Спорт
(Видео) Сообраќајна несреќа во Бреша – Балотели го уништи автомобилот

Контроверзниот италијански напаѓач, Марио Балотели, имал тешка сообраќајна несреќа во Бреша.
Несреќата се случила, во доцните вечерни часови во четвртокот, а потврдено е дека Балотели бил зад воланот на автомобилот кој бил целосно уништен во несреќата.
🇮🇹 ÚLTIMA HORA I Mario Balotelli ha sufrido un accidente de coche en Brescia. Está ileso pero salió del coche tambaleándose.
"Se negó a someterse a la prueba de alcoholemia", indica un responsable de la policía lombarda.
Será sancionado por ello.
[ANSA / Sky] pic.twitter.com/ncO63tFkgm
— Soy Calcio (@SoyCalcio_) November 23, 2023
Според првите информации до несреќата дошло поради неприлагодена брзина, поради што напаѓачот на Адана Демирспор изгубил контрола над автомобилот, по што удрил во оградата која се наоѓала покрај патот.
Автомобилот на Балотели е целосно уништен, но најважно е што тој е добро. Сепак, полицијата потврди дека Балотели го одбил алкотестот на лице место.
Брзата помош брзо пристигнала на местото на несреќата, а се појави и видео на кое се гледа дека Балотели е повреден, но она што радува е тоа што тој некако успеал да стане и со куцање да дојде во возилото на Брзата помош.
💥 Mario Balotelli ha sufrido un accidente de coche en Brescia
😳 Según un responsable de la policía local, se negó a someterse a la prueba de alcoholemia
👉🏻 Está ileso y así salió del coche
📻 #PartidazoCOPEpic.twitter.com/vSj2fEZ8aY
— El Partidazo de COPE (@partidazocope) November 23, 2023
Балотели е префрлен во болницата во Бреша, каде ќе биде детално прегледан, по што ќе се знае со какви повреди се здобил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Демонстрација на сила – Германија ја декласира Литванија

Германската кошаркарска репрезентација ја декласираше Литванија со 107:88 во првиот меч од третата рунда на Европското првенство. Со три победи во првите три рунди, Германија веќе обезбеди пласман во осминафиналето.
Натпреварот во „Дек Арена“ во Тампере мина во апсолутна доминација на актуелниот светски шампион.
По Шведска и Црна Гора, Германците и против Литванија постигнаа преку 100 поени. Ова најдобро го отсликува офанзивниот потенцијал на Германците.
Натпреварот против Литванија на хартија беше дербито на денот, но на теренот тоа не беше ништо друго освен игра на мачка и глушец. Литванците имаа свои моменти со две серии (првата 9:0, втората 10:0), но двата налети на ривалите Германците нрутално ги одбија.
Германија денес постигна 19 тројки од 35 обиди.
Денис Шрудер постигна пет (од десет шута), вкупно 26 поени, и беше најефикасниот играч на натпреварот. Франц Вагнер ја потврди својата класа со 24 поени, 7 скока и 4 асистенции, а несѕтварен меч одигра Даниел Тајс.
Тајс шутираше 6/6 за два, 3/3 за три, 2//2 за еден поен, забележа и шест скока, имаше највисок индекс на корисност во натпреварот – 32.
Foto/ EPA/KIMMO BRANDT
Спорт
Блокбастери во првото коло: Ливерпул-Атлетико и Баерн-Челзи

Новата сезона во Лигата на шампионите започнува на 16 септември, а првото коло ќе се игра на 17 и 18 септември.
Првите натпревари на 16 септември во 18:45 часот ќе ги играат Атлетик Билбао и Арсенал, односно ПСВ и Унион Сен Жилоа. Среда е резервирана за две дерби средби: баерн-Челзи и Ливерпул-Атлетико.
Првиот ден на 16 септември ќе играат: Реал Мадрид – Марсеј, Јувентус – Борусија Дортмунд, Тотенхем – Виљареал и Бенфика – Карабах. Овие натпревари ќе започнат во 21 часот.
Олимпијакос и Пафос ќе играат на 17 септември во 18:45 часот, во исто време ќе започне натпреварот Славија Прага-Боде/Глимт.
Пари Сен Жермен – Аталанта, Ајакс – Интер, Баерн Минхен – Челзи и Ливерпул – Атлетико Мадрид ќе играат од 21:00 часот на 17 септември.
Клуб Бриж и Монако ќе играат на 18 септември во 18:45 часот, во истиот термин ќе се сретнат Копенхаген и Баер Леверкузен.
Манчестер Сити – Наполи, Њукасл – Барселона, Ајнтрахт Франкфурт – Галатасарај и Спортинг Лисабон – Каират ќе играат од 21:00 часот на 18 септември.
Второто коло е закажано за 30 септември и 1 октомври, третото коло ќе се игра на 21 и 22 октомври, четвртото коло ќе се одржи на 4 и 5 ноември, петтото коло ќе биде на 25 и 26 ноември, шестото ќе биде на 9 и 10 декември, седмото коло ќе се игра на 20 и 21 јануари 2026 година, а осмото и последно коло ќе биде на 28 јануари.
Осумте првопласирани екипи на табелата ќе обезбедат директно пласман во осминафиналето на ЛШ, додека клубовите од 9-то до 24-то место ќе играат плејоф за пласман во осминафиналето.
Клубовите од 25-то до 36-то место ќе го завршат своето учество во европските натпреварувања.
Трофејот во Лигата на шампионите го брани ПСЖ, кој го победи Интер со 5:0 во финалето минатата сезона.
Финалето на ЛШ ќе се игра на 30 мај следната година во Будимпешта.
Фото/ Принтскрин
Спорт
(Видео) Правнукот на Мусолини дебитираше во Серија А и ја режираше победата на Кремонезе

Фудбалерот на Кремонезе, Романо Мусолини (22), го имаше дебито од сништата во Серија А.
Правнукот на фашистичкиот диктатор Бенито „Дуче“ Мусолини даде клучен придонес во вториот триумф на повратникот во Серија А. Кремонезе го победи Сасуоло со 3:2.
Мусолини влезе во натпреварот седум минути пред крајот, тоа беше негово деби во елитниот ранг на италијанскиот фудбал, а за кратко време успеа директно да влијае на резултатот.
Прво, му асистираше на Окереке за голот, кој беше поништен, бидејќи напаѓачот беше во офсајд, а потоа Мусолини избори пенал од кој Кремонезе, преку Да Лука, стигна до победата.
„Отсекогаш сум сонувал за ова“, рече Мусолини по натпреварот, кој од разбирливи причини, имајќи го во предвид вниманите што го добиваше каде и каде и да се појави, го отстрани презимето од дресот.
Во иднина, тој ќе го носи само името, Романо.
Во еден период, додека играше за Јуве Стабија, навивачите на тој клуб „на шега“ го поздравуваа со крената рака, како што некогаш правеа масите пред неговиот прадедо.
И тоа е една од причините зошто Романо одлучи да не го носи своето презиме на дресот.
Фото/ Принтскрин