Тотенхем ја освои титулата во Лига Европа. Во финалето во Билбао, екипата на Ангелос Постекоглу го победи Манчестер јунајтед со 1:0 и со тоа обезбеди место во Лигата на шампионите следната сезона.

Единствениот гол го постигна Бренан Џонсон во 42-та минута од натпреварот. Тотенхем ја реализираше својата единствена сериозна можност и на крајот заслужено ја освои Лига Европа, откако играчите на Јунајтед во втората половина од второто полувреме пропуштија три добри шанси за израмнување.

Тренерот на Јунајтед, Рубен Аморим, го коментираше натпреварот.

„Во овој момент не сум тука да се бранам. Тоа не е мој стил. Немам што да им покажам на навивачите. Во овој момент ми треба малку верба. Секогаш сум отворен. Ако раководството и навивачите сметаат дека не сум вистинската личност, веднаш ќе заминам. Но, нема да се откажам. Верувам во мојата работа. Како што можете да видите, нема да сменам ништо во начинот на кој ги правам работите.

Имаше денови кога велев дека сме навистина лоши. Денес не беше така. Не бевме совршени, мора да се подобриме, но секогаш сум искрен“, заклучи тој.

Кошаркарите на Индијана поведоа против Њујорк во финалето на Источната конференција на НБА лигата. Пејсерс со неверојатен пресврт во финишот на регуларниот дел изборија продолженија, а пота славеа со 138:135. На никс не им помогнаа Брансон и Таунс кои заедно постигнаа 78 поени.

Индијана до победата ја предводеа Тајрис Халибартон со 31 поен и 11 асистенции и Арон Несмит со 30 поени.

Никси водеа со 15 поени разлика на помалку од три минути пред крајот на регуларното време, на 58 секунди до крајот водеа со девет поени разлика, но Индијана успеа да се врати и да избори продолженија, а потоа и да го добие натпреварот.

Несмит ги врати Пејсерси во игра со серија од тројки, а потоа Халибартон погоди неверојатен шут во продолжението.

Додека Пејсерси заостануваа со два поени, а времето истекуваше, тој почна да ја губи контролата врз својот дриблинг, го врати и се врати кон линијата за три поени. Успеа да погоди, а потоа Халибартон истрча кон аут линијата, со двете раце се вати за вратот (знак на давење) гестикулирајќи кон, исто како што членот на Куќата на славните на Пејсерси, Реџи Милер, му го направи на Спајк Ли додека во историската плејоф серија на овие тимови во плејофот во 1994 година.

За Њујорк, подобари од другите беа Џејлен Бренсон со 43 поени и Карл-Ентони Таунс со 35 поени и 12 скока.

Шеј Гилџис-Александер од Оклахома Сити Тандер ја доби наградата за најкорисен играч (MВП). Оваа вест ја објави познатиот инсајдер Шамс Чаранија.

Беше многу напната трка помеѓу канадскиот кошаркар и поранешниот MВП, Никола Јокиќ. Сепак, најдобриот стрелец во сезоната доби предност пред Србинот, кој водеше во четирите најважни категории во плејофот.

Шеј Гилџис-Александер доби поголема поддршка од оние што гласаа. Канаѓанецот ја предводеше Оклахома до најдобриот скор во лигата и до финалето на Западната конференција.

Оклахома стигна до борбата за големото финале победувајќи го Денвер на Никола Јокиќ во седум натпревари.

Инаку, бекот на Оклахома е вториот канадски кошаркар по Стив Неш кој ја добил наградата за најкорисен играч (MВП).

На овој начин, Канада стана првата земја, освен САД, која има повеќе лауреати на наградата MВП. Ова е исто така седма сезона по ред Американец да не биде прогласен за најкорисен играч во регуларниот дел од сезоната.

Серијата започна во 2018/19 година. Јанис Адетокумбо беше беше двократен МВП. Потоа Никола Јокиќ двапати беше прогласен за најкорисен играч во лигата. Потоа е сезоната 2022/23 кога лауреат беше Камерунецот Џоел Ембид, а Никола Јокиќ повторно ја освои наградата минатата сезона.