Спорт
(Видео) Записничката маса и судиите и ја подарија победата на Шпанија над Словачка

Нестварната грешка на судиите и ја украдоа на Словачка најголемата победа во историјата. Шпанија во квалификациите за ЕП, во Братислава ја победи Словачка по две продолженија со 76:72.
На истекот на првото продолжение Словаците водеа со 67:64 на 0,4 секунди до крајот и ја имаа топката кај себе.
Еден словачки играч лошо го изведе аутот, Јуста ја украде топката, која падна на подот, а тој потоа ја прифати и погоди нереална тројка.
Ваква тројка, тоа му е јасно на секого не може да биде постигната за само 0,4 секунди. Теоретски е невозможно, бидејќи Јуста ја допре топката таа се одби од паркетот, потоа тој ја прифати и упати шут.
На снимката јасно се гледа дека од записничката маса не го поштија сатот за мерење на времето кога Јуста прв пат ја допре топката.
Според правилата на ФИБА, уште колку време преостанува и дали часовникот доцнел можат да бидат прегледани од судиите, што значи дека тие можеле да го поништат спорниот гол.
Нејасно е тогаш зошто тоа не го направи судиската тројка на чело со Хрватот Мартин Вулиќ во која беа и Сесилија Монтгомери-Тот и Петер Пранкш од Унгарија.
„Можев да зборувам многу за тоа што се случи во финишот. Теоретски, невозможно е да се пресече топката, таа да се одбие од подот и дури тогаш Јуста шутне. Сето тоа го за четири десетинки. Ја давам десната рака, тоа не е можно“, изјави селекторот на Словачка, Арамис Наглиќ.
Шпанците со оваа победа избегнаа големи непријатности во групата, бидејќи во третото коло дојдоа до првата победа. Доколку загубеа со скор 0/3 ќе имаа минимални шанси да се пласираат на ЕП.
За потсетување Шпанија на последното ЕП ја освои титулата.
Dicen que el tiempo es relativo.
Pues para Yusta 4 décimas son 𝙡𝙖 𝙚𝙩𝙚𝙧𝙣𝙞𝙙𝙖𝙙
El triple de una remontada jamás vista. 6 puntos en 4 segundos.
España, a lograr lo imposible en la segunda prórroga. #Eurobasket2025 pic.twitter.com/qLvJTv1MBS
— Teledeporte (@teledeporte) November 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал Сосиедад ќе бара нов тренер

Реал Сосиедад во четвртокот објави дека ќе се раздели со тренерот Иманол Алгуасил на крајот од сезоната.
Всушност, одлуката за заминување беше негова.
„Иманол Алгуасил го извести клубот за неговата одлука да не го води тимот следната сезона. По шест и пол години на чело на стручниот штаб, тој одлучи дека е време да се повлече кога ќе заврши оваа сезона. Но, пред да дојде тој момент, имаме уште многу работи за кои вреди да се бориме.
Билет за Европа би бил најдобриот крај што оваа приказна го заслужува. Ти благодариме Иманол“, соопштија од клубот.
Во периодот додека Алгуасил го предводеше клубот, Реал Сосиедад играше пет пати во европските натпреварувања и го освои Купот на кралот во сезоната 2019/2020.
Сосиедад моментално е деветти на табелата, со 42 бода и три последователни натпревари без победа.
ℹ Imanol Alguacil ha comunicado al Club que no continuará dirigiendo el equipo la próxima temporada.
— Real Sociedad Fútbol (@RealSociedad) April 24, 2025
Спорт
(Видео) Крај на една ера – Џејми Варди ќе го напушти Лестер

Херојот на Лестер, Џејми Варди по 13 години реши да го напушти клубот. Клупската легенда на социјалните мрежи објави дека по завршувањето на сезоната ќе замине од „Кинг Пауер“.
„Навивачи на Лестер, мразам што дојде овој ден, но мораше да дојде. По 13 неверојатни години во клубот со многу успеси, некои падови, но главно најголеми успеси, време е да се откажам. Уништен сум, но мислам дека е вистинското време. Само сакам да ви кажам големо благодарам што ме прифативте како едно од вас. Лестер секогаш ќе биде во моето срце, сигурно ќе го следам во наредните години и се надевам дека клубот ќе биде успешен. Во овој момент ова е мое збогум, но ќе ме видите наскоро, ви благодарам“, рече Варди.
Goodbye to the GOAT 🐐 pic.twitter.com/romej28Kbr
— Leicester City (@LCFC) April 24, 2025
Варди е веќе бесмртен во очите на навивачите на Лестер, кои засекогаш ќе го паметат како херој во шампионската сезона 2015/2016 година. Пет години подоцна, тој ги предводеше „Лисиците“ до трофејот во ФА Купот, зацврстувајќи го својот статус на најголем играч во историјата на клубот.
Варди доби отказ од Шефилд Венсдеј како 16-годишник, па својот фудбалски пат го започна од дното, од најниските лиги, преку Стокбриџ Парк и Халифакс.
Лестер го донесе Варди од аматерскиот Флитвуд за еден милион фунти во 2012 година, а четири години подоцна беше прогласен за најдобар играч во Премиер лигата, а во сезоната 2019/2020 беше најдобар стрелец.
Иако го посакуваа најголемите европски клубови, тој и во најтешките моменти им остана верен на „лисиците“, па го водеше тимот минатата сезона кога експресно се врати во Премиер лигата. во втората лига, првенството во претходната сезона 2023/2024 до враќањето во елитата.
По поразот на домашен терен од Ливерпул со 1:0. По овој пораз Лестер и математички ги загуби шансите да остане во елитата.
За „лисиците“ постигна 198 гола на 496 натпревари, а доколку настапи во последните четири кола од тековната сезона ќе го напушти клубот со точно 500 настапи.
Иако во јануари наполни 39 години, Варди нема намера да ја заврши кариерата.
Спорт
Алкараз се повлече од Мастерсот во Мадрид

Шпанскиот тенисер Карлос Алкараз објави дека се повлекува од Мастерсот во Мадрид поради повреда на препоните на десната нога.
Алкараз беше втор носител на турнирот во Мадрид и требаше да игра со победникот од мечот меѓу Белгиецот Зизу Бергс и Канаѓанецот Габриел Диало во второто коло.
„Решивме да не ризикуваме. Направив се што можев, но работите не се подобрија многу. Морав да го послушам моето тело и да донесам тешка одлука. Мислам дека ја донесов вистинската одлука. Ќе се обидам да се одморам и да се вратам што е можно поскоро”, изјави Алкараз на прес-конференцијата во Мадрид.
Шпанскиот тенисер беше во иста половина од ждрепката со Новак Ѓоковиќ, односно беше „планирано“ да се сретнат во полуфиналето.
Шпанските медиуми потсетуваат дека Алкараз се повреди пред четири дена за време на финалето на турнирот во Барселона против Данецот Холгер Руне (6:7, 2:6).
Најдобриот шпански тенисер триумфираше на Мастерсот во Мадрид во 2022 и 2023 година.