Спорт
(Видео) Валенсија го „држи фенерот“ во Ла Лига, навивачите пред стадионот се судрија со полицијата
Валенсија, синоќа доживеа пораз од лас Палмас 2:3, во последниот натпревар од 10.коло во Ла Лига. Околу 43.000 гледачи на култниот стадион беа сведоци на уште еден тежок пораз на еден од најполупарните клубови во Шпанија, пораз кој го смести клубот на последното место на табелата.
На Валенсија уште пред почетокот на сеозната и се прогонозираше борбата за опстанок, но ниту најголемите песимисит не може да си замислат дека тимот ќе изгледа толку лошо во првите 10 кола.
Лас Палмас им беше шанса да победат, бидејќи овој тим немеше победа од 10 февруари, кога ја победија токму Валенсија. На крајот Лас Палмас ја прекина серијата од 23 натпревари без победа во Ла Лига.
¡En llamas! Siguen los incidentes en los alrededores de Mestalla. La policía trata de controlar la situación pic.twitter.com/GPh80pPOsT
— MARCA (@marca) October 21, 2024
По натпреварот, пред „Местаља“ избувнаа нереди. Илјадници навивачи на Валенсија се собраа пред натпреварот да го осудат владеењето на сопственикот Питер Лим, а по натпреварот останаа пред стадионот и на паркингот на клубот.
Револтираните навивачи потоа се упатија кон седиштето на клубот кое е на само неколку метри од стадионот. Незадоволните навивачи на Валенсија запалија се пред себе и се судрија со полицијата. Обичен протест прерасна во сериозен инцидент, а повредени се неколку навивачи и полицајци.
Навивачите на Валенсија се крајно незадоволни од сопственикот од Сингапур, Питер Лим (71), кој го презеде клубот во мај 2014 година, кога купи 70,4 отсто од акциите. Лим е сингапурски бизнис магнат кој бил брокер на акции и инвеститор на палмово масло. Сега приватниот инвеститор е фокусиран на здравството, градежниството, спортот и образованието.
Тој е рангиран на 23-то место на листата на Форбс на 50 најбогати луѓе од Сингапур и неговото богатство се проценува на 1,9 милијарди долари. Освен во Валенсија, Лим е акционер и во англиски Салфорд Сити.
Cargas policiales en Mestalla pic.twitter.com/3jPcm6bJkh
— Diego Pico (@D_pico_) October 21, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Добри вести за Црвена звезда, повредата на Боломбој не е сериозна
Добри вести за тренерот, играчите и навивачите на Црвена звезда 12 часа по повредата на Џоел Боломбој на натпреварот со Будуќност во Подгорица. Американецот со руски пасош со помош на соиграчите го напушти теренот.
Во третата четвртина од дерби натпреварот од 5. коло на АБА лигата, Боломбој поради кондензација се лизна на инаку лизгавиот паркет, во таа прилика го истегна коленото што не ветуваше добро.
Со помош на соиграчите, еден од најдобрите играчи на тимот од почетокот на сезоната го напушти паркетот, а потоа беше однесен во соблекувалната, поради што многумина, меѓу кои и тренерот Јоанис Сферопулос, стравуваа дека станува збор сериозна повреда на лигаментите или менискусот.
„Боломбиј се здоби со хиперекстензивна повреда на десното колено со поголема модринка на коската без повреди на менискусот и лигаментите. Во овој момент повредата не бара оперативно лекување, туку одмор и конзервативна терапија. Прогнозата за враќање на теренот ќе биде соопштена по прегледот од клупските лекари“, објави Црвена звезда.
Српските медиуми шпекулираат дека кошаркарот кој во Евролигата има просек од 12 поени и 9,2 скока ќе паузира околу еден месец. .
Инаку, Црвена звезда во драматична завршница ја победи Будуќност со 75:73.
Спорт
Мурињо во Истанбул живее во хотел, досега на ноќевања потрошил 171.000 евра
Жозе Мурињо (61) од јули го предводи Фенербахче. Целта му е да го освои првенството на Турција, но на тимот во моментов не му оди најдобро. Фенер е четврти со 17 бодови, осум помалку од водечкиот Галатасарај.
Од Турција стигна веста дека Мурињо се уште нема купено куќа во Истанбул. Се навикнува на животот во Турција и моментално живее во хотел.
Мурињо престојува во луксузниот хотел „Four Seasons“ на брегот на Босфорот. Најевтината соба во овој хотел за едно ноќевање чини 1.200 евра. Португалецот е во Истанбул веќе 141 ден, што значи дека досега потрошил 171.000 евра за живеење во хотел.
Неговиот скап стан се наоѓа на европската страна на Истанбул, каде доминираат навивачите на Галатасарај. Погледот од хотелската соба се протега кон азиската страна на градот, каде доминантни навивачи се на неговиот Фенербахче.
За Мурињо ова е втор пат во кариерата да престојува во хотел. За време на неговиот престој на клупата на Манчестер јунајтед, тој живеел во хотелот „The Lowry“, исто така на брегот на реката.
Мурињо е еден од најголемите тренери во историјата. Тој ги водеше Бенфика, Леирија, Порто, Челзи, Интер, Реал Мадрид, Манчестер јунајтед, Тотенхем и Рома.
Спорт
Челниците на Леверкузен се свесни дека Алонсо ќе го напушти клубот
Челниците на Баер Леверкузен се помириле со фактот дека тренерот Чаби Алонсо најверојатно ќе го напушти клубот на крајот од сезоната.
Шпанскиот стручњак, кој на тимот му ја донесе првата титула во историјата, е на мета на неколку големи европски клубови.
Едно е сега сигурно, клубот кој најмногу го посакуваше пред само половина година, Ливерпул, повеќе нема да биде опција.
По одличниот почеток на Арне Слот на „Енфилд“, веќе никој во клубот не ја спменува опцијата дека Алонсо би можел да биде долгорочно решение за клупата на „црвените“.
Наводно за него се заинтересирани Манчестер сити под услов Пеп Гвардиола да го напушти клубот, но ова е речиси невозможно, токму поради Ливерпул. Чаби Алонсо е поранешен фудбалер на „црвените“.
Најлогично е тој да се пресели на „Сантијаго Бернабеу“, доколку Карло Анчелоти реши да стави крај на кариерата во Реал Мадрид. „Проблем“ е што договорот на Италијанецот истекува во 2026 година.
Леверкузен на големо го бара наследникот на Алонсо, прв кандидат е тренерот на Штутгарт, Себастијан Хенес, а втор е помошникот на селекторот на Германија, Јулијан Нагелсман, Сандро Вагнер.