Кошаркарите на Милвоки Бакс и Оклахома ситиТандер се пласираа во финалето на НБА купот. Во Лас Вегас, Бакс славеа над Атланта Хокс со 110:102, а Оклахома го совлада Хјустон со 110:96.

Бакс во неизвесен натпревар успеаја да ги победата Хокс. На крилјата на Јанис Адетокумбо и Демијен Лилард, Бакс ги издржаа налетите на Атланта. Јанис постигна 32 поени, 14 скока и девет асистенции, а го следеше Демијан Лилард со 25 поени, шест скока и седум асистенции.

Најдобар кај Хокс беше Тре Јанг со 35 поени, седум скока и 10 асистенции.

Оклахома против Хјустон дојде до победата благодарение на одличната игра во третиата четвртина во која стекна двоцифрена предност.

Најдобар играч во победничкиот тим беше Шеј Гилџес-Александер со 32 поени, осум скока, шест асистенции и пет украдени топки. Хартенштајн додаде 21, а Џејлен Вилијамс постигна 20 поени.

На другата страна Ајмен Томпсон постигна 19, а Дилон Брукс и Џабари Смит по 14 поени.

Финалето на НБА купот помеѓу Оклахома и Милвоки ќе се одигра во вторник од 02:30 часот по средноевропско време.

Голден стејт Вориорс го засилија ростерот со германскиот репрезентативец Денис Шрудер. Информацијата ја објави НБА инсајдерот, Шамс Чаранија.

Вориорс го зедоа Шрудер од Бруклин Нетс, а во спртивна насока замина бекот Диентони Мелтон и три пикови во втората драафт рунда. Исто така, тие ќе добијат и еден избор од вториот круг.

Шрудер игра одлично оваа година и е еден од најзаслужните што Нетс моментално се во се во плеј-оф зоната во Источната конференција.

Актуелниот светски шампион со Германија во просек бележи 18,4 поени и 6,6 асистенции по натпревар, за 33,6 минути поминати на теренот.

Мелтон, пак, оваа година нема да може да им помогне на Нетс, бидејќи неодамна ги скина вкрстените лигаменти на коленото и за него сезоната е завршена.

На Вориорс итно им беше потребна помош бидејќи по добриот старт загубија седум од последните девет натпревари, а се шпекулира дека ќе донесат уште еден или двајца играчи.

Јувентус доживеа уште еден шок во Серија А. Во 16.коло, во Торино, Јувентус не успеа да ја победи последнопласираната Венеција. „Старата дама“ се спаси од пораз (2:2) од сомнително досуден пораз во последните секунди од натпреварот.

Натпреварот започна добро за Јувентус, Гати погоди во 19.минута за 1:0. Во 49.минута, Јилдиз постигна гол кој беше поништен поради играње со рака.

Во 61. минута Елертсон израмни, а потоа во 83. минута Идзес го комплетираше пресвртот. Јуве со ситте сили тргна во напад, но синот на Дејан Станковиќ, Филип на голот на Венеција, остана несовладан, се до последниот напад.

Коментарите се дека Јувентус доби непостоечки пенал за играње со рака. Сигурен реализатор беше Влаховиќ.

Јувентус остана на шестото место со 28 бода, девет помалку од водечката Аталанта.