Спорт
(Видео) Трајковски со нов гол за реми за Ал-Феиха
![](https://makfax.com.mk/wp-content/uploads/2023/05/Fwst5XpXsAIgWPu-e1684782251827.jpg)
Македонскиот репрезентативец Александар Трајковски постигна уште еден гол во Саудиската лига, „извлекувајќи“ поен за Ал-Феиха на дуелот со Ал-Раед.
Во 82. минута од мечот, Трајковски го пренасочи ударот на Милан Павков за да извлече 1:1 реми, откако гостите дојдоа во водство во 24. минута со голот на Ѓоковиќ.
Со освоениот поен на две кола пред крајот Ал-Феиха е на 12. место на табелата и уште нема математички обезбедено опстанок во елитата.
شاهد هدف #الفيحاء في مرمى #الرائد سجله ميلان بافكوف pic.twitter.com/pmO2dU8YDt#مع_الفيحاء #دوري_روشن_السعودي
— نادي الفيحاء السعودي (@Alfaihaclub) May 22, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Англија доминантна во меѓусебните дуели со Швајцарија
![](https://makfax.com.mk/wp-content/uploads/2024/07/3-2.jpg)
Швајцарија за прв и последен пат ја победи Англија (2:1) во далечната 1981 година во квалификациите за Светското првенство во Шпанија.
Потоа тие се сретнаа десет пати на ист терен (вклучувајќи три пријателски).
Англичаните седум пати беа подобри, а три дуели завршија без победник.
Последниот натпревар го одиграа во јуни 2019 година во Гимараеш, Португалија, каде се изборија за третото место во Лигата на нации.
По 120 минути фудбал без голови, Англија победи на пенали.
Ждрепката често ги испраќаше Англија и Швајцарија во иста група во квалификациите за големите натпреварувања, но нивните патишта ретко се вкрстуваа на завршните турнири на Европските и Светските првенства – само три пати.
Еднаш на Светското првенство во 1954 година, чиј домаќин беше Швајцарија (2:0 за Англија), потоа на Европското првенство во 1996 година, кога Англичаните играа пред своите навивачи на „Вембли“ (1:1) и последен пат на ЕП 2004 во Португалија (3:0 за Англија).
Спорт
Доминација на Мерцедес во квалификациите – Расел прв, Хамилтон втор
![](https://makfax.com.mk/wp-content/uploads/2024/07/Screenshot-2024-07-06-172726.jpg)
По две години и трката во Бразил, Мерцедес го освои првиот стартен ред во квалификациите.
Џорџ Расел и Луис Хамилтон беа најбрзи во пресрет на трката за ГН на Британија.
Помладиот од двајцата Британци ја освои третата пол позиција во кариерата.
За целосна доминација на Британците се погрижи Ландо Норис кој заврши трет.
Покрај пилотот на Мекларен од вториот ред трката ќе ја започне актуелниот шампион, Макс Ферстапен.
Трката за ГН на Британија утре ќе стартува во 16 часот.
Спорт
Тенисерка од БиХ суспендирана на шест години поради наместени натпревари
![](https://makfax.com.mk/wp-content/uploads/2024/07/Screenshot-2024-07-06-165408.jpg)
Поранешната тенисерка од Босна и Херцеговина, Јасмина Тињиќ, е суспендирана од тенисот на шест години бидејќи признала дека местела натпревари, соопшти Меѓународната агенција за тениски интегритет.
Јасмина Тињиќ (33), која во 2013 година беше 236. на ВТА листата, призна дека местела натпревари во 2017 и 2018 година.
Обвиненијата против неа вклучуваа „поправање на исходот од натпреварите, олеснување на обложувањето, примање пари во замена да не го дава најдоброто од себе на натпреварите и не пријавил контакт во врска со корупција“.
За потсетување, таа веќе доби забрана за играње тенис на четири и пол години во Шведска, поради истрагата за наместени натпревари таму.
Нејзината суспензија треба да истече на 17 мај 2028 година.