Спорт
(Видео) Србија се коцкаше, но победи во Летонија

Летонија и Србија го отворија денот резервиран за квалификациски натпревари за пласман на Светското првенство. Фаворитот Србија победи со 1:0 со голот на Влаховиќ во 12.минута.
Србите беа фаворити, тоа го покаѓаа на теренот во првиот дел кога доминираа во поседот и во одарите кон голот (12:2).
Србите беа сигурни и во вториот дел, но никако не може да мпостигнат уште еден гол, а тоа можеше скапо да ги чини. Летонците во 92.минута ја погодија стативата од голот на Петровиќ.
Србија по три одиграни натпревари во К групата има седум бода, Англија е прва во групата со два повеќе. Англичаните, кои во наредното коло и гостуваат на Србија, вечерва ќе ја пречекаат Андора.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Чаби Алонсо: Загубивме заслужено и судиите немаат ништо со тоа

Реал Мадрид доживеа убедлив пораз од 5-2 во дербито со Атлетико Мадрид, прв под водство на Чаби Алонсо. По мечот, тренерот призна дека тимот не бил на потребното ниво и дека проектот што го гради е сè уште во развој.
„Одигравме лош натпревар, ниту колективно, ниту индивидуално. Не бевме на висина ниту со топка, ниту без неа. Ова е прв пораз сезонава, но ќе продолжиме напред. Нема оправдувања, поразот беше заслужен. Ова е дерби и навистина боли кога вака ќе се загуби“, изјави Алонсо.
Тој посочи дека недостатокот на интензитет и концентрација бил клучен:
„Не се натпреварувавме на нивото што го бара ваков меч. Во дуелите бевме пасивни, со топка не наоѓавме решенија, а играта не течеше. Атлетико нè притискаше и ние не успеавме да одговориме.“
Алонсо додаде дека вината е исклучиво во играта на тимот, без врска со судиите:
„Ова што се случи нема врска со судиските одлуки. Поразот беше заслужен.“
Спорт
Јувентус и Аталанта и понатаму се непоразени, а ремизираа во Торино

Јувентус и Аталанта одиграа реми 1-1 во петтото коло на Серија А на стадионот „Алијанц“. И покрај очекувањата за динамичен дуел со голови, натпреварот мина во силна борба, со малку реализирани шанси.
Во првиот дел, Аталанта ја имаше првата шанса преку Никола Крстовиќ, додека за Јувентус најопасен беше Аџиќ.
Водството за Аталанта дојде во судиското надополнување на првиот дел, кога Камалден Сулејмана реализираше од одлична акција.
Во вториот дел, Аталанта се закани преку Марио Пашалиќ, а во 79. минута Хуан Кабал постигна погодок за израмнување на 1-1.
Минута подоцна, Де Рон заработи црвен картон по втор жолт картон, давајќи предност на Јувентус, но домаќините не успеаја да ја искористат и мечот заврши со поделба на бодовите.
Спорт
Рекордерот Хари Кејн: Чест е да се постигнат 100 гола во дресот на Баерн, не размислувам за враќање во Англија

Рекордерот по најбрзо постигнати 100 голови за клуб од топ 5 европски првенства, Хари Кејн, зборуваше по убедливата победа над Вердер со 4-0. Капитенот на Англија постигна нови два погодоци, со кои ги надмина достигнувањата на Кристијано Роналдо и Ерлинг Халанд, достигнувајќи ја бројката од 100 голови само за 104 натпревари.
Капитенот на Англија го коментираше својот подвиг.
„За мене ова е лудост. Чест е да достигнам 100 голови за овој голем клуб. Ова е и заслуга на моите соиграчи и тренерскиот тим кои ми помагаат. Неверојатно е што успеав да го остварам толку брзо. Се надевам дека ќе постигнам уште 100 голови“, изјави Хари Кејн.
На прашањето за шпекулациите околу својата иднина, Кејн одговори:
„Не, во моментов не размислувам за враќање во Англија. Многу сум среќен тука. Имам уште две години од мојот договор. Уживам во секој момент. Враќање во Англија не е во моите планови. Уживам во времето со тимот и тренерот и се надевам дека ќе продолжиме да бидеме успешни. Баерн е најдоброто место за освојување трофеи, апсолутно.“