Спорт
(Видео) Спортинг на Аморим го растури Сити, хет-трик на Дијас против Баер

Рубен Аморим со стил се прости од навивачите на Спортинг. 39-годишниот тренер кариерата ќе ја продолжи во Манчестер јунајтед. Вечерва во Лисабон, Спортинг на Аморим го декласира Манчестер сити со 4:1. Натпреварот го обележа Виктор Ѓекереш со хет трик. Три гола вечерва постигна и Луис Дијас, во победата на Ливерпул над Баер Леверкузен од 4:0.
Не делуваше дека Сити ќе соживее убедлив пораз откако Фоден погоди за 0:1 во четвртата минута. Во наредните 30 минути „граѓаните“ не реализираа три добри шанси за зголемување на водството. Казната ги стигна во 38.минута кога Ѓејереш изедначи.
Целосен шок за Сити следуваше во воведните три минути од вториот дел, најпдвин Араужо му донесе предност на Спортинг, а потоа шведскиот напаѓач го постигна својот втор гол за 3.1.
Халанд се изрезил во 69.минута кога промаши пенал, а точка на мечот со третиот гол стави Ѓекереш.
Шведскиот репрезентативец сезонав има нестварен учинок 17 одиграни натпревари и 23 постигнат гола.
На „Енфилд“, каде по 15 години се врати Чаби Алонсо, овој пат како тренер на Баер, здодевно беше во првото полувреме, а во вториот Ливерпул ги растури „фармацевтите“. Покрај Дијас кој постигна три гола, стрелец беше и Гакпо.
Ливерпул по четири кола има максимални 12 бода.
Конечни резултати на натпреварите од 21:00 часот: Болоња – Монако 0:1, Борусија Дортмунд – Штурм Грац 1:0, Селтик – РБ Лајпциг 3:1, Лил – Јувентус 1:1, Ливерпул – Баер Леверкузен 4:0, Спортинг Лисабон – Манчестер сити 4:1, Реал Мадрид – Милан 1:3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Белингем: Кажи му дека сите одлуки ги носи во корист на Барселона

Во одличен натпревар во финалето на Кралскиот Куп, Барселона го победи Реал Мадрид со 3:2 по продолженијата. Сепак, главната тема и два дена по натпреварот судијата Рикардо де Бургос Бенгоечеа.
Пред натпреварот, клупската телевозија „Реал Мадрид ТВ“, објави видео со одлуките на судијата, за кои тврди дека биле против Реал. После тоа, Бенгоечеа се огласи и рече дека поради тоа видео, неговото дете е злоставувано во училиште.
На крајот од натпреварот, судијата исклучи тројца играчи на Реал. Џуд Белингам беше агресивен по последниот свиреж и доби втор жолт картон. Ридигер на клупата доби црвен картон откако фрли пластично шише кон судијата, а потоа сакаше и физички да се пресмета со него, а Лукас Васкез поради протест.
Потоа, се појави видео направено на полувремето во тунелот. Џуд Белингам разговара со капитенот Лукас Васкез.
„Кажи му дека сè оди во корист на Барселона! Секоја ситуација 50:50 ја суди за нив“
Васкез го тргна Белингем од судијата, а Шпанците тврдат на социјалните мрежи дека Ридигер му рекол:
„Џуд, те слушаат.“
🗣️ Jude Bellingham shouts:
— “Everything goes in their favor… every 50/50 goes in their favor…”
🗣️Antonio Rüdiger warns him:
— “Jude, they can hear you!”
🤡🤡🤡🤡🤡 pic.twitter.com/krf6dtzkjs
— Barça Worldwide (@BarcaWorldwide) April 27, 2025
Спорт
Салах и Ѓокереш во трка за „Златната копачка“

Крајот на сезоната се ближи во повеќето европски национални шампионати, а трката за „Златната копачка“, влегува во неизвесен финиш.
Мохамед Салах беше и стрелец синоќа во победата на Ливерпул над Тотенхем (5:1). Салах го постигна 28. гол сезонава. Кога бројот на постигнати голови ќе се помножи со коефициентот „2“, се доаѓа до бројката 56.
Лидер на листата е Швеѓанецот од Спортинг, Виктор Ѓокерес постигна четири гола против Боависта. Ѓокереш дојде до бројката од 38 гола во сезоната, со коефициент од 1,5 напаѓачот на Спортинг Лисабон моментално ја предводи трката за „Златната копачка“ со 57 бода.
На третото место е Роберт Левандовски кој е повреден и прашањето е дали ќе може да се вмеша во ваа трка. Тој е на 50 поени. Хари Кејн и Матео Ретеги имаат 48 поени.
Како што сега стојат работите во последните три рунди, за „Златната копачка“ ќе се борат Салах и Ѓокерес.
Спорт
(Видео) Ридигер му се извини на судијата Де Бургос за дивјачкото однесување

Фудбалерот на Реал, Антонио Ридигер, јавно им се извини на судијата и навивачите за своето однесување во финишот, поради што доби црвен картон во финалето на Купот на Кралот и поразот. Купот го освои Барселона со победата 3.2, остварена во 116.минута.
Германскиот репрезентативец, незадоволен од една одлука на Де Бургос, фрли пластично шише кон судијата, а потоа се обид и да влезе на теренот за да се пресмета со нег.
Шпанските медиуми објавија дека тој се соочува со суспензија од четири до 12 натпревари.
„Дефинитивно нема оправдување за моето однесување. Многу ми е жал. Одигравме многу добар натпревар од второто полувреме, по 111. минута повеќе не можев да му помогнам на мојот тим, а пред последниот свиреж направив грешка. Уште еднаш им се извинувам на судијата и на сите што ги разочарав“, напиша 32-годишниот Ридигер на социјалната мрежа „X“.
Antonio Rudiger is sent off the pitch! 🟥 pic.twitter.com/wUsZXlPGDi
— Running Rüdiger (@RudigerRunning) April 26, 2025