Спорт
(Видео) Тимот на Крис Малин победи на турнирот „Ѕвезди во подем“, за два дена ќе игра против тимот на Шек

Тимот Ц, предводен од клупата од Крис Малин, ќе игра на Ол-стар турнирот ноќта меѓу недела и понеделник.
Ол-стар викендот беше отворен со турнирот „Ѕвезди во подем“, на кој настапија три екипи со по седум играчи кои беа во првата или втората сезона во лигата, а четвртиот тим беше составен од кошаркари од развојната Џи лигата.
Тимот на Крис Малин го сочинуваа Рајан Дан, Зак Иди, Џејлен Велс, Трис Џексон Дејвис, Стефон Касл, Далтон Кнехт и Кијонте Џорџ, а тие го освоија турнирот „Ѕвезда во подем“.
Во полуфиналето го победија тимот на Тим Хардавеј (Грејди Дик, Тристан да Силва, Ентони Блек, Хаиме Сардинзир, Александер Сар и Брендан Подзијемски).
Системот на натпреварување е таков што полуфиналните натпревари се играат до 40 поени, а втората полуфинална двојка ја сочинуваа играчи од Џ лигата (Ленард Милер, Брајс МекГовенс, Џеј-Ди Дејвисон, Мек Мекланг, Динк Пејт, Пет Спенсер и Рид Шепард), предводени од Џереми Лин.
Тие го надиграа тимот на Мич Ричмонд, во кој беа Амин и Оскар Томпсон, Тумани Камара, Карлтон Карингтон, Билал Кулибали, Матас Бузелис и Џулијан Стротер.
Тимот предводен од легендата на Голден Стејт го победи тимот од Џи лигата и за два дена ќе игра на Ол-стар натпреварот против тимот на Шекил О’Нил, во кој се Леброн Џејмс, Стеф Кари, Џејлен Браун, Кајри Ирвинг, Кевин Дурант, Џејмс Харден, Демијан Лилард и Џејсон Тајтум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Федерер го посети Надал

Швајцарскиот тенисер Роџер Федерер го посети својот голем ривал Рафаел Надал во неговата академија на Мајорка.
Fedal ! Ceux qui sont à la Rafa Nadal Academy aujourd'hui sont chanceux.
Roger Federer, en famille, est passé voir son pote Rafa.
🎥IG/manatogo storypic.twitter.com/nQPIosTu8u
— Tennis Legend (@TennisLegende) July 17, 2025
Федерер пристигна во Шпанија во друштво на неговата сопруга Мирка, а во таа прилика се сретна со Рафа, на чие збогување на Ролан Гарос присуствуваше пред два месеци.
Двајцата разговараа на теренот, а таму беа и учесниците на оваа академија.
Roger Federer visits Rafael Nadal's Academy with Mirka 🇪🇸📍Mallorca 🎾 #Fedal pic.twitter.com/SbSBl5jXgI
— hanay (@hanaycp) July 17, 2025
Не е познато дали оваа посета беше „случајна“ или Швајцарецот и Шпанецот се блиску до некоја нова соработка.
Медиумите потсетуваат дека Федерер ја заврши кариерата на Лејвер Купот 2022, додека Надал го одигра својот последен натпревар на Дејвис Купот минатата сезона.
Спорт
Млад фудбалер загина во сообраќајната несреќа во близина на Охрид

16-годишниот фудбалер Анастас Каровски загина во сообраќајна несреќа во близина на Охрид.
На регионалниот пат помеѓу населбата Рача и хотелот Парк, возејќи мопед ноќе, младиот човек од засега неутврдени причини ја изгубил контролата и удрил во столб покрај патот.
Итно бил префрлен во болницата „Св. Еразмо“, но, и покрај напорите на лекарите, подлегнал на тешките повреди.
View this post on Instagram
Момчето било фудбалер на локалниот клуб, кој се прости од него со порака на социјалните мрежи.
„Почивај во мир, ангелу“, се вели во пораката на Инстаграм на ГФК Охрид.
Веста за несреќата ја потврди и СВР Охрид.
Спорт
Во несреќа во Италија, загина Феликс Баумгартнер

Феликс Баумгартнер (56), австриски екстремен спортист познат низ целиот свет по неговото историско скокање со падобран и рекордите што ги поместија човечките граници, почина денес во несреќа во Италија. Веста за неговата смрт денес ја потврдија светските медиуми и блиски соработници.
Баумгартнер го загуби животот во Порто Сант’Елпидио, за време на лет со параглајдинг. Според достапните информации, тој доживеал ненадејно нарушување на здравјето поради кое ја изгубил контролата врз леталото и паднал во базен во крајбрежно одморалиште, повредувајќи млада жена. Починал на местото на несреќата, а веста за трагичниот исход брзо одекна низ целиот свет.
Феликс Баумгартнер е роден во Салцбург во 1969 година, а како тинејџер сонувал за летање и екстремни спортови. Почнал да скока со падобран на 16-годишна возраст, а по воената служба се посветил на акробатски скокови и скокање од база, специјализирајќи се во најсложените, опасни и познати згради, мостови и природни локации во светот.
Во текот на својата кариера, тој постави 14 светски рекорди, беше првиот човек што го прелета Ламанш со падобрански крилја и доби бројни престижни награди, вклучувајќи ја и наградата Лауреус за спортист на годината.
Покрај скокањето, Баумгартнер беше и лиценциран пилот на хеликоптер, акробатски авијатичар и телевизиска личност. Тој беше познат и по својата филозофија за живот без компромис, како и по својата работа во хуманитарни проекти, особено во рамките на фондацијата „Крилја за живот“, која промовира истражување на ‘рбетниот мозок.