Спорт
(Видео) Тијафо дивееше, Американците поразени во Дејвис-купот

Големи битки се водат во Дејвис купот за пласман на завршниот турнир во Малага, а во групата што се игра во Сплит, Американецот Френсис Тиафо предизвика инцидент.
Американецот и 11. тенисер во светот бркаше негатива што ја имаше неговата репрезентација на мечот со Холандија по поразот на Томи Пол од Ботик ван де Зандшулп (7:6, 6:2).
Тиафо играше против 24. играч во светот Талон Грикспор и го загуби првиот сет со 6:3, а вториот сет го доби во тај-брејк со 9:7.
Драма следуваше во третиот сет, каде Холанѓанецот поведе со 5:2 во тај-брејкот и сервираше ас, на кој беше досуден аут.
Тиафо беше на топката, но не ја префрли на другата страна, па откако беше побаран челенџ поенот му беше доделен на Гриксспор. Во тој момент Тиафо полуде.
„Како вчера во ваква ситуација поенот повторно се одигра, а сега тоа не е случај?!“, му се развика на судијата и потоа почна да удира со рекетот по теренот.
Поради ова тој беше санкциониран со одземање поен, со што Грикспор од 6:2 дојде до 7:2.
Со тоа го освои третиот сет, воедно и го доби мечот, а со тоа и Холандија ги победи Американците бидејќи стигнаа до недостижни 2:0 пред мечот во двојки.
Во двојки, Американците го намалија резултатот на 2:1, бидејќи Раџив Рам и Остин Крајичек ги победија Матве Миделклоп и Весли Колхоф со 6:7(5), 7:6(3), 6:3.
CRAZY drama to finish 😱
Tiafoe and USA lose the match and tie to a POINT PENALTY!#DavisCup pic.twitter.com/3ZNjxhL0vF
— Tennis TV (@TennisTV) September 14, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Арсенал избегна пораз на „Олд Трафорд“ и се оддалечи од борбата за титулата

Манчестер јунајтед и Арсенал одиграа 1:1 во 29.коло во Премиер лигата. Резултатот во дербито веројатно ги реши сите дилеми околу шампионската титула. Ливерпул на првото место со натпревар повеќе има 15 поени повеќе од Арсенал.
Многумина ги отпишаа „црвените ѓаволи“ во пресрет на овој натпревар, но избраниците на Рубен Аморим изгледаа навистина добро и имаа повеќе можности за гол од своите ривали.
Давид Раја и покрај тоа што прими гол од слободен удар, го спаси Арсенал од пораз . Јунајтед во втроиот дел не искористи неколку одлични шанси за домашните.
„Црвените ѓаволи“ водеа од втората минута, од судиското надополнување на времето во првиот дел, кога Бруно Фернандеш, во стил на Дејвид Бекам, постигна гол од 23 метри.
Арсенал изедначи со голот на Деклан Рајс во 74.минута.
BRUNO FERNANDES BEST PLAYER IN THE WORLD!!!!!!! ARE YOU MADD!!!!!!
— AB⚕ (@AbsoluteBruno) March 9, 2025
Спорт
(Видео) Реал го победи Рајо, повторно го скокна Атлетико на табелата

Фудбалерите на Реал Мадрид го совладаа Рајо Ваљекано во 27. коло од Ла Лига.
„Врие“ во борбата за трофејот во шпанското првенство, моментално Реал Мадрид и Барселона имаат по 57 бода, Атлетико бод помалку.
Ова се случи по победата на Реал над Рајо Ваљекано (2:1) во 27.коло, а Барселона има меч помалку откако им беше одложен дуелот со Осасуна.
Реал уште во првото полувреме го трасираше патот до триумфот. Првиот гол го постигна Килијан Мбапе во 30. минута, додека Винисиус четири минути подоцна ја удвои предноста на „кралскиот клуб“.
Стрелец на единствениот гол за Рајко Ваљекано беше Дијаз во судиското надополнување на првото полувреме, а бидејќи во вториот дел немаше голови, Реал Мадрид ги освои трите бода.
Спорт
(Видео) Кукуреља ги скрати маките на Челси, Тотенхем се спаси од пораз против Борнмут

Челси со тешка мака го победи Лестер (1:0), а Тотенхем успеа да се спаси од пораз против Борнмут (2:2), во 28.коло, во Премиер лигата на Англија.
Челси мака мачеше во дуелот со еден од најлошите тимови во Англија. „Сините“ не искористија пенал во 22.минута, Кол Палмер не успеа да погоди. Отпорот на гостите го скрши Марк Кукуреља по еден час игра.
Челси со овој триумф скона на четвртото место на табелата со 49 бода, два повеќе од Манчестер сити.
Вториот натпревар, одигран во истиот термин во Лондон беше многу поинтересен, немаше победник во пресметката меѓу Тотенхем и Бурнемаут, 2:2.
Гостите долго ќе жалат за триумфот, кој значително ќе им ги подобрише шансите за настап во Европа следната сезона. Имаа предност од два гола, но…
Таверние го доведе Борнмаут во водство по асистенција на унгарскиот интернационалец Милош Керкез во 42. минута. Еванилсон ја удвои предноста во 65. минута.
Сепак, играчите на тотенхем не се откажаа. Сар им ја врати надежта, постигнувајќи гол само две минути подоцна, а потоа Сон од пенал во 84. минута го постави конелниот резултат.