Спорт
Вилијамс со целосно нов изглед во новата сезона
Славниот тим на Вилијамс го откри својот болид за 2019 со целосно нов изглед и шефицата Клер Вилијамс вели дека се работи за „нова генерација“ на тимот кој еднаш доминираше во спортот, но лани беше најслабиот во Ф1.
Иако вистинскиот ФВ42 болид нема да биде откриен до првиот ден зимско тестирање во Барселона на 18 февруари, во фабриката во Гроув ги покажаа новите бои по спонзорството на „Рокит“, телекомуникациската компанија.
Деветкратните шампиони кај конструкторите завршија на последното место лани првпат во нивната историја со само седум освоени поени, по што имаше низа промени.
„Лани беше многу тешко за нас. Ти ја уништува душата кога си последен. Но, го заддржавме главното, луѓето кои веруваат во овој тим и целта е новата сезона ќе биде подобра“, вели Клер Вилијамс, ќерката на основачот на тимот, Сер Френк Вилијамс.
ФВ42 е втор болид кој ќе го дизајнира поранешниот прв човек на Мерцедес, Педи Лоув, а во тимот оваа година ќе вози полскиот ветеран 34-годишниот Роберт Кубица, кој се враќа во спортот седум години по сериозната повреда на раката на рели трка, како и младиот Ф2 шампион, 20-годишниот Џорџ Расел, прв Англичанец во тимот по Џенсон Батон во 2000.
„Ќе биде возбудливо да се гледа таа двојка. Последните месеци поминавме низ трансформација, а Џорџ и Роберт се новата генерација“, вели Вилијамс.
Welcome to the world @rokitofficial Williams Racing! pic.twitter.com/7zUZEKk6Hn
— ROKiT WILLIAMS RACING (@WilliamsRacing) February 11, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.