Напаѓачот на Јувентус, Душан Влаховиќ е во центарот на вниманието по случувањата на натпреварот против Венеција.

Пред два дена, Јувентус ремизираше 2-2 на домашен терен во 16.коло против Венеција, тимот што го зазема последното место на табелата. Јувентус влезе во серија лоши резултати, против Венеција четврти пат во низа одигра нерешено.

И покрај голот кој Влаховиќ го постигна во четвртата минута од судиското надополнување и спречи пораз на Јувентус, атмосферата на стадионот беше далеку од славеничка.

По натпреварот, фудбалерите на Јувентус се приближија до делот од трибините каде што седеа најжестоките навивачи на клубот. Наместо поддршка, добија навреди.

Посебно на мета бил српски напаѓач, кој според италијанските медиуми добил смртни закани.

Како што пренесува „Газета дело Спорт“, специјалната единица за истраги и операции покренала истрага против навивачот кој упатил смртни закани до српскиот репрезентативец.

Се додава дека истражителите ги побарале видео снимките од трибините за да го идентификуваат лицето кое упатило опасни и недолични зборови кон напаѓачот на Јувентус.

Србинот е најдобар стрелец на Јувентус оваа сезона со 11 гола на 19 натпревари.

VIDEO DIRETTAMENTE DALLO STADIO DEL PRESUNTO LITIGIO.

Grazie a @labiondajuve pic.twitter.com/njjqGKj5Vc

— Mary Di Dio (@marydidio_) December 14, 2024

Манчестер jунајтед го доби градското дерби против Сити со 2:1. „Црвените ѓаволи“ направија спектакуларен пресврт во финишот на натпреварот и со голови во 87. и 90.минута ја однесоа победата.

Покрај победата на Јунајтед, во Англија внимание привлекува и одлуката на менаџерот Рубен Аморим да ги остави дома Маркус рашфорд и Алехандро Гарначо.

„Ништо посебно. Крај на еден натпревар, почеток на нова недела. Нова недела, нов живот, ако тренираат добро ќе бидат во конкуренција за место во тимот. Ќе играат затоа што се талентирани, ни требаат Рашфорд и Гарначо. Истите правила важат за сите. Ќе играат или ќе бидат резерви. не се работи само за дисциплината. Мораме да ги поправиме стандардите, на теренот и надвор од него“,изјави стратегот на Јунајтед.

Јунајтед сега е 12-ти на табелата со 22 бода, додека Сити е петти со пет бода повеќе.

Охрид викендов беше во центарот на македонското веслање. Предизвикот за Веслачкиот клуб Горица Ремо беше организацијата на Државното првенство во ергометар, кое што за прв пат се одржа во Охрид.

Охриѓани беа домаќини на околу 40-тина учесници од Веслачкиот клуб Црн Дрим и Веслачки клуб Врбник од Струга и Веслачкиот клуб Дебар од Дебар. Натпреварите се одржаа во пионерска, кадетска, јуниорска, сениорска категорија, како и натпревари во мастерс (ветеранска) категорија во женска и машка конкуренција.

Веслачите на Горица Ремо иако во редуциран состав, гордо и достоинствено се претставија на ова Државно првенство и докажаа дека со тренинг и волја успехот е загарантиран.

Најмладата веслачка од Горица Ремо, Ана Ничевска го освои сребрениот медал во кадетска категорија. Во најбројната категорија кадети мажи, Андреј Крстески успеа да заврши на 5 позиција.

Александра Маленкоска ја одбрани титулата во сениорска конкуренција, пред нејзината клубска колешка Изабела Димоска која се закити со сребрениот медал.

Во машка конкуренција-сениори до златото прв довесла Климент Нанев.

Во доста возбудлива и изедначена борба помеѓу клубските колшеки во мастерс-жени, најбрза беше Валеннтина Модева Караѓуле, пред Тања Митрова и третопласирана Дениз Хајредин.

Во мастерс-мажи Коста Дескоски извесла за сребро, додека Методија Патчев беше третопласиран.

Со ова првенството официјално е затворена веслачката сезона за оваа година.