Аргентинскиот фудбалер Франко Васкез (36) од италијанскиот второлигаш Кремонезе е суспендиран на следните 10 натпревари поради расизам, соопшти Дисциплинската комисија во Серија Б.

„Одлуката е донесена по читањето на извештајот направен по завршувањето на натпреварот, како и дополнителениот извештај што го побарал Федералното обвинителство, од кое се гледа дека Васкез на крајот од мечот против Бари упатил навреда во која изразува расна дискриминација кон противничкиот играч Емил Мехди Дорвал“, се наведува во образложението на санкцијата.

Натпреварот Бари – Кремонезе (1:1) се одигра на 15 февруари.

Васкез (36) е убедливо најдобриот играч на Кремонезе во актуелниот шампионат, со девет гола на 26 натпревари. Кремонезе е четврти во Серија Б, на девет девет кола до крајот на сезоната има 45 бодови и отворен пат за пласман во плеј-офот за пополнување на Серија А.

Рафаел Леао многу лесно би можел да го напушти Милан на крајот на сезоната. Тоа го поткрепуваат и претходните разговори меѓу неговите менаџери со други клубови.

Милан игра многу слабо оваа сезона. Тие се на деветтото место во Серија А и ништо не функционира како што треба во тимот од северна Италија.

Менаџерите на португалскиот крилен напаѓач веќе разговарале со претставници на други клубови. Овде се споменуваат Челзи и Барселона.

„Сините“ веќе некое време се заинтересирани за Леао, а во зделката може да биде вклучен и Жоао Феликс, кој моментално е на позајмица во Милан. Ова во овој момент не изгледа како паметен избор за Милан, но ако Леао реши да замине, тогаш Милан ќе мора да го пушти.

Од друга страна, и Барса неодамна покажа интерес и се распрашува за цената што Милан ја бара за Португалецот.

Рафа Леао во Милан е од 2019 година, а договорот со Росонерите му истекува на крајот од сезоната 2027/28.

Навивачите на Интер протестираа поради скапите билети пред и за време на реваншот од осминафиналето на Лигата на шампионите против Феенорд.

Натпреварот на „Џузепе Меаца“, започна во необична атмосфера, бидејќи домашните навивачи молчеа, што го искористија симпатизерите на холандскиот тим кои гласно ги пееја нивните песни, претворајќи го гостинскиот во домашен терен.

Протестот започна пред натпреварот, кога навивачите истакнаа парола пред стадионот, критикувајќи ја управата за цената на билетите, објавија италијанските медиуми.

„Фудбалот им припаѓа на навивачите, вообичаена лага. Шеесет и пет евра го овековечуваат вашиот срам“, гласеше слоганот.

Навивачите на Интер направија врева по воведниот гол на Маркус Турам во осмата минута, но не навиваа се до 20. минута, кога го прекинаа протестот.

Canta tutto lo stadio tranne la curva in sciopero per il prezzo dei biglietti #InterFeyenoord pic.twitter.com/rZStyL8ecH

— Tancredi Palmeri (@tancredipalmeri) March 11, 2025