Спорт
(Видео) Тијафо дивееше, Американците поразени во Дејвис-купот
![](https://makfax.com.mk/wp-content/uploads/2023/09/64548935650381c62a22c449244836_w640.jpg)
Големи битки се водат во Дејвис купот за пласман на завршниот турнир во Малага, а во групата што се игра во Сплит, Американецот Френсис Тиафо предизвика инцидент.
Американецот и 11. тенисер во светот бркаше негатива што ја имаше неговата репрезентација на мечот со Холандија по поразот на Томи Пол од Ботик ван де Зандшулп (7:6, 6:2).
Тиафо играше против 24. играч во светот Талон Грикспор и го загуби првиот сет со 6:3, а вториот сет го доби во тај-брејк со 9:7.
Драма следуваше во третиот сет, каде Холанѓанецот поведе со 5:2 во тај-брејкот и сервираше ас, на кој беше досуден аут.
Тиафо беше на топката, но не ја префрли на другата страна, па откако беше побаран челенџ поенот му беше доделен на Гриксспор. Во тој момент Тиафо полуде.
„Како вчера во ваква ситуација поенот повторно се одигра, а сега тоа не е случај?!“, му се развика на судијата и потоа почна да удира со рекетот по теренот.
Поради ова тој беше санкциониран со одземање поен, со што Грикспор од 6:2 дојде до 7:2.
Со тоа го освои третиот сет, воедно и го доби мечот, а со тоа и Холандија ги победи Американците бидејќи стигнаа до недостижни 2:0 пред мечот во двојки.
Во двојки, Американците го намалија резултатот на 2:1, бидејќи Раџив Рам и Остин Крајичек ги победија Матве Миделклоп и Весли Колхоф со 6:7(5), 7:6(3), 6:3.
CRAZY drama to finish 😱
Tiafoe and USA lose the match and tie to a POINT PENALTY!#DavisCup pic.twitter.com/3ZNjxhL0vF
— Tennis TV (@TennisTV) September 14, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва