Спорт
(Видео) Залуден трипл-дабл на Јокиќ, Тандер славеше против Денвер, Дончиќ и Далас го добија дербито на Тексас
Никола Јокиќ забележа трипл-дабл но со пораз ја започна новата сезона во НБА лигата. За разлика од Јокиќ, Лука Дончиќ постигна 28 поени но од 25 шутеви, а Далас славеше на премиерата.
Денвер Нагетс беа немоќни против Оклахома Сити Тандер запишаа пораз 102:87.
Тандер го предводеше Шаи Гилџис-Александер со 28 поени, а импресивен беше Чет Холмгрен со 25 со 14 скока, 5 асистенции и 4 блокади.
Јокиќ (16 поени, 12 скока, 13 асистенции) повторно немаше соодветна поддршка од соиграчите, Џамал Мареј погоди само 4 од 14 удари од поле, а Расел Вестбрук само 2/10.
Нагетс генерално шутираа лошо, погодија само седум тројки во 39 обиди.
Далас Маверикс пред своите навивачи предводени од Лука Дончиќ го совладаа Сан Антонио со 120:109.
Словенечкиот кошаркар беше најефикасен на натпреварот, постигна постигнувајќи 28 поени со десет скока и осум асистенции.
Дончиќ немаше одлична шутерска вечер, за што сведочат само 36 проценти од неговите удари од поле (25/9).
Клеј Томпсон испиша историја на своето деби со шест тројки (6/10) за 22 поени, Кајри Ирвинг постигна 15, исто како и Дерик Лајвли, додека О Џеј Вашингтон и Џејден Харди имаа по 11.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Светски рекорд на Кејт Даглас
Кејт Даглас исплива најбрзо во историјата на трката на 200 метри градно во базен од 25 метри.
Во текот на првиот ден на вториот митинг на Светскиот куп во Инчеон, Јужна Кореја, Американката ја запре стоперката на 2:14.16 минути.
За 41 стотинка ја поместила границата на соништата, која од 2009 година беше во сопственост на нејзината сонародничка Ребека Сони.
Спорт
Одложен утрешниот натпревар Болоња-Милан
Натпреварот меѓу Болоња и Милан во италијанското првенство нема да се одигра в сабота од 18 часот, како што првично беше планирано поради временските услови, соопштија локалните власти во Италија.
„Натпреварот Болоња-Милан би вклучувал присуство на 35.000 луѓе на стадионот Ренато Дал’Ара во близина на најфреквентното место во градот“, соопштија општинските власти на Болоња.
„Тоа би значело проблеми со јавниот ред со присуство на навивачи и затворање на сообраќајот на целата област од рано попладне до вечер“, се додава во соопштението.
Синоптичарите предвидуваат обилни врнежи од дожд во сабота во Болоња, каде веќе има дожд оваа недела, особено во областа каде што се наоѓа стадионот, каде што имаше поплави.
Новиот термин на натпреварот се уште не е објавен, веројатно натпреварот ќе се одигра во декември.
Спорт
Леверкузен остана без важен адут до крајот на годината
Фудбалерот на Баер Леверкузен, Мароканецот Амин Адли, се повреди на натпреварот против Брест во Лигата на шампионите. Адли во ремито 1:1 играше од 70.минута кога влезе на местото на Патрик Шик.
Клубот се огласи по повредата на Адли, ја информираше јавноста дека тој ќе биде опериран и нема да игра до крајот на годината.
Адли се здобил со фрактура на тибијалната коска на левата нога.