Спорт
(Видео) Срам за УЕФА, клучните играчи на Тотенхем не добија медали

Гаф каков што ретко се случува го обележа крајот на финалениот натпревар во Лига Европа. Во Билбао, Тотенхем го победи Манчестер јунајтед со 1:0.
Тотенхем го освои првиот трофеј по 18 години, играчите и навивачите бурно го прославија историскиот триумф, но тој беше расипан од организаторот на натпреварувањето во кое победија.
Играчите и членовите на тренерскиот штаб на Тотенхем стоеја во ред за да ги добијат медалите наменети за победниците од Александар Чеферин, претседателот на УЕФА.
Словенецот ги подели, но кога дојде редот на Сон Хеунг Мин, Кристијан Ромеро и Родриго Бентанкур, тој остана без медали.
На тој начин, тројца клучни играчи на Спарс не ги добиа своите признанија. Чеферин, гледајќи дека нема медали за триото на Спарс, разговараше со луѓето од протоколот, но УЕФА очигледно немаше доволно медали за победниците, па капитените Сон и Ромеро, односно Бентанкур мораа да се задоволат со ракување со Чеферин.
Англиските медиуми пишуваа за ова како за голем срам за УЕФА. Тие истакнуваат колку е неверојатно што дури осум судии и Џејмс Медисон, кој не играше ниту една минута, добија медали за својот настап во финалето, но капитените на Тотенхем, Сон и, Ромеро ( официјално најдобриот играч на финалето) и Бентанкур, уште еден играч кој одигра одличен натпревар, останаа без нив.
Сон подоцна го крена трофејот во одлично расположение, но без медал околу вратот. Се очекува УЕФА да се поправи за оваа грешка и да му испрати медали на Тотенхем за играчите што не ги добија синоќа во Билбао.
UEFA ran out of medals for Son, Romero and Bentacur
byu/justwannabeehappy insoccer
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Само во случај на прифатлива понуда Влаховиќ ќе замине од Јувентус
Душан Влаховиќ доби дозвола од Јувентус да го напушти клубот.
Според договорот со генералниот директор на клубот од Торино, Дамиен Комоли, Влаховиќ може да го напушти клубот само во случај на прифатлива понуда.
„Се договоривме со Душан дека може да го напушти клубот само во случај на прифатлива понуда“, рече Комоли.
„Сè уште не сме добиле понуда за него што би можеле да ја прифатиме.“
За заминувањето на Влаховиќ од Јувентус се зборува веќе долго време. Српскиот фудбалер не сакаше да го продолжи договорот со тимот, за да може да го напушти клубот од Торино во летниот преоден рок.
Влаховиќ целосно го загуби статусот во првиот тим на Јувентус во вториот дел од сезоната.
Српскиот фудбалер е во Јувентус од 2022 година и досега има собрано 136 натпревари во кои постигнал 55 гола.
Спорт
Спасувачите нема да го извлечат телото на Далмаер – ќе ѝ ја исполнат нејзината желба

Спасувачите во Пакистан се откажаа од плановите за извлекување на телото на двојната олимписка шампионка, германската репрезентативка во биатлон, Лаура Далмаер (31). Решија да ја почитуваат нејзината последна желба да се избегне загрозување на животите на другите луѓе, изјави алпинистот Томас Хубер за ДПА во четвртокот.
Далмаер почина во понеделникот во одрон на карпа во близина на врвот Лаила, висок 6.069 метри, на планинскиот венец Каракорам, соопштија нејзините претставници и локалните власти.
Таа беше прогласена за мртва во средата вечер откога воздушните и копнените операции за спасување од врвот Лаила во регионот Гилгит-Балтистан (ВБ) беа неуспешни.
Пакистанските власти вчера изјавија дека спасувачките екипи предводени од меѓународни алпинисти и локални носачи на голема надморска височина ќе почнат нова операција за преземање на нејзиното тело.
„Кога го видовме телото на Лаура, беше јасно дека таа нè напуштила. Како искусни планинари, решивме да не одиме и да го извлекуваме нејзиното тело“, рече Хубер, кој е во регионот на ВБ.
„Телото се наоѓа на многу тежок терен, што би го изложило спасувачкиот тим на голем ризик“, рече германски алпинист, кој беше дел од спасувачкиот тим.
„Одлучивме да ја почитуваме последната желба на Лаура. Таа не сакаше никој да го ризикува својот живот за неа“, додаде тој.
Северниот регион на Пакистан е дом на неколку прекрасни врвови, вклучувајќи и некои што се издигаат над 8.000 метри. Секоја година регионот привлекува стотици планинари од целиот свет, вклучително и од Европа.
Несреќите, понекогаш фатални, се чести за време на овие експедиции, особено при искачување на вториот највисок врв во светот, К2 (8.611 м), и на Нанга Парбат (8.126 м).
Кралицата на Светското првенство во Хохфилзен во 2017 година, со дури пет титули и еден сребрен медал во шест дисциплини, Лаура Далмаер, освои злато во спринт и потера, како и бронза во поединечна трка, на Зимските олимписки игри 2018 во Пјонгчанг.
За време на нејзината најдобра сезона на Светското првенство 2016/2017 Баварката го освои и големиот „Кристален глобус“ за вкупен пласман.
По Пјонгчанг таа ја заврши кариерата во 2019 година на 25-годишна возраст.
Спорт
ПСЖ доаѓа на eвропскиот Суперкуп без подготвителни натпревари

Фудбалерите на Пари Сен Жермен ќе дојдат на натпреварот од eвропскиот Суперкуп против Тотенхем на 13 август во Удине без да одиграат ниту еден подготвителен натпревар.
Таа одлука ја донесе тренерот на европските шампиони, Луис Енрике, кој им го продолжи одморот на своите фудбалери за уште два дена.
ПСЖ ќе започне со тренинзи на 6 август и по само седум дена работа, ќе играчите ќе имаат можност да го освојат првиот трофеј во новата сезона.
Шпанскиот стручњак очигледно решил да ги награди играчите за брилијантните резултати што ги остварија минатата сезона.
„Светците“ ја освоија Лигата на шампионите за прв пат во историјата, ги собраа сите трофеи во Франција и стигнаа до финалето на Светското клупско првенство, во кое неочекувано загубија од Челзи.
Фото/ Принскрин