Спорт
(Видео) „Тајсон сцена“ во УФЦ: Го гризна ривалот па доби дисквалификација
Во „Ејпекс центарот“ во Лас Вегас се одржа нов УФЦ настан, а најголемо внимание привлече една од воведните борби. Противници во мува категоријата (до 57 килограми) беа Андре Лима и Игор Северино.
Борбата траеше до средината на втората рунда, кога мораше да биде прекината. За победник беше прогласен Лима поради дисквалификација на противникот. Причина? Северино силно го гризна за левата надлактица! За тоа сведочат видеата од кафезот.
Инцидентот најпрвин не беше регистриран, но по некарактеристичната реакција на Лима, борбата беше прекината, а потоа судијата немаше дилема како да реагира. Доказ имало и на кожата на Лима.
Овој инцидент потсети на легедарната борба меѓу Мајк Тајсон и Ивандер Холифилд. За среќа, за разлика од Тајсон 27 години претходно, Северино не успеа да го одгризе месото од својот ривал.
Igor Severino vs. Andre Lima at #UFCVegas89 ends in a rare disqualification for BITING. Wild. pic.twitter.com/LXL7X9ZR96
— Mike Bohn (@MikeBohn) March 23, 2024
Лима победи на дебито во УФЦ и сега има 8-0 како професионалец. По победата тој замина во студио за тетовирање и се тетовира околу местото каде што беше каснат. Со тетоважата го прослави дополнителнителниот бонус од 25.000 долари што ги доби од победата со прекин. Пишува: „Бонус затоа што е..но ме каснаа!“
Дејна Вајт, претседателот на УФЦ, најави дека Северино ќе добие отказ од УФЦ по неспортскиот потегг, пренесува новинарот Кевин Аиоли. Овој бизарен пораз беше прв во кариерата на Северино (8-1) и останува да се види како ќе се развива неговата кариера.
Andre Lima picks up the win over Igor Severino due to a DQ from Severino, who bit Lima’s arm 😳 #UFCVegas89 pic.twitter.com/NQTJuSh9G3
— ESPN MMA (@espnmma) March 23, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.
Спорт
Брест не може на својот стадион да биде домаќин во ЛШ
Најголемото изненадување во Франција, Брест, кој како трет во француското првенство директно се пласираше во Лигата на шампионите, европските натпревари ќе ги игра на стадионот „Стад де Рудуру“ во Генгамп, најави градоначалникот на Брест, Франсоа Куиландре. Иако во игра беше и „Роажон парк“ во Рен, Куиландре истакна дека Рудуру е „најблискиот стадион до Брест“.
„Жал ми е што не е во Ле-Бле, но исто така ја зајакнува нашата идеја за изградба на нов стадион“, додаде тој.
„Стад Франсис-Ле-Блеу“, каде Брест игра во Лига 1, не ги исполнува стандардите што ги бара УЕФА за натпревари од Лигата на шампионите, особено затоа што три од неговите четири трибини се цевчести структури, што е забрането со континенталните прописи.
По техничкиот преглед на крајот на април, УЕФА го извести Брест дека, доколку не се изведат градежни работи, ќе им дозволи да играат на совјот стадион но тогаш капацитетот би бил само 5.000 места.
Брест мора да ја извести УЕФА до 22 мај каде ќе биде домаќин.
Брест пред неколку години започна проект за изградба на нов стадион со 15.000 седишта, чија изградба е планирана за 2025 година и кој не треба да биде завршен пред 2027 година.
Спорт
Рома на Азурниот брег најде спортски директор
Французинот Флорен Гизолфи ќе стане нов спортски директор на фудбалскиот клуб Рома.
Оваа вест ја потврди и претседателот на Ница каде до крајот на сезоната ќе работи на истата позиција.
„Флорен Гизолфи нè напушта, се сели во Рома и ние сме среќни поради него. Поминавме неколку добри месеци заедно, тој е добар човек и тоа многу го цениме. Му посакуваме се најдобро. Тој побара да си замине и ние прифативме“, изјави Жан-Пјер Ривер.
Гизолфи ќе го раскине договорот со Ница и на тој начин ќе и олесни на Рома која нема да мора да го откупи неговиот договор од Ница.
Местото спортски директор на Рома е испразнето откако Тиаго Пинто поднесе оставка на крајот од јануарскиот преоден рок.