Спорт
(Видео) Тим замина во пензија
Австрискиот тенисер Доминик Тим со пораз во првото коло на турнирот во Виена ја заврши кариерата.
Тим одамна објави дека 2024 година ќе биде негова последна година на турнејата, а сега на се му дојде крајот.
Тој беше поразен во првото коло на турнирот во својот град Виена од Италијанецот Лучано Дардери со 2:-0 во сетови, 7:6, 6:2.
31-годишниот Австриец изгледаше многу добро на почетокот на меч, водеше со 4:2, но не успеа да го одбрани својот сервис, а потоа во имаше предност во тај-брејкот, 5:2.
Сепак, Дардери од тој момент ја презеде контрола и доминираше до крајот на мечот.
Dominic Thiem gets one last roar from the crowd in Vienna as he says goodbye to tennis.
This man’s tennis inspired so many people.
He made them smile.
He made them believe.
Take a bow, Domi. 🥹
— The Tennis Letter (@TheTennisLetter) October 22, 2024
Тим заминува во пензија со 17 титули, третото место како најдобар пласман на АТП листата, победи над сите членови на „големата тројка“. Најголемата титула ја освои во 2020 година кога победи на последниот Грен слем во сезоната, Ју-ес опен.
Покрај Њујорк, тој одигра уште три Грен слем финалиња, во 2018 и 2019 година на Ролан Гарос и во 2020 година на Австралија опен, а два пати играше и во финалето на завршниот Мастерс во сезоната.
The whole tennis world applauds you Domi, for everything you have given us all ♥️
Take a bow, #DankeDomi 👏 pic.twitter.com/YDWMeDJGvg
— ATP Tour (@atptour) October 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Алкалоид“ продолжува со победи на Европскиот шаховски клупски куп
Во третото коло на Европскиот Клупски Куп, шахистите на Алкалоид имаа тежок дуел со незгодниот израелски клуб екипата “Beer Sheva Chess Club” од Израел, во кој извојуваа тесна победа со 3,5: 2,5 поени. Израелската екипа, која во својот состав имаше шест велемајстори, е една од најстандардните, редовни учесници на шаховскиот „Куп на Шампиони“.
Индијскиот Велемајстор Ајрун Еригаиси ја потврди својата висока класа и одличен резултатски тренд оваа година со уште една победа, мошне значајна за конечниот исход во мечот. Со црни фигури, го совлада Велемајсторот Виктор Михалевски. Во рана средишница, Еригсаиси го изненади противникот со еден многу активен потег, а противникот одговори со жртва на фигура за напад на кралот. Следуваше ладнокрвна одбрана и сигурна победа за Алкалоид.
Во сите останати пет партии, шахистите на “Beer Sheva Chess Club”, одиграа одличен меч, на високо ниво и успешно парираа на алкалоидовите велемајстори, така да и покрај долгата борба, партиите завршија со реми. Стандардно, Ју Јангји покажа маратонска упорност, и до шеесетиот потег во топовска завршница се обидуваше да најде шанса за победа.
По три одиграни кола само осум екипи останаа со максимален учинок од три побeди и во последните четири кола низ меѓусебни дуели ќе го одлучат победникот. Накусо кажано, преку постигнатите резултати се докажа дека најсилните осум екипи по рејтинг на крајот од третото коло се наоѓаат во водство на табелата со максимален број на победи, што иако беше очекувано – во пракса ретко се случува бидејќи во минатото се покажало дека често има пријатни изненадувања.
На овој турнир кој соодетствува на фудбалската „лига на шампионите“, каде што само еден клуб на крајот ќе се радува на европската титула, ШК Алкалоид во четвртото коло како свој противник ќе го има словенечкиот „Тајфун“ кој е шести носител.
Спорт
Директорот на Шахтјор за трансферот на Мудрик: Не купуваш Ферари ако не знаеш да го возиш
Директорот на Шахтјор Доњецк, Сергеј Палкин, човекот кој ги ангажираше речиси сите најдобри играчи кои украинскиот клуб ги донесе во последните 20 години, сликовито објасни како Челзи не знае како да го искористи Михаило Мудрик (23) на вистински начин Потенцира дека не се работи за „трансфер измама“.
Да потсетиме, „сините“ за младиот крилен напаѓач во јануари минатата година платија дури 70.000.000 евра, со уште 30.000.000 во вид на бонуси.
„Тоа беше најголемата зделка во историјата на украинскиот фудбал, без сомнение. Дали беше измама? Не, се разбира дека не. Станува збор за фактот дека не ви треба „Ферари“ ако не знаете да го возите. “ изјави Палкин..
„Луѓето во Челзи требаше да размислат како ќе го користат Мудрик пред да одлучат да го купат. Сигурен сум дека момчето ќе покаже квалитет ако добие шанса. Тој е играч кој прави разлика и тоа се покажува со неговите настапи во националниот дрес многу малку играчи во светот го имаат тој квалитет“.
Мудрик оваа сезона на теренот мина само 425 минути и забележа три асистенции. Откако пристигна на „Стемфорд Бриџ“, 23-годишниот Украинец одигра 66 натпревари, постигна седум и забележа исто толку асистенции.
Спорт
Дуел на титаните на „Можуик“ – Барселона против Баерн
Вечерва во Лигата на шампионите ќе се одиграат преостанатите девет натпревари од третото коло. Очите на фудбалската јавност ќе бидат вперени на „Монжуик“ во Барселона каде ќе се одигра дербито на колото.
Барселона ќе го пречека Баерн Минхен, тим кој за Каталонците во изминатите сезони е вистински кошмар. Се уште се свежи сеќавањата на 202 година кога во Лисабон, на завршниот турнир во Лигата на шампионите Баерн ја прегази Барса со 8:2.
Тогаш на клупата на Баварците седеше актуелниот тренер на Барселона, Ханси Флик..
„Подготвени сме за овој дуел. Имам голема почит кон Баерн, тие се особено опасни откако го презеде Винсент Компани и знаеме дека нема да биде лесно. Добро го анализиравме противникот, многу сме свесни каде е најголемата опасност , но со нашите навивачи мислам дека можеме да постигнеме добар резултат, бидејќи Барселона е тим кој треба да размислува само за победа на домашен терен и ништо друго не се смета за прифатливо“, изјави Флик.
Лига шампиони, 3.коло:
Аталанта – Селтик 18.45
Брест – Баер Леверкузен 18.45
Атлетико Мадрид. – Лил 21.00
Барселона – Баерн 21.00
Бенфика – Феенорд 21.00
Манчестер сити – Спарта Прага 21.00
Салцбург – Динамо Загреб 21.00
Јанг Бојс – Интер 21.00)
Лајпциг – Ливерпул 21.00