Спорт
(Видео) Вориорс го елиминираа Хјустон, Индијана го изненади Кливленд

Голден Стејт Вориорс се последниот тим што се пласираше во втората рунда од овогодинешните плејоф во НБА лигата.
Во седмиот натпревар, кој се одигра во Хјустон, Вориорс славеа со 103:89 и се пласираа во следната рунда на Западот со вкупен резултат од 4:3. Таму ги чекаат Минесота Тимбервулвс.
Тимот од Сан Франциско стигна до двоцифрена предност во првото полувреме. Хјустон губеше со три поени во третата четвртина, но поискусните Вориорс не дозволија пресврт.
Откако постигна само три поени во првото полувреме, Стеф Кари во вториот дел се разбуди и го водеше својот тим до победа со 22 поени, 10 скока и седум асистенции.
Сепак, херој на победата беше Бади Хилд, кој постигна 33 поени, Џими Батлер имаше 20 поени, осум скока и седум асистенции.
Хјустон го предводеше Амин Томпсон со 24 поени и девет скока, додека Алперен Сенгун постигна 21 поен, 14 скока и пет асистенции.
На Истокот, второто коло од плејофот веќе започна, а во првиот натпревар Индијана Пејсерс ги изненадија домашните Кливленд Кавалирс, кои се први носители, и ги победија со 121:112. Во неизвесен натпревар, решавачка беше последна четвртина.
Ендру Нембхард имаше 23 поени и шест асистенции, а Тајрис Халибартон забележа 22 поени и 13 асистенции за победничкиот тим. За Кливленд, Донован Мичел постигна 33 поени со пет скока и четири асистенции, додека Тај Џером постигна 21 поен со осум асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона со стил ја заврши сезоната

Точка на сезоната во шпанското првенство ставија Атлетик Билбао и Барселона во Баскија, каде што актуелниот шампион победи со 3:0 (2:0) и со тоа ја спушти завесата на сезоната во која постигна 101 гол.
„Црвено-белите“ нема да жалат премногу за овој пораз бидејќи одамна го обезбедија четвртото место и пласманот во Лигата на шампионите, каде што се враќаат по 10 години.
Навивачите на „Сан Мамес“ се збогубаа со легендата Оскар де Маркос. Еден од капитените стави крај на кариерата.
Барса ги реши сите проблеми во првата половина од првото полувреме, а двоен стрелец беше полскиот напаѓач Роберт Левандовски. Полјакот головите ги постигна во 14-та и 17-та минута.
Во самиот финиш, ВАР интевенираше, Барселона доби пенал, а Дани Олмо во 94.минута го постави конечниот резултат.
Барса и Атлетик Билбао, но и Реал Мадрид, Атлетико Мадрид и Виљареал ќе играат во Лигата на шампионите следната сезона. Место во Лига Европа обезбедија Бетис и Селта, а во Конференциската лига ќе се натпреварува Рајо Ваљекано.
Спорт
(Видео) Јуве од пенал до Лигата на шампионите, Лацио остана без Европа

Драматичен крај имаше сезоната во Серија А. Најголеми губитници се фудбалерите на Лацио, во последната рунда останаа без место во европските купови. Лацијалите на домашен терен загубија од Лече (0:1). Екипата од југот на Италија со овој триумф избори опстанок во лигата.
Лацио против давеникот не успеа да постигне гол, еден бод ќе го однесеше клубот во Лигата на Конференции. Лацио, цело полувреме играше со фудбалер повеќе, но ниту тоа не им беше доволно да се спасат од поразот. Херој на Лече е Кулибали, неговиот гол во 43.минута го реши победникот.
Јувентус, со многу труд успеа да победи кај Венеција (3:2) и да го задржи четвртото место на табелата. „Старата дама“ и наредната сезона ќе игра во Лигата на шампионите.
Во втората минута, Венеција поведе преку Фила, но по нешто повеќе од половина час игра, Јувентус успеа да направи пресврт со головите на Јилдиз и Коло Муани.
Ново израмнување имаше во 55-та минута кога Хапс постигна гол за домаќините, а во тој момент Рома имаше водство од два гола против Торино и беше јасно дека оди кон победа.
Мануел Локатели го спаси Јувентус од со голот од пенал во 73-та минута. Овој резултат остана до крајот на разочарување на навивачите на Рома и нивниот тренер Клаудио Раниери. Овој натпревар беше 500-ти за Раниери како тренер во Серија А.
Покрај Јуве, во Лигата на шампионите одат и шампионот Наполи, Интер и Аталанта. Рома и Болоња ќе играат во Лига на Европа, а Фиорентина во Конференциската лига. Монца, Венеција и Емполи се селат во Серија Б.
Спорт
Никола Миротиќ се договорил со Монако

Монако вечерва не успеа да стане европски првак. Во Абу Даби, Монако го загуби финалето од Фенербахче со 70:81.
Еден час по завршувањето на финалето, медиумите објавија дека Никола Миротиќ од следната сезона ќе го носи дресот на клубот од „малото кнежество“.
Миротиќ ќе потпише двегодишен договор со Монако, со можност тој да биде продолжен на уште една сезона.
Оваа информација ја објавува „Јурохупс“, а претходно беше споменато дека Миротиќ ќе замине од Милано и ќе се пресели во Монте Карло.
Според овој извор во наредните денови Миротиќ ќе го потпише договорот.