Спорт
(Видео) Торонто против Милвоки ја прекина серијата порази, драматични победи за Далас и Бостон
Торонто Репторс кога никој не очекуваше ја прекина серијата од 15 порази. Репторс славеа во дуелот со Милвоки Бакс 117:111. Изминатата ноќ во НБА лигата драматични победи забележаа Далас Маверикс и Бостон Селтикс.
Без Јанис Адетокумбо, Милвоки не успеа да слави против еден од најлошите тимови во лигата. Демијан Лилард постигна 36 поени, но во последната минута кога се решаваше победникот не играше бидејќи ја направи шестата лична грешка.
На спротивната страна му се спротивстави Гери Трент со 31. Во тимот на Торонто Ар-Џеј Барет имаше 26, а Имануел Квикли заврши со 25 поени и 11 скокови.
Без својот најдобар играч Лука Дончиќ, Далас пред своите навивачи ги победи Голден Стејт Вориорс со 108:106. Херој на триумфот беше имаше Пи Џеј Вашингтон, кој го постигна победничкиот кош во самиот финиш на мечот.
Најефикасен во победничкиот тим беше и Пи Џеј со 32 поени, пет скока и три асистенции, а го следеше Кајри Ирвинг со 26 поени, 8 скока и 7 асистенции. Кај Вориорс најдобар беше Стеф Кари со 28 поени.
— Dallas Mavericks (@dallasmavs) April 6, 2024
Возбудливо беше и во Бостон, каде Селтикси го победија Сакраменто Кингс со 101:100. Мечот го реши Тилман, кој му донесе победа на Бостон со флотер во последните секунди.
Причард со 21 и Порзингис со 20 поени и 11 скока беа најдобри кај домашните, а на гостите не им беа доволни Фокс со 40 поени и Сабонис со по 16 поени и скокови.
X gon' give it to ya 💪🏾
The vet stepped up and hit a big bucket in tonight's @JetBlue Play of the Game pic.twitter.com/fJ5o8SWhn4
— Boston Celtics (@celtics) April 6, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА му го одзеде финалето на Лигата на шампионите на „Сан Сиро“, се бара нов домаќин
Финалниот натпревар од Лигата на шампионите во 2027 година нема да се одигра на миланскиот Сан Сиро, како што беше првично планирано, официјално соопшти УЕФА.
По состанокот на Извршниот комитет на УЕФА во Прага, така одлучија челниците на европската чадор фудбалска организација бидејќи градот Милан не можеше да гарантира дека дотогаш ќе биде завршено реновирањето на стадионот и неговата околина.
Во исто време, УЕФА најави дека повторно ќе го отвори натпреварувањето со цел да се најде соодветен домаќин и локација за тој финален натпревар. Одлуката за домаќинот најверојатно ќе следи во мај или јуни следната година. Финалето на тековната сезона во Лигата на шампионите ќе се одржи на минхенската „Алијанц Арена“ на 31 мај следната година, додека Будимпешта ќе биде домаќин на финалето на Лигата на шампионите една сезона подоцна.
Спорт
Пешиќ останува селектор на Србија
Искусниот кошаркарски стручњак, Светислав Пешиќ, ќе остане селектор на Србија.
Трофејниот стручњак, кој неодамна ја предводеше Србија до бронзениот медал на Олимписките игри, има истечен договор, но тој ќе биде продолжен по изборот на нов претседател на Кошаркарскиот сојуз на Србија.
Пешиќ неодамна имал средба со новиот претседател на КСС, Небојша Човиќ, при што двајцата договориле соработка во наредните години, пишува српскиот весник „Курир“.
Неодамна Богдан Богдановиќ и Вања Маринковиќ разговараа за тоа како би било добро Светислав Пешиќ да остане на српската клупа, а се чини дека нивната желба ќе биде остварена.
Спорт
ЕХФ доживотно суспендираше српски судии поради местење натпревари
Двајцата српски ракометни судии, Александар Панџиќ и Иван Мошорински, добија доживотна суспензија поради местење натпревари.
Имено, како што пренесува „HandNews“, портал специјализиран за ракомет, српските судии Панџиќ и Мошорински се доживотно суспендирани од сите активности на ЕХФ.
Причината поради која е донесена оваа одлука е тоа што тие биле вклучени во местење натпревари, тврди „HandNews“.
Двајца судии добија доживотна суспензија бидејќи биле вмешани во местење натпревари на Европското првенство во ракомет.
Истиот додава дека покрај доживотна суспензија, биле казнети и парично со по 2.000 евра.
Се додава дека судиите не се појавијле на рочиштето, но барањето на ЕХФ ило прифатено и тие и официјално се избришани од списоците на функционери на ЕХФ за натпреварите што се организираат.
Останува да видиме дали и ќе ги суспендира и Ракометниот сојуз на Србија.
🇪🇺 #EHF
👨⚖️ Le binôme d'arbitres 🇷🇸 impliqué dans l'affaire des matchs truqués radiés à vie par l'EHF 😯
👉 https://t.co/21PEkNDcY8 pic.twitter.com/BbSGAi1oQ3
— HandNews (@HandNewsfr) September 24, 2024