Спорт
(Видео) Валенсија го „држи фенерот“ во Ла Лига, навивачите пред стадионот се судрија со полицијата

Валенсија, синоќа доживеа пораз од лас Палмас 2:3, во последниот натпревар од 10.коло во Ла Лига. Околу 43.000 гледачи на култниот стадион беа сведоци на уште еден тежок пораз на еден од најполупарните клубови во Шпанија, пораз кој го смести клубот на последното место на табелата.
На Валенсија уште пред почетокот на сеозната и се прогонозираше борбата за опстанок, но ниту најголемите песимисит не може да си замислат дека тимот ќе изгледа толку лошо во првите 10 кола.
Лас Палмас им беше шанса да победат, бидејќи овој тим немеше победа од 10 февруари, кога ја победија токму Валенсија. На крајот Лас Палмас ја прекина серијата од 23 натпревари без победа во Ла Лига.
¡En llamas! Siguen los incidentes en los alrededores de Mestalla. La policía trata de controlar la situación pic.twitter.com/GPh80pPOsT
— MARCA (@marca) October 21, 2024
По натпреварот, пред „Местаља“ избувнаа нереди. Илјадници навивачи на Валенсија се собраа пред натпреварот да го осудат владеењето на сопственикот Питер Лим, а по натпреварот останаа пред стадионот и на паркингот на клубот.
Револтираните навивачи потоа се упатија кон седиштето на клубот кое е на само неколку метри од стадионот. Незадоволните навивачи на Валенсија запалија се пред себе и се судрија со полицијата. Обичен протест прерасна во сериозен инцидент, а повредени се неколку навивачи и полицајци.
Навивачите на Валенсија се крајно незадоволни од сопственикот од Сингапур, Питер Лим (71), кој го презеде клубот во мај 2014 година, кога купи 70,4 отсто од акциите. Лим е сингапурски бизнис магнат кој бил брокер на акции и инвеститор на палмово масло. Сега приватниот инвеститор е фокусиран на здравството, градежниството, спортот и образованието.
Тој е рангиран на 23-то место на листата на Форбс на 50 најбогати луѓе од Сингапур и неговото богатство се проценува на 1,9 милијарди долари. Освен во Валенсија, Лим е акционер и во англиски Салфорд Сити.
Cargas policiales en Mestalla pic.twitter.com/3jPcm6bJkh
— Diego Pico (@D_pico_) October 21, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Њукасл го потпишаа Џејкоб Ремзи

24-годишниот играч од средниот ред, Џејкоб Ремзи, е нов член на Њукасл јунајтед, со кого потпиша петгодишен договор, објави англиската Премиер лига во неделата.
Ремзи им се придружи на „страчките“ од Астон Вила и стана четвртото засилување на Њукасл ова лето.
Клубот не ги објави финансиските детали за овој трансфер, но англиските медиуми објавија дека е договорена компензација од 40 милиони фунти (околу 46 милиони евра).
„Ова е голем потег за мене, но штом дознав дека тренерот е заинтересиран и дека навистина му се допаѓам, не ми требаше долго време да донесам одлука“, изјави Ремзи за официјалната веб-страница на Њукасл јунајтед (newcastleunited.com).
Поранешниот англиски репрезентативец до 21 година кариерата ја започна во младинската школа на Астон Вила и одигра 167 натпревари за сениорскиот тим, постигнува 17 гола и забележа 19 асистенции.
Во својот нов клуб, Ремзи ќе го носи бројот 41, кој го имаше во Астон Вила, а би можел да дебитира во понеделник, 25 август, кога ќе игра на „Сент Џејмс Парк“, кога Њукасл ќе го пречека актуелниот шампион Ливерпул.
Foto/ newcastleunited.com
Спорт
(Видео) Нико Вилијамс со гол и две асистенции и пресуди на Севилја

Атлетик Билбао, во возбудлив натпревар, ја победи Севилја со 3:2. На отворањето на сезоната во Ла Лига, блескаше Нико Вилијамс со гол и две асистенции. Севилја се врати во мечот по водствто на Атлетик од 2:0, но не издржа. Дебитантот во дресот на баскискиот тим, Наваро погоди за победа.
Нико Вилијамс, кој во последен момент реши да остане во Билбао, кога ја одби понудата од Барселона, во 36.минута избори пенал и го претвори во гол. Овој играч, седум минути подоцна му асистираше на Санади кој погоди за 2:0.
Домашниот тим имаше шанси да го реши мечот во првите 10 минути од вториот дел, а кога не успеа казната стигна преку Лукебакио, кој испрати вистинска бомба од дистанца и намали на 2:1.
Во 72.минута, Севилја постигна уште еден гол од далечина. Резултатот го изедначи Агуме.
Го имаа гостите посакуваниот резултат се до 81.минута, кога по додавањето на Нико Вилијамс, конечниот резултат го постави Наваро.
Foto/ EPA/Miguel Tona
Спорт
Македонските одбојкари се пласираа на ЕП

Одбојкарската репрезентација на Македонија, како една од петте второпласирани селекции избори пласман на Европското првенство наредната година. Во последното коло, Македонија ја победи Грусија со 3:0 (25:13, 25:16, 25:17).
Македонија мораше да ја победи Грузија во три сета и да не загуби повеќе од 68 поени. Поради тоа македонските одбојкари максимално сериозно му пристапија на натпреварот. Експресно го добија првиот сет, во ист ритам продолжија и во вториот.
Мало опуптање следеше во третиот сет кога Грузија водеше 9:11, но тогаш се појави Ѓеорѓиев со серија добри сервиси, Македонија се одлепи на 18:12 и рутински го заклучи сетот.
Македонија во 2026 година четврти пат во историјата ќе учествува на Европско првенство.
Foto/ facebook.com/volleyballmkd