Портланд Треил Блејзерс 143:120
/Марфи 24 – Шарп 21/

