Спорт
(Видео) Вокер го искара себичниот Феликс: Подавај ја топката, не си Меси

Жоао Феликс нема да остане во Милан по завршувањето на сезоната. Во клибот донеле одлука дека нема да го откупат договорот на Португалецот од Челси. Феликс во јануари пристигна на „Сан Сиро“, милан на Челси позајмицата му ја плати со 5.500.000 евра.
Феликс добро ги одигра првите два натпревари во дресот на Милан, во останатите натпревари не покажа ништо.
Во неделата, Милан загуби во Неапол со 2:1. Наполи во првите 20 минути постигна два гола и го реши прашањето околу победникот.
На полувремето, додека играчите на Милан излегуваа од тунелот, Кајл Вокер му одржа леција на Феликс.
„Само додавај јја топката, не си Меси. Никој овде не е Меси“, му рекол искусниот Англичанец на Феликс.
Жоао Феликс мина уште само 10 минути на теренот, а потоа беше заменет.
Kyle Walker to Joao Felix: “Just pass the ball, no one here is Lionel Messi”
— Leo Messi 🔟 Fan Club (@WeAreMessi) April 1, 2025
Феликс ја започна својата кариера во младинската академија на Порто, но во Бенфика стана еден од најдобрите млади играчи во Европа. Пред шест години тој се пресели во Атлетико Мадрид за 126 милиони евра. Тоа е четвртиот најскап трансфер на сите времиња.
Пред него се само Филипе Кутињо од Ливерпул во Барселона за 145, Килијан Мбапе од Монако во ПСЖ за 180 и Нејмар од Барселона во ПСЖ за 222 милиони евра.
Но, вредноста на Феликс продолжува да паѓа. Во летото минатата година Челзи го купи за 52 милиони евра. Денес, „Трансфермаркт“ ја проценува неговата вредност на 25 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Топ 5 најдобри атмосфери во Евролигата според Ти Џеј Шортс

Ти Џеј Шортс, американецот со македонски пасош, оваа сезона блеска во Евролигата. Играчот на Париз се наоѓа во најтесниот круг за престиѓната МВП награда, за најдобар играч во сезоната.
Шортс во подкастот „Americanos24“, откри во која арена е најжешка атмосферата.
„Мојот број четири е Жалгирис. Број три, го избрав Фенербахче. Тој натпревар што го игравме беше луд. Публиката беше бесна на судиите. Беше лудо до крајот, а јас дури и испратив порака на Чима по натпреварот за да му кажам дека луѓето ме довикуваа од трибините и ми зборуваа се и сешто. Најчесто не ги слушам тие работи, но тие луѓе од страната на теренот беа навистина присутни и јас ги чувствував цело време. На второто место ја одбирам Звезда. Кога игравме против Партизан, беше ден на жалост, така што не го добивме целосното искуство. Салата не беше целосно полна, не им беше дозволено да пеат цело време. Но, многу јасно се сеќавам на Звезда. Кога излеговме на загревање, публиката веќе беше во елемент.
Според Шортс најдобра атмосфера правата фановите на Панатинаикос. Париз пред една недела му гостуваше на европскиот првак и забележа сензационална победа.
„Панатинаикос. Салата е реновирана, изгледа многу чисто и модерно. Јас не сум најголемиот љубител на ЛЕД паркетот, но штом започна играта, целосно заборавив на тоа. Публиката беше неверојатна, особено на крајот од натпреварот. Беше навистина лудо“, заклучи Ти Џеј Шортс.
Спорт
Сопственикот на Виртус тврди: Дубаи следната сезона ќе игра со Евролигата

Масимо Занети, претседателот на Виртус од Болоња потврди дека клубот заедно со Партизан и Црвена звезда добил специјална покана за учество во Евролигата во наредните три години и дека речиси е сигурно дека Дубаи од наредната сезона ќе игра во најсилното европско натпреварување.
„Што се однесува до Евролигата, добивме тригодишна понуда заедно со Партизан и Звезда. Се уште преговараме бидејќи цената е доста висока, но таква е ситуацијата“, изјави Занети.
Тој нагласи дека и покрај напливот на НБА во европската кошарка, Евролигата останува главно натпреварување за него.
„Многу се зборува за НБА, но Евролигата сепак е големо натпреварување кое има многу следбеници. Со потенцијалниот влез на тим од Дубаи, ќе се отворат многу можности“, додаде Занети.
Да потсетиме, Виртус се врати во Евролигата по сезоната 2022/23 по освојувањето на Еврокупот, но оттогаш не може да се пласира во плеј-офот.
Моментално се претпоследни со само осум победи и 24 порази.
Инаку, на денешната прес конференција, првиот човек на Виртус, објави дека Душко Ивановиќ ќе го води тимот и во наредната сезона.
Спорт
Извлечени полуфиналните двојки во Купот на Македонија
Во просториите на Фудбалската федерација на Македонија, со ждрепка беа одредени полуфиналните двојки во Купот на Македонија.
Најтрофејниот клуб Вардар оваа сезона има големи амбиции во Купот, сака да ја освои првата титула по 2007 година. На патот кон финалето му стои АП Брера од Струмица.
Втората полуфинална двојка ја формираа Шкендија и Струга ТЛ.
Првите полуфинални средби се закажани за 9 април.