Спорт
(Видео) Три месеци подоцна УЕФА призна: Имаше пенал за Германија против Шпанија
УЕФА ја призна грешката на судиите во четвртфиналниот натпревар на последното Европско првенство, кога на Германија не и беше досуден пенал на дуелот против Шпанија.
Судискиот комитет на УЕФА одлучи дека требаше да биде досуден пенал за Германија во второто продолжение од мечот кога резултатот беше 1:1.
Откако дефанзивецот на Шпанија Кукреља, по ударот на Мусиала, играше со рака во неговиот шеснаесетник, главниот судија на натпреварот, Ентони Тејлор, како и судиите од ВАР собата не се огласија.
По неколку минути Мерино постигна гол со кој Шпанија обезбеди пласман во полуфиналето.
На овогодинешното Европско првенство во Германија, Шпанија во финалето ја совлада Англија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енрике: Шетета што Мбапе замина во Реал
Килијан Мбапе (25) летово го напушти ПСЖ и како слободен играч замина во Реал Мадрид. Францускиот напаѓач се раздели со клубот кој според одлуката на правниот оддел на француската фудбалска лига е должен да му плати 55 милиони евра. ПСЖ сметаше дека вербалниот договор со кој Мбапе го прости тој долг е валиден, но се чини дека сепак ќе мора да го исплати фудбалерот.
Исто така, во последните месеци од мандатот на Мбапе во ПСЖ се појавија информации дека е во лоши односи со тренерот Луис Енрике.
Сепак, шпанскиот тренер во новото интервју за „Мовистар“ го демантираше ова.
„Килијан е одличен играч и личност која е тешко да се најде кога зборуваме за фудбалери од неговото ниво. Прекрасен играч, штета е што отиде во Мадрид“, изјави Енрике.
Мбапе помина шест сезони во ПСЖ, за кој одигра 308 натпревари и постигна 256 голови. ПСЖ за неговиот трансфер издвои 188 милиони евра.
Спорт
Илиев: Странците во Партизан се инфериорни аматери
Партизaн во 174. вечно дерби го доживеа најтешкиот пораз на домашен терен од Црвена звезда. Црвено-белите славеа со 4:0. Хет-трик постигна Шериф Ндијај.
Дебаклот го коментираше новиот спортски директор на Партизан, Ивица Илиев. Илиев минатата недела се врати во клубот, на функцијата го замени Ивица Краљ.
„Ова е можеби најлошиот тим на Партизан во последните 30, 40 години. Направена е разочарувачка селекција… Странците? За такви играчи не може да се каже дека се засилувања, имаат неверојатна инфериорност. Дури можам да кажам, дека се играчи аматери, понижување за овој клуб. Некој ќе рече дека сум суров, но сакам да бидам таков, затоа што треба да се отрезниме и да бидеме свесни дека, за жал, не се можме да се натпреваруваме со Звезда… Што се случи во последните неколку години, навистина не знам, но ова е многу, многу лошо, ова е очајно“, изјави Илиев за „Спортски журнал“ и дополни.
„Толкава доминација на Звезда… Многу се пред нас, Партизан мора да се ресетира и да сфати дека тоа е реалноста. За жал, ограничени сме, бидејќи има многу играчи кои се многу среќни во Белград, ги имаат најголемите договори во кариерите и никој не ги сака, а потоа ние не можеме да се ослободиме од нив. Сето тоа се огромни проблеми кои не знам како ќе ги решиме, ќе биде многу тешко“.
Спорт
„Марка“: Винисиус Жуниор ќе ја добие Златната топка
„Марка“, водечкиот шпански спортски весник, близок до Реал Мадрид, во денешното издание тврди дека Винисиус Јуниор (24) ќе биде прогласен за најдобар фудбалер на планетата за сезоната 2023/24.
Новинарот, Хозе Феликс Диас, тврди дека одлуката е донесена, односно дека Бразилецот веќе бил информиран дека ќе биде крунисан во Париз на 28 октомври.
Истиот извор оди чекор понатаму и наведува дека известувањето за новиот лауреат го добила и компанијата „Најки“, се за да може да дизајнира специјални златни копачки за Винисиус.
„Винисиус Жуниор го допре златото. Париз и реката Сена го чекаат Бразилецот на крунисувањето на крајот на следниот месец”, се вели меѓу другото во текстот на „Марка“.
„Неговите најголеми ривали во оваа трка беа неговите клупски соиграчи Џуд Белингем, Килијан Мбапе и Дани Карвахал, односно Родри од Манчестер сити.
„Вини повремено правеше грешки, но знаеше и да се асимилира и да работи како малку други за да промени некои навики и да стане она што е денес – еден од најважните играчи на Реал Мадрид“.
Брзоногиот дриблер минатата сезона со Реал Мадрид ги освои Лигата на шампионите, Ла Лига и Суперкупот на Шпанија. Постигна вкупно 26 гола и забележа 12 асистенции.