Спорт
(Видео) Вингегард ја одбрани титулата од Тур де Франс и најави дека ќе оди на Вуелта!
Данскиот ас Јонас Вингегард ја одбрани титулата од Тур де Франс, најславната велосипедска трка на светот која денеска заврши на „Шам Елизе“ во Париз. Со огромна предност пред словенечкиот ривал, шампионот од 2020 и 2021, Тадеј Погачар, Вингегардд ја имаше осигурано круната пред послената етапа во Париз на 110. издание на трката.
Вингегард и неговите колеги од тимот на Џамбо-Висма се почестија со шампањско на патот до француската престолнина по тринеделната трка од 3.405 километри. Вингегард ја презеде контролата на трката на две клучни планински етапи, каде што го „скрши“ својот ривал Погачар и на крајот заврши со 7:29 предност.
Пред последната етапа, Вингегард потврди дека не ја завршува сезоната и дека ќе оди на уште една тринеделна трка, Вуелта Еспања.
„Се гледаме во Барселона на Вуелта. Ќе се обидам да одам на победа во генерален пласман, а тука ќе биде и Примож Роглич. Ние сме двајца лидери на тимот“, изјави Данецот.
Белгиецот Жорди Мојс е победник на последната етапа во фото-финиш пред Јаспер Филипсен, Дилан Греневеген и Мадс Педерсен.
🤩It was all in the bike throw.
🤩Tout s'est joué dans le lancer de vélo.#TDF2023 pic.twitter.com/pvNTYnW1vx
— Tour de France™ (@LeTour) July 23, 2023
⏪ The last KM of the #TDF2023, and the last Champs-Elysées finish until the #TDF2025, with a surprise winner
⏪ Le dernier KM du #TDF2023, et la dernière arrivée sur les Champs-Elysées jusqu'au #TDF2025, avec un vainqueur surprise. pic.twitter.com/HBZk3rGEoA
— Tour de France™ (@LeTour) July 23, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.