Спорт
(Видео) Цела Франција му се потсмеваше, сега на новинарот масовно му се извинуваат

ПСЖ, во саботата, го декласира Интер во финалето на Лигата на шампионите и стана европски шампион за прв пат во историјата. Со победата во финалето, францускиот гигант заокружи совршена сезона во која ја освои тројната круна.
Играчите на ПСЖ, особено импресионираа во Минхен, со најубедливата победа во финалните натпревари во историјата на Купот/Лигата на шампионите. „Светците“ го победија Интер со 5:0.
Херој беше брилијантниот 19-годишник, Дезире Дуе, кој асистираше за првиот гол, а потоа ги постигна следните два за ПСЖ.
Денес, Дуе е апсолутна фудбалска сензација и еден од најбараните млади играчи во светот, а малкумина очекуваа таков настап од напаѓачот кој беше донесен од Рен минатото лето за 50 милиони евра.
Еден од оние што го предвидоа ова е новинарот на „Лекип“ и експертот на „Гардијан“, Филип Уклер.
На почетокот на сезоната, Уклер даде многу смело предвидување. Кога Килијан Мбапе се пресели во Реал Мадрид, новинарот инсистираше дека ПСЖ не изгубил премногу со заминувањето на нивниот најдобар играч.
Покрај тоа, во еден подкаст тој рече дека Дуе е поопасен, помлад и погладен и дека верува дека тимот ќе биде подобар со него.
Поради ова изјава, тој доби жестоки критики и навреди, па дури и навивачите на ПСЖ напишаа дека тој го кажува ова само за да служи како ПР на клубот.
🗣️ "The luck is Mbappé went to Real Madrid."
🗣️ "Désiré Doué is a more complete footballer than Mbappé was at the same age."
Philippe Auclair looks at how PSG have been transformed under Luis Enrique.
Indo Sport podcast: https://t.co/sCRy9Wiggd pic.twitter.com/1EUTGRd2DY
— Irish Independent Sport (@IndoSport) May 29, 2025
Дуе буквално експлодираше во својата дебитантска сезона во дресот на „светците“ со 15 гола и 16 асистенции во 54 натпревари.
Од нив, пет гола и четири асистенции во Лигата на шампионите, со особено импресивен беше неговиот настап во финалето.
Нешто помалку од една година подоцна, јасно е дека Уклер бил апсолутно во право, а тие предвидувања се паметат на социјалната мрежа „X“, каде што навивачите масовно се извинуваат и му оддаваат почит што предвидел дека сезоната на ПСЖ ќе има ваков тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн се вклучува во трката за потписот на Нико Вилијамс

Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.