Спорт
(Видео) Танго Аргентино на „Метрополитано“ – Атлетикого декласира Хетафе

Атлетико Мадрид е првиот полуфиналист на шпанскиот Кралски куп по убедливата победа над Хетафе. Натпреварот на стадионот „Метрополитано“ во шпанската престолнина заврши со резултат 5:0 (3:0).
Прашањето околу конечниот победник „јорганџиите“ го решија во првото полувреме кога дојдоа до недостижни три гола предност.
Блескаше синот на тренерот Диего Симеоне, 22-годишниот Џулијано.
Најмладиот син Чоло ги постигна првите два гола во воведните 17 минути и најави убедлив триумф. Прво во осмата минута по комбинација со Хави Галан, а потоа во 17. по најубавата акција на натпреварот во која учествуваа тројца Аргентинци: Хулијан Алварез, Родриго Де Пол и стрелецот Џулијано Симеоне.
Третиот гол го постигна Бразилецот Самуел Лино во 42. минута.
Џулијано Симеоне можеше да постигне хет-трик, но неговиот гол беше поништен поради офсајд на почетокот на вториот дел.
Во останатиот дел од натпреварот, фудбалерите на Атлетико рутински си ја завршија работата, фокусирани на следниот натпревар, бидејќи викендов на „Бернабеу“ му гостуваат на градскиот ривал Реал.
Четвртиот гол го постигна уште еден Аргентинец, Анхел Кореа, од 20 метри со силен и прецизен удар во 78. минута, а конечниот резултат осум минути подоцна го постави Норвежанецот Александар Серлот на асистенција на Кореа.
Тоа беше првиот четвртфинален натпревар од Купот на кралот. Леганес и Реал Мадрид играат во среда, а за четврток се закажани два натпревари: Реал Сосиедад – Осасуна и Валенсија – Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Усик: Уште две борби и ќе се пензионирам

Украинскиот боксер Олександар Усик изјави дека му преостануваат уште две борби во кариерата и дека сака да се соочи со победникот од дуелот меѓу Даниел Дубоа и Џозеф Паркер.
Непоразениот светски шампион во тешка и крузер категорија успеа да ги обедини сите четири главни титули во тешка категорија со победата над Тајсон Фјури во мај минатата година.
Набргу, поради правилата, остана без титулата во верзијата на ИБФ, но другите три ги одбрани со вториот триумф против Англичанецот во декември минатата година.
Од друга страна, Дубоа појасот на ИБФ ќе го брани против Паркер, а победникот би можел да се соочи со Усик за титулата неприкосновен шампион во тешка категорија.
„Ќе се борам со победникот од мечот Дубоа-Паркер, нема проблем. Мислам дека ми остануваат уште една и пол или две години во рингот, значи две борби. Се чувствувам навистина одлично“, изјави освојувачот на златниот медал на Олимписките игри во Лондон во 2012 година.
Дубоа сака да му се одмазди на момчето од Крим за поразот што му го нанесе со нокаут во август 2023.
„Постојано работам на себе, станувам се подобар и подобар. Велат дека напредуваш кога освојуваш светска титула, чувствувам дека токму тоа ми се случува во моментов. Подготвен сум да докажам дека можам да го победам секој што ќе ми застане на патот“, изјави самоуверениот Дубоа, додавајќи накратко:
„Сите некогаш мораме да пораснеме. Сакам реванш“.
Даниел Дубоа (22-2) го освои појасот на ИБФ со технички нокаут против хрватскиот борец Филип Хрговиќ, а титулата ја одбрани против Ентони Џошуа.
Спорт
Винисиус води интензивни преговори со саудиската Про лига

Винисиус Жуниор има богата понуда од Саудиска Арабија, годишна плата од 200 милиони евра и договор на пет години. Во исто време Реал би добил обесштетување од 300 милиони евра.
Како што сега стојат работите, веќе не се поставува прашањето дали, туку кога Бразилецот ќе се пресели во Саудиска Арабија.
Радио „Марка“ ексклузивно објави дека фудбалерот и неговите менаџери веќе одржале две средби со претставници на саудиската лига.
Интересно, но не и невообичаено, Бразилецот и неговиот тим не преговараат со конкретен клуб, туку со Про лигата. Познато е дека сте клубови во Саудиска Арабија се сопственост на државата. Повеќе од се, важно е Винисиус да стане заштитно лице на саудискиот фудбал во наредните години, а во кој клуб ќе дојде и не е толку важно.
Преговорите на саудиска страна ги водат високи членови на кралското семејство и челници на локалната лига, пренесува „Марка“.
Првата средба, понатаму наведуваат, била неформална, одржана преку видео повик, а бидејќи била прва, била многу важна за Саудијците, поради впечатокот што ќе го остават кај Винисиус и како ќе реагира на понудата и на проектот што му се презентира.
Во опуштен разговор кој траел 15 минути, Саудијците претставиле план кој треба да го заинтересира Винисиус, не само од финансиска, туку и од спортска и лична перспектива.
Доколку биде постигнат договор, Бразилецот ќе добие петгодиешн договор и ќе инкасира милијарда евра.
Освен тоа, Саудијците планираат на Винисиус да му доделат статус на официјален амбасадор на Светското првенство кое во земјата ќе се одржи во 2034 година.
Втората средб, тврди радио „Марка“ била одржана во Прага.
Далеку од љубопитните очи, двете страни одржале состанок во главниот град на Чешка, на неутрална територија. Менаџерот на Винисиус лично се сретнал со претседателот на саудиската Про лига, Саад Ал Лазез.
Тогаш на менаџеротт му бил преставен финансискиот дел од проектот.
По втората, имало уште еден средба и тоа во Саудиска Арабија, каде што менаџерот на Винисиус повотрно преговарал со челниците на Про лигата.
„Марка“, понатаму наведува дека Винисиус не сака да биде етикетиран дека „трча по пари“. Ако го напушти Реал Мадрид, сака тоа да биде од строго спортски причини,.
На неговата одлкуа да се пресели во Саудиска Арабија може да влијае неговото незадоволство од атмосферата на стадионите низ Шпанија, каде што не е секогаш популарна личност. Расистичките скандирања со кои спорадично се соочува може само да ја забрзаат неговата одлука да го напушти Мадрид.
Бразилецот до ден денес нема донесено одлука, засега е фокусиран на Реал и освојувањето трофеи со клубот, но свесен е и дека мора да донесе конечна одлука.
Моќните Саудијци се јасни го сакаат Винисиус ова лето и тој мора да донесе одлука.
Спорт
Боависта во еден ден донесе девет нови играчи

Португалскиот клуб Боависта синоќа направи необичен потег и истовремено ангажираше девет нови играчи.
Најпознато име меѓу нив е Лавин Курзава, поранешен играч на Пари Сен Жермен и Монако и човек кој 14 пати го носеше дресот на француската репрезентација.
Покрај него, клубот од Порто објави дека нови играчи се: голманот Томаш Вацлик, Марко ван Гинкел, Муса Коне, Осман Какај, Витали Листов, Сидоин Фонинг, Стивен Виторија и Гбоје Ариџиби.
По 21 одиграно коло во португалскиот шампионат, Боависта се наоѓа на последното место на табелата со 12 бодови, шест помалку од безбедната зона.