Спорт
(Видео) Триумф на Ливерпул во Барнли, Борнмут ја продолжи успешната серија, Шефилд се „самоубија“ против Лутон
Foto/ EPA
Фудбалерите на Ливерпул славеа кај Барнли и се вратија на челната позиција во Премиер лигата. Претодно сигурна победа забечежа Борнмут и ја продолжи неверојатната серија, а Шефилд јунајтед се „самоубија“ со два авто-гола против директниот конкурент за опстанок, Луон.
Во Барнли, Ливерпул издоминира во првиот дел кој го заврши со предност од 0:1. Голот во шестата минута го постигна Дарвин Нуњез.
Во вториот дел откако беше поништен голот на Харви Елиот, поради офсајдот во кој беше Мо Салах, во 55.минута, Барнли ја презеде контролата и до 85.минута имаше неколку опасни напади.
Точка на победата на Ливерпул стави Диого Жота во 90.минута.
Претходно Лутон победи на „Брамал Лејн“, кај Шефилд Јунајтед со 3:2.
Во натпревар со два пресврти, Лутон успеа да слави. Гостинскиот играч за врска Алфи Даути продолжи со добрите настапи, постигна гол за водство во 17. минута.
Тој гол беше единствен во првото полувреме, а во продолжение Шефилд јунајтед дојде до пресврт со головите на Оли Мекбурн во 61. минута и на Анел Ахмедхоџиќ во 69. минута.
Сепак, избраниците на Крис Вајлдер го претрпеа 14-от пораз сезонава, откако Робинсон и Слиман си постигнаа два автогола во интервал од само четири минути.
Во вториот меч во денот, Бурнмут беше сигурен на домашен терен, го победи Фулам со 3:0.
Головите ги постигнаа Џастин Клајверт во 44. минута, Доминик Соланке во 62. минута од пенал и Луис Синистера во третата минута од судиското надополнување.
Соланке го постигна 13-ти гол во сезоната и моментално на листата на најдобри стрелци пред него е само Ерлинг Халанд со 14 голови.
Борнмут ја продолжи серијата на добри резултати. Тимот на Андони Ираола е во низа од четири победи, а на последните седум натпревари од можните 21 освои 19 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.