Спорт
(Видео) Спектакл на „Олд Трафорд“ – Јунајтед во 121. минта го елиминираше Ливерпул од ФА купот
![](https://makfax.com.mk/wp-content/uploads/2024/03/12103431.jpg)
Манчестер јунајтед се пласира во полуфиналето во ФА купот. Претходно пласман во полуфиналето изборија Манечестер сити, Члеси и Ковентри. „Црвените ѓаволи“ во исклучително интересен натпревар го победија Ливерпул со 4:3. Натпреварот ворегуларните 90 минути заври без победник 2:2. Првото продолжение му припадна на Ливерпул, а во второто Јунајтед со два гола обезбеди полуфинале. Апсолутен херој на Јунајтед е Амад Диало кој голот за победа го постигна во 121. минута.
Тимот на Ерик тен Хаг двапати губеше, но на крајот успеа сурово да го казни Ливерпул, кој можеше уште во регуларниот дел да ја заврши работата.
Се започна со голот на Скот Мектомини во 10. минута, а дваесет минути подоцна Шкотланѓанецот имаше уште една одлична шанса, но Келехер извонредно реагираше.
Ливерпул потоа постигна гол, стрелец беше Ватару Ендо, но ВАР реагираше и го поништи поради офсајд.
Тоа не ги спречи гостите да стигнат до пресврт пред паузата. Најпрвин во 44. погоди Алексис Мекалистер, а во втората минута од судиското надополнување Мохамед Салах ја затресе мрежата на Андреа Онана за 1:2.
Двата тима имаа добри шанси во продолжението, особено Ливерпул, но Јунајтед беше тој кој избори продолженија со голот на Антони во 87. минута.
Во продолженијата први се радуваа гостите од „Енфлилд“, во 105 минута гол постигна Харви Елиот.
Драмата не заврши тука, бидејќи Маркус Рашфорд го искористи додавањето на Мектомини во 112. минута и го израмни резултатот.
И кога се чинеше дека пеналите ќе го одлучат победникот, на сцена стапи Амад Диало, кој во контра ја казни грешката на Елиот во 121. минута од натпреварот, за целосен делириум на „Олд Трафорд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Белгија ја запиша првата победа на ЕП
![](https://makfax.com.mk/wp-content/uploads/2024/06/12320148.jpg)
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
![](https://makfax.com.mk/wp-content/uploads/2024/06/012735534003.file_.jpg)
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
![](https://makfax.com.mk/wp-content/uploads/2024/06/12319756.jpg)
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.