Спорт
(Видео) Записничката маса и судиите и ја подарија победата на Шпанија над Словачка

Нестварната грешка на судиите и ја украдоа на Словачка најголемата победа во историјата. Шпанија во квалификациите за ЕП, во Братислава ја победи Словачка по две продолженија со 76:72.
На истекот на првото продолжение Словаците водеа со 67:64 на 0,4 секунди до крајот и ја имаа топката кај себе.
Еден словачки играч лошо го изведе аутот, Јуста ја украде топката, која падна на подот, а тој потоа ја прифати и погоди нереална тројка.
Ваква тројка, тоа му е јасно на секого не може да биде постигната за само 0,4 секунди. Теоретски е невозможно, бидејќи Јуста ја допре топката таа се одби од паркетот, потоа тој ја прифати и упати шут.
На снимката јасно се гледа дека од записничката маса не го поштија сатот за мерење на времето кога Јуста прв пат ја допре топката.
Според правилата на ФИБА, уште колку време преостанува и дали часовникот доцнел можат да бидат прегледани од судиите, што значи дека тие можеле да го поништат спорниот гол.
Нејасно е тогаш зошто тоа не го направи судиската тројка на чело со Хрватот Мартин Вулиќ во која беа и Сесилија Монтгомери-Тот и Петер Пранкш од Унгарија.
„Можев да зборувам многу за тоа што се случи во финишот. Теоретски, невозможно е да се пресече топката, таа да се одбие од подот и дури тогаш Јуста шутне. Сето тоа го за четири десетинки. Ја давам десната рака, тоа не е можно“, изјави селекторот на Словачка, Арамис Наглиќ.
Шпанците со оваа победа избегнаа големи непријатности во групата, бидејќи во третото коло дојдоа до првата победа. Доколку загубеа со скор 0/3 ќе имаа минимални шанси да се пласираат на ЕП.
За потсетување Шпанија на последното ЕП ја освои титулата.
Dicen que el tiempo es relativo.
Pues para Yusta 4 décimas son 𝙡𝙖 𝙚𝙩𝙚𝙧𝙣𝙞𝙙𝙖𝙙
El triple de una remontada jamás vista. 6 puntos en 4 segundos.
España, a lograr lo imposible en la segunda prórroga. #Eurobasket2025 pic.twitter.com/qLvJTv1MBS
— Teledeporte (@teledeporte) November 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Мело Ентони влегува во Куќата на славните

Легендарниот кошаркар Кармело Ентони ќе биде примен во Куќата на славните.
„Ентони ќе стане првиот кошаркар што ќе влезе во Куќата на славните на Нејсмит оваа година“, објави кошаркарскиот инсајдерски Шамс Чаранија.
Кармело зад себе има неверојатна кариера со 19 години минати во НБА и за тоа време шест пати успеа да биде член на најдобрата петорка во сезоната.
Покрај тоа, Ентони беше учесник на десет Ол-стар натпревари, додека со репрезентацијата на САД освои дури шест златни медали на Олимписките игри.
Популарниот Мело својата најголема трага ја остави во тимот на Денвер Нагетс каде настапуваше осум години. Потоа шест години беше член на Њујорк Никс, а на залезот на кариерата играше за Оклахома, Хјустон, Портланд и Лос Анџелес Лејкерс, кој беше неговиот последен клуб во кариерата.
Спорт
Ивица Костелиќ затрупан од лавина – Хрватот преживеа нова драма

Најдобриот хрватски скијач на сите времиња, Ивица Костелиќ преживеа нова опасна ситуација. „24ur.com“, објави дека Ивица Костелиќ бил затрупан од лавина во Обертауерн, Австрија.
Се се завршило добро бидејќи според неофицијални информации Ивица Костелиќ и уште едно лице биле однесени со спасувачки хеликоптер. Наводно, еден од двајцата скијачи успеал сам да влезе во хеликоптерот, додека другиот бил ископан од под снегот.
Ивица Костелиќ е во Обертауерн, според словенечките медиуми, на скијање со семејството, односно со сопругата Ерин и четирите деца. Како точно се нашол затрупан од лавина се уште не е познато.
Познато е дека пред два дена австриските метеоролози предупредија на влошување на времето, а знакот за опасност од лавина го подигнаа на четири од максимални пет.
Да потсетиме, пред само три недели Ивица Костелиќ беше спасен од смрт во невреме кај црногорското крајбрежје од локалната морнарица, чии припадници успеаја да го лоцираат среде ноќ додека очајно се држеше за кајакот со последните сили.
Имаше уште една потенцијално опасна ситуација која Ивица Костелиќ успеа да ја надмине. Имено, пред осум години тој за малку ќе замрзнал на Гренланд додека ги минувал тамошните пространства на скии.
Спорт
Топ 5 најдобри атмосфери во Евролигата според Ти Џеј Шортс

Ти Џеј Шортс, американецот со македонски пасош, оваа сезона блеска во Евролигата. Играчот на Париз се наоѓа во најтесниот круг за престиѓната МВП награда, за најдобар играч во сезоната.
Шортс во подкастот „Americanos24“, откри во која арена е најжешка атмосферата.
„Мојот број четири е Жалгирис. Број три, го избрав Фенербахче. Тој натпревар што го игравме беше луд. Публиката беше бесна на судиите. Беше лудо до крајот, а јас дури и испратив порака на Чима по натпреварот за да му кажам дека луѓето ме довикуваа од трибините и ми зборуваа се и сешто. Најчесто не ги слушам тие работи, но тие луѓе од страната на теренот беа навистина присутни и јас ги чувствував цело време. На второто место ја одбирам Звезда. Кога игравме против Партизан, беше ден на жалост, така што не го добивме целосното искуство. Салата не беше целосно полна, не им беше дозволено да пеат цело време. Но, многу јасно се сеќавам на Звезда. Кога излеговме на загревање, публиката веќе беше во елемент.
Според Шортс најдобра атмосфера правата фановите на Панатинаикос. Париз пред една недела му гостуваше на европскиот првак и забележа сензационална победа.
„Панатинаикос. Салата е реновирана, изгледа многу чисто и модерно. Јас не сум најголемиот љубител на ЛЕД паркетот, но штом започна играта, целосно заборавив на тоа. Публиката беше неверојатна, особено на крајот од натпреварот. Беше навистина лудо“, заклучи Ти Џеј Шортс.