Тимот Алпин објави дека Франко Колапинто ќе го замени Џек Дуан барем за следните пет трки од Формула 1, откако Оливер Оукс поднесе оставка од функцијата шеф на тимот, а неговите должности ги презеде Флавио Бријаторе.

Оукс наводно го напуштил францускиот тим токму поради одлуката на Бријаторе да го отфрли Дуан по само шест трки и да му даде шанса на Колапинто, за што се шпекулираше откако Аргентинецот беше доведен како тест возач.

Колапинто ќе го има своето деби во Алпин на трката за Големата награда на Емилија Ромања следната недела, а Дуан ќе ја преземе улогата на тест возач. Францускиот тим објави дека трката во Австрија на крајот на јуни ќе биде моментот кога ќе размислат дали ќе има нови промени.

Дури и пред почетокот на сезоната, имаше шпекулации дека Дуан има шест трки за да се докаже и дека доколку не успеа ќе биде заменет со Колапинто, што беше демантирано од Алпино. Сепак, по трката во Мајами, беше јасно дека Бријаторе ќе ги реализира своите намери.

Колапинто пристигна во Алпин помеѓу две сезони, откако не успеа да обезбеди постојано место, и покрај одличните настапи минатата година, кога го замени Логан Сарџент во Вилијамс. Младиот Аргентинец освои вкупно пет бода, а неговиот најдобар резултат беше осмото место во Баку, на трката за Големата награда на Азербејџан.

Големата награда на Емилија Ромања на програмата од 16. до 18. мај во Имола.

Ден по елиминацијата во четвртфиналето, во Евролигата, шпанските медиуми објавија дека Барселона постигнала договор со Торнике Шенгелија (34).

„Како што моментално стојат работите, Шенгелија ќе го напушти италијанскиот гигант и ќе ја продолжи кариерата во Барселона“, пишува „Марка“.

Според овој извор Грузиецот ќе потише тригодишен договор.

Шенгелија, кој има статус на домашен играч бидејќи пораснал во Валенсија, ќе ја дели позицијата во Барселона со Џабари Паркер и доаѓа да ја пополни празнината што ја остави повредениот Чимези Мету.

Клубот имал намера да го продолжи договорот на Мету пред тој да претрпи сериозна повреда на Ахиловата тетива на десната нога. Многу европски клубови, вклучувајќи го и Реал Мадрид, беа заинтересирани за Шенгелија.

„Марка“ пишува дека Реал дури имал усмен договор со Шенгелија, но дека поради финансиската понуда се одлучил за Барселона.

Фудбалскиот клуб Интер Мајами се откажа од правото да започне преговори со играчот на Манчестер сити, Кевин де Брујне.

Би-Би-Си објави дека Интер имал ексклузивно право да преговара со Де Брујне во рамките на МЛС лигата, доколку белгискиот фудбалер одлучи да ја продолжи кариерата во Америка.

Тимот од Мајами имаше рок до средината на јули да одлучи дали сака да го потпише Де Брујне, но извор близок до клубот изјави дека раководството на Интер се откажало од таа опција.

Првиот следен клуб од МЛС кој сега има право да започне преговори со белгискиот интернационалец е Чикаго.

Договорот на Де Брујне со Манчестер сити истекува на 30. јуни оваа година.

Тој во април објави дека ќе го напушти англискиот клуб на крајот од сезоната.

Белгиецот освои 16 трофеи за десет години во Сити, вклучувајќи шест титули во Премиер лигата и трофејот од Лигата на шампионите во 2023 година.