Спорт
(Видео) Трипл-дабл на Јокиќ во поразот на Денвер, Дончиќ за полувреме ја растури Јута
Никола Јокиќ и Лука Дончиќ забележаа по трипл-дабл изминатата ноќ во НБА лигата, која ја обележа Зоел Ембид со 50 постигнати поени.
Лука Дончиќ ги предводеше Далас Маверикс до 12-та победа во сезоната. Мавс ја декласираа 147:97, а Дончиќ постигна 40 поени, 11 асистенции и 10 скока, а на теренот мина 32 минути. Интересно Дончиќ во првиот дел дојде до трипл-дабл учинон, овој период го заврши со 29 поени и по 10 скока и асистенции.
Кајри Ирвинг го следеше Лука со 26 поени, четири украдени топки и три асистенции.
Далас сега е четврти на Западот со скор 12-8, Јута е 12-та со седум победи и 14 порази.
ЛА Клиперс слвеа победа во дуелот со актуелниот шампион, Денвер 111:102. Никола Јокиќ постигна трипл-дабл но го одигра шутерски најлошиот натпревар во кариерата.
Јокиќ имаше трипл-дабл со 22 поени, 15 скока и 10 асистенции. Јокиќ од поле шутираше за 9-32.
Пол Џорџ ги предводеше Клиперси со 25 поени.
Филаделфија против Вашингтон Визардс 131:126, со неверојатна партија на Џоел Ембиид.
Ембиид ја предводеше Филаделфија со 50 поени, а имаше и 13 скока и седум асистенции. На теренот помина 38 минути.
За Камерунецот оваа сезона првпат да стигне до 50 поени, а седми во кариерата.
Џордан Пул постигна 23 поени во поразот на Визардс.
Резултати:
Кливленд – Орландо 121:111
Детроит – Мемфис 102:116
Вашингтон – Филаделфија 126:131
Атланта – Бруклин 113:114
Минесота – Сан Антонио 102:94
Торонто – Мајами 103:112
Чикаго – Шарлот 111:100
Хјустон – Оклахома 110:101
Далас – Јута 147:97
Голден Стејт – Портланд 110:106
Лос Анџелес Клиперс – Денвер 111:102
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа, но нема да брани во Лигата на шампионите
Првиот голман на Реал Мадрид, Белгиецот Тибо Куртоа би требало да се врати во првиот тим по тешката повреда на коленото, изјави на прес-конференција тренерот на Реал, Карло Анчелоти.
Реал игра против Кадиз во шпанската лига и тоа треба да биде првиот натпревар на Куртоа за „кралскиот клуб“ оваа сезона.
Анчелоти изјави дека Куртоа нема да брани во Лигата на шампионите.
Андриј Лунин е првиот избор на тренрот во среда, кога Реал во Мадрид ќе го одигра полуфиналниот реванш против Баерн.
Украинецот беше одличен за Реал во елитното европско натпреварување и Анчелоти не сака да го користи Куртоа кој штотуку се врати по тешката повреда.
На прашањето кој ќе брани доколку Реал влезе во финалето на Лигата на шампионите, Анчелоти одговори: „Не знам“.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.