Спорт
(Видео) Вториот пик од НБА драфтот во 2020 по пет минути ја заврши сезоната

Џејмс Вајсман, вториот пик на драфтот во НБА во 2020 година, по само еден одигран натпревар ја заврши сезоната.
Од оваа сезона член на Индијана Пејсерс се повреди, по пет минути игра во првата четвртина од првиот натпревар од новата сезона против Детроит Пистонс.
23-годишниот центар, откако шутираше за три поени, лошо се приземји на левата нога, а набргу го напушти теренот.
Ден подоцна беше објавено дека ја скинал Ахиловата тетива, што значи дека сезоната за него е завршена.
Кариерата на Вајсмен ја одбележаа различни повреди на коленото и зглобот, поради што не успеа да ги покаже квалитетите и потенцијалот поради кој беше втор пик на драфтот пред четири години. Во 2020 година тој беше драфтуван од Голден стејт Вориорс.
Инаку Индијана победи во Детроит со 115:109.
James Wiseman suffered a non-contact injury
Hope he is ok. 🙏
— Hoop Central (@TheHoopCentral) October 23, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимпија Љубљана ги тужи сопствените навивачи

Поради недоличното однесување на навивачите Олимпија доби казна од УЕФА од 184.000 евра. Навивачуте на клубот од Љубљана диевеај против орац Бања Лука во плеј-офот во Конференциската лига.
На следниот домашен европски натпревар трибините на стадионот ќе мора да бидат делумно затворени. Олимпија објави соопштение во врска со казната и најави тужба против сопствените навивачи.
„Од 2022 година, клубот мораше да плати повеќе од половина милион евра казни на УЕФА поради слични прекршувања на трибините. Овие санкции беа наметнати поради повторување на неред, насилни акти и расизам на поединци. НК Олимпија Љубљана силно се оградува од тие навивачи. На насилството и расизмот не им е место на стадионите. Мора да им ставиме крај на ваквите работи. Клупската управа на вонреден сосотанок донесе одлука да против поединци поднесе кривични пријави и да бара обесштетување. Малкумина придонесоа за овој срам што му е нанесен на клубот и градот.
Со помош на безбедносните снимки и персонализацијата на билетите, тие ќе бидат откриени, а надлежните органи потоа ќе одлучат за казните“, стои во дел од соопштението за медиумите потпишано од претседателот на клубот Адам Делиус.
Спорт
(Видео) Трипл-дабл на Јокиќ со 61 поен, Денвер по две продолженија загуби од Минесота

Кошаркарите на Денвер Нагетс по две продолженија загубија од Минесота Тимбервулфс. Минесота триумфираше со резултат 140:139, а мечот го одбележа рекордниот учинок на српскиот репрезентативец Никола Јокиќ.
Јокиќ за 52 минути и 38 секунди на паркетот постигна 61 поен (18/29 од поле, 6/11 од три), заедно со 11 скока и 10 асистенции. Трет трипл-дабл со најмалку 60 поени во историјата на НБА.
Тоа е, исто така, најголем број на поени во трипл-дабл учинок во историјата на лигата, а пред него Лука Дончиќ имаше 60 поени, 21 скок и 10 асистенции против Њујорк во 2022 година, а Џејмс Харден имаше 60 поени, 11 асистенции и 10 скока против Орландо во 2018 година.
Арон Гпрдпн забележа 30 поени, осум скока и пет асистенции, Кристијан Браун постигна 18 поени со 12 скока. Денвер на овој натпревар беше без повредените Џамал Мареј, Мајкл Портер Јуниор, Џулијан Стротер и Дерон Холмс.
Нагетс одлично го отворија натпреварот поведоа со 21:5, но Минесота успеа да се врати на во средината на регуларниот дел од играта.
Избраниците на Мајк Мелоун направија голема серија со која остварија пресврт и значајна предност на почетокот на четвртата четвртина, а на крајот од таа четвртина го изборија продолженија со поените на Никола Јокиќ.
Поранешниот кошаркар Мега со кош на осум секунди пред крајот ги спречи Нагетс да загубат во првото продолжение, но Минесота победи дополнителните пет минути.
Трагичар на Нагетс беше Расел Вестбрук, кој промаши положување при резултат 139:138, а потоа направи фаул над Александер-Вокер, кој од линијата за слобидни им ја донесе победата на Волците од Миенаполис.
Најзаслужен за триумфот на Тимбервулфс беше чуварот Ентони Едвардс. Олимпискиот шампион го заврши мечот со 34 поени, 10 скока, осум асистенции.
Се истакнаа и Џулиус Рендл со 26 поени, девет скока и седум асистенции, Александар-Вокер со 26 поени, седум скока и осум асистенции и францускиот центар Руди Гобер со 19 поени и 12 асистенции.
Нагетс имаат скор 47-26 и се на третото место на Западот, додека Минесота е 44-32 и седма на конференцијата.
Спорт
(Видео) Реал прими четири гола, но избори пласман во финалето на Купот на кралот

Фудбалерите на Реал Мадрид и Реал Сосиедад одиграа спектакуларен натпревар во реванш полуфиналето на Купот на кралот, По 120 минути игра натпреварот заврши без победник 4:4.
„Кралскиот“ клуб“ се пласира во финалето, благодарение на минималниот триумф (1:0) во првиот натпревар одигран во Сан Себастијан.
Мадриѓаните беа над амбисот во финишот на регуларниот дел, имаа минус од два гола, но успеаја да се вратат во рок од четири минути. Сепак, капитенот на гостите Микел Ојарзабал во судиското надополнување (93.минута) обезбеди продолженија за баскискиот тим.
Херој на домашниот тим беше Антонио Ридигер, кој постигна гол во 115. минута и со тоа му обезбеди финале на Реал, кој таму ќе го чека победникот од пресметката Барселона-Атлетико (4:4).
Андер Баренечеа со гол во 16. минута најави фантастичен натпревар на стадионот „Сантијаго Бернабеу“, а Ендрик го израмни резултатот пред паузата.
Сосиедад притискаше за ново водство и за краток период постигна два гола, пред се благодарение на Давид Алаба.
Австрискиот репрезентативец си постигна автогол во 72. минута, додека во 80. минута кога шутираше Микел Ојарзабал, топката удри во неговата нога и го измами Андриј Луњин.
На Реал не му требаше многу време да возврати. Во 82. минута Винисиус одлично мина по левата страна, го пронајде Џуд Белингем, кој само ја постави ногата и ја затресе мрежата на гостите. Резултатот го изедначи Чуамени, кој во 86. минута со глава погоди поцентаршутот на Родриго и благодарение на кастрофалната реакција на Алекс Ремиро.
Драмата не заврши тука. Петтиот гол за само 21 минута го постигна капитенот на Сосиедад, Микел Ојарзабал, по центаршутот на Серхио Гомеш.
Реал можеше да ги избегне продолженијата, Белингем шутираше со глава, но Ремиро со одлична парада ја надомести лошата реакција кога го прими третиот примен гол.
Сосиедад некако одолеа на нападите на Реал во првото продолжение, но не и во второто. Антонио Ридигер со глава ги постави конечните 4.4 по корнерот на Арда Ѓулер во 115. минута.
Финалето на Купот на кралот е закажано за 26 април на „Картуха“ стадионот во Севилја.