Фудбалерите на Барселона се шампиони на Шпанија по 28-ми пат во богатата историја на клубот. Вечерва, Барселона го победи градскиот ривал Еспањол со 2:0.

Со овој триумф, Каталонците стигнаа до недостижна предност од седум бода во однос на Реал Мадрид на две кола пред крајот на сезоната.

Блауграна го обезбедиа третиот трофеј во сезоната, бидејќи претходно ги ги освоија Шпанскиот Суперкуп и Купот на Кралот.

Барселона се приближи до најголемиот ривал Реал Мадрид на „вечната листа“, според бројот на шампионски титули, имаат осум помалку. Атлетико Мадрид е трет со 11 титули.

Натпрвеварот на стадионот на Еспањол го обележа Ламин Јамал. Постигна спектакуларен гол во 53.минута, во 80. изнуди исклучување на Кабрера, а во 95. му асистираше на Фермин Лопез за конечните 0:2.

🚨🇪🇸 GOAL | Espanyol 0-1 Barcelona | Lamine Yamal

WHAT A FANTASTIC GOAL FROM LAMINE YAMAL !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!pic.twitter.com/D9Zxdz4dFb

— Tekkers Foot (@tekkersfoot) May 15, 2025

Кошаркарите на Црвена звезда во драматична завршница славеа во Лакташи, против Игокеа со 95:90 и се пласираа во полуфиналето на региналната АБА лига.

Немања Недовиќ ја предводеше Црвена звезда со 26 поени и шест асистенции, Рпокас Гедраитис на 10 секунди до крајот постигна тројка со која го реши мечот, а во финишот се „истакна“ 37-годишниот Милош Теодосиќ, кој за неколку секунди доби две технички грешки, откако преходно направи фаул врз Марко Јеремиќ при шут за три поени.

Она што Милош Теодосиќ им го кажа на тројцата судии Урош Николиќ, Милан Недовиќ, Владимир Јевтовиќ, па заработи две технички грешки во рок од неколку секунди, присутните во салата во Лакташи не можеа јасно да го чујат, бидејќи…

Инцидентот со судиите се случи на центарот на теренот во време кога најискусниот кошаркар на Црвена звезда беше опкружен со други играчи, со вообичаената бучава во салата.

Сепак, кога Тео се сврте кон првиот ред каде што седеа комесарот за делегирање на судиите Срѓан Дожај и спортскиот директор на АБА лигата Милија Војиновиќ, навивачите во непосредна близина јасно можеа да ги слушнат зборовите на Теодосиќ.

Пред да исчезне во тунелот, Теодосиќ им рекол на Дожај и Војиновиќ:

„Сите овие се твои, ти ги прати…“, алудирајќи на судиите.

Ќе биде интересно да се види каква ќе биде реакцијата на регионалното натпреварување на овој инцидент.

pic.twitter.com/P955KnDVQ4

— OvoOno (@OvoOnoX) May 15, 2025

Шпанскиот суд изрече историска пресуда, осуди петмина навивачи на Ваљадолид за расистички навреди.

Во натпревар од Ла Лига одигран на 30 декември 2022 година, играчот на Реал, Винисиус, беше расистички навредуван од неколку навивачи на Ваљадолид додека го напушташе теренот за замена.

Шпанската јавност го следеше овој случај (како и за бројни други инциденти на други стадиони) се пишуваше со месеци, а во соработка меѓу полицијата и клубот, беа идентификувани злосторниците.

Во тоа помогна и фактот што на социјалните мрежи беше објавено видео, каде јасно може да се чуе што велат оние што го снимаат контроверзното видео или оние што се блиски до нив. Ова всушност овозможи да се идентификуваат петте осуденици.

Недолго по овој инцидент, Ваљадолид суспендираше 12 навивачи и им забрани влез на стадионот, а истрагата покажа дека петмина од нив се одговорни за расистичките навреди.

Истрагата и судењето траеја речиси две години, а за време на судењето обвинетите се изјаснија за виновни и изразија жалење за своите постапки.

Судот ја окарактеризира нивната акција како злосторство од омраза, а беше утврдено дека имале јасна намера да го навредат и понижат играчот на расна основа.

Секој од петте навивачи доби затворска казна од една година, парична казна од 1.620 евра и четиригодишна забрана за присуство на натпревари на кој било стадион во Шпанија.

Исто така, им е забрането да учествуваат во спортски, образовни и рекреативни активности за време на издржувањето на казната.

Винисиус имал право и на парична отштета, но се откажал од неа „бил задоволен што добил правда“.