Спорт
(Видео) Вејд доби статуа која не личи на него

Двејн Вејд, најголемиот кошаркар во историјата на Мајами Хит, а конкуренцијата е пеколна, апсолутно заслужено доби статуа пред салата во која играше цели 15 години и за тоа време ги донесе сите три шампионски титули на Флорида.
Прашањето е дали Двејн Вејд заслужи попристојна, поубава, посоодветна статуа од оваа која стои пред центарот „Касеја“.
Судејќи по снимката, која доаѓа од другата страна на Атлантикот, и самиот не можел да поверува што гледа.
Не се ни обиде да го скрие своето неверување.
Како што пишува на посветата зад „лутиот Двејн“, овој неповторлив кошаркар му донесе шампионски титули на Мајами во 2006, 2012 и во 2013 година, беше прогласен за МВП -играч на првата финална серија, 13 пати беше избран за олстар-изборот, двапати во најдобриот тим на лигата, во 2009 година беше прв стрелец во сезоната, беше избран меѓу 75-те најдобри играчи на сите времиња, неговиот дрес со број 3 беше пензиониран во Мајами, а на сето ова мора да се додадат и олимпиското злато од Пекинг во 2008 година и бронзата од Атина во 2004 година.
Идниот жител на Куќата на славните, роден на 17 јануари 1982 година во Чикаго, ја заврши својата кариера во 2019 година.
First Look of D Wade statue! pic.twitter.com/nIAUAgQyhw
— Heat Clips 🎬 (@Demar305) October 27, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челси го доби градското дерби против Тотенхем

Фудбалерите на Челзи во последниот натпревар од 30. коло на Премиер лигата го совладаа градскиот ривал Тотенхем со резултат 1:0.
По првото полувреме каде што немаше возбудувања, второто полувреме беше многу поинтересно.
Во 50. минута Енцо Фернандеш одлично реагираше по центаршут и со глава ја упати топката во мрежата на Викарио.
Избраниците на Енцо Мареска можеа да го зголемат водството само шест минути подоцна, но голот на Мојсес Каиседо беше поништен поради офсајд.
Постигна гол и Тотенхем, но тој беше поништен по реакцијата од ВАР собата.
Папе Сар успеа од голема далечина да ја насочи топката кон голот и на крајот да го совлада Санчез, но и овој гол беше поништен, бидејќи истиот играч пред тоа направи прекршок, а на крајот наместо гол доби жолт картон.
По оваа победа, Челзи ги мина Манчестер сити и Њукасл на табелата во Премиер лигата и сега го зазема четвртото место, со еден бод повеќе од тимот на Пеп Гвардиола.
Во следното коло избраниците на Енцо Мареска гостуваат кај тимот на Брентфорд, а Тотенхем на домашен терен ќе игра против Саутемптон.
Спорт
(Видео) Едвардс се запиша во историјата, Баерн не успеа да го победи Макаби

Кошаркарот на Баерн Минхен, Карсен Едвардс, влезе во историјата на Евролигата. Постигна осум тројки во една четвртина во поразот на Баерн од Макаби 90:93 во 33. коло.
Плејмејкерот на Баерн, постигна осум тројки во една четвртина. Едвардс во третиот период погоди осум тројки од исто токлу обиди, првото промашување надвор од линијата 6,75 го имаше на 25 секунди пред крајот на четвртината. Едвардс во третата четвртина постигна 26 поени, тој собори два рекорда (најмногу тројки и најмногу поени во една четвртина).
Cars3n Edwards with 7 three pointers in the third quarter😱@FCBBasketball pic.twitter.com/MiP3dNh9uB
— Turkish Airlines EuroLeague (@EuroLeague) April 3, 2025
Баерн не успеа да победи иако во последната четвртина влезе со предност од 14 поени. Макаби ја стигна предноста во последниот период, а победата на Израелците им ја обезбеди Ливај Рендолф кој погиди четири слободни фрлања во последните десетина секунди.
Карсен Едвардс беше најефикасен со историска партија и постигна 33 поени, додека Шабаз Напиер постигна 17.
Во редовите на Макаби 20 поени уфрли Џими Кларк, 16 Левај Рендолф, 12 Рокас Јокубаитис.
Спорт
Нан го растури Монако, Партизан поразен во Каунас

Монако вечерва ја обезбеди предноста на домашниот терен во четвртфиналето, а Партизан ги загуби шансите за пласман во плеј-ин. Панатинаикос победи во Монако 88:76, а Партизан доживеа пораз од Жалгирис во Каунас 70:66.
Кендрик Нан уште еднаш покажа дека е неверојатен кошаркар, вечерва ја истакна кандидатурата за МВП на сезоната, го предводеше својот Панатинаикос до победа над Монако на гостински терен во претпоследното коло од Евролигата.
Во последното, 34. коло, ПАО ќе ја пречека Црвена звезда и се чини дека Кендрик Нан е „максимално наострен“ и оваа средба заврши со 37 поени.
Постигна 18 поени во првото полувреме, па уште 12 (со индекс 14 во тие 10 минути) во третата четвртина и седум во последниот период.
Партизан во Каунас го пропушти последниот воз за место во плеј-ин. Жалгирис одамна ги загуби шансите за пласман во доигрувањето, но максимално го одигра последниот евролигашни меч сезонава пред своите навивачи.
Поразот уште повеќе ќе ги боли црно-белите, бидејчи нивниот поранешен играч Ален Смајлагиќ ги постигна последните поени на мечот. Смајлаги постигна 14 поени еден помалку од најефикасниот играч на жалгирис Силван Франциско.
Карлик Џонс беше најефикасен во тимот на Партизан со 23 поени, од кои 16 во првото полувреме. Брендон Дејвис постигна 10 поени со шест скока, Исак Бонга постигна девет поени со шест скока, а Стерлинг Браун и Алексеј Покушевски по седум поени.