Спорт
(Видео) Спектакл на „Амекс“, Брајтон го победи Тотенхем

Фудбалерите на Брајтон забележаа убедлива победа против Тотенхем во натпреварот од 19. коло на Премиер лигата. Брајтон славеше со резултат 4:2 (2:0).
Намерите на Брајтон на овој меч ги објави Дени Велбек со двете одлични шанси во првите шест минути, а се започна пет минути подоцна кога 18-годишниот Џек Хинселвуд за да му донесе водство на својот тим.
Брајтон имаше серија шанси, стативата неколку пати се тресеше и веќе во 23. минута Брајтон имаше два гола предност.
Овој пат Жоао Педро ја погоди мрежата од белата точка.
Во 38. минута голот на Факундо Буонаноте за домашните беше поништен поради офсајд.
Тотенхем ја имаше првата вистинска шанса во судиското надополнување на првото полувреме, но Ришарлисон ја погоди стативата.
Бразилецот беше во центарот на вниманието во првата минута од вториот дел кога неговиот гол беше поништен поради офсајд.
Во 63. минута Брајтон го постигна третиот гол, Первис Еступијан од дваесетина метри испрати вистински проектил во мрежата на гостите.
Во 76. минута нов пенал за Брајтон и втор гол на натпреварот на Жоао Педро.
Тотенхем успеа да постигне во 81. минута. Стрелец беше Алехо Велиз.
Само пет минути подоцна Дејвис намали на 4:2. До крајот Тотенхем силно притисна но не успеа да постигхе уште некој гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Сити го прегази Јувентус

Фудбалерите на Манчестер сити го декласираа Јувентус во Орландо (5:2) и ја освоија првата позиција во Групата Г на Светското клупско првенство. .
Џереми Доку постигна гол за „граѓаните“ во деветтата минута, Пизедначи Теун Копмајнерс две минути подцна, а потоа следувше канонада кон голот на Јувентус.
Мрежата на „старата дама“ ја погодија Пјер Калулу (автогол) во 26-та минута, Ерлинг Халанд во 52-та, Фил Фоден во 69-та минута и Савињо во 75-та минута. Вториот гол за Јуве го постигна Душан Влаховиќ во 84-та минута.
Сити и Јувентус од оваа група се пласираа во осминафиналето.
Спорт
Младинците на Холандија го освоија Европското првенство

Холандската фудбалска репрезентација ја победи Шпанија со 1:0 во финалето на Европското првенство во фудбалери до 19 години, кое се одржа во Романија.
Шпанците не успеаја да слават по 13-ти пат, за среќа на Холанѓаните, кои за прв пат станаа европски шампиони во оваа категорија.
Двата тима внимателно влегоа во финалето, а клучниот момент се случи во 63-та минута кога шпанскиот репрезентативец Раул Хименез си постигна автогол, кој подоцна ќе се покаже како одлучувачки.
Залудно, до крајот на натпреварот, Шпанија се обидуваше да го промени резултатот, и покрај нападите, реализацијата изостана, а титулата европски шампион отиде во рацете на Холандија.
Спорт
Европско првенство во џудо за кадети од денес во Скопје

Отворено е Европското првенство (ЕП) во џудо за кадети, во организација на Европската џудо-унија (ЕЏУ), кое од денес до недела ќе се одржи во Скопје
Под мотото „Младите ѕвезди на иднината“, овој престижен настан ќе ги собере најдобрите млади џудисти од целиот континент, кои ќе се натпреваруваат за европските медали и ќе ги покажат својата сила, техника и спортски дух.
Македонија за првпат е организатор на Европско првенство во џудо, а по тој повод на отворањето на настанот се обрати министерот Панче Тошковски кој рече дека чест и задоволство е што државата ги пречекуваме младите џудисти и нивните поддржувачи од цела Европа.
„Џудото нè обликува преку дисциплина, почит и стремеж кон извонредност – вредности што силно ги цениме. Ова првенство е вистинска манифестација на младешкиот дух, истрајноста и светлата иднина на овој благороден спорт.“, потенцираше министерот.
Претходно беше потпишан Мемнорандум за разбирање помеѓу Министерството за внатрешни работи, Европската џудо федерација и Националната џудо федерација на Македонија. Целта е соработка на проекти за промоција и џудото Македонија, со посебен фокус на едукација на полициски службеници во областа на џудо спортот и самоодбраната. Планирани се програми за физичка обука базирани на џудо за полициски службеници за подобрување на самоодбраната, техниките на ограничување на движењето и целокупната физичка подготвеност и соработка во многу други активности кои го промовираат спортот, дисциплината и здравото живеење на младите.