Спорт
Вилјареал првпат играат европско финале, но Емери е специјалист за Лига Европа
Вилјареал утре ќе се судри со Манчестер јунајтед во финалето на Лига Европа, нивното прво европско финале во 97-годишната историја на клубот, но „жолтата подморница“ не смее да се смета за аутсајдер, посебно бидејќи на клупата го имаат Унаи Емери, човекот кој веќе трипати го креваше трофејот од второто по ранг европско натпреварување.
Ова ќе биде невероајтно петто финале за Баскиецот во кариерата, откако освои три титули со Севилја и загуби еднаш со Арсенал. Доколку успее да го земе „скалпот“ на „ѓаволите“, тој ќе се израмни со легендарниот Џовани Трапатони со четири трофеи од Лига Европа.
„Горд сум што влеговме во финалето, што ја минавме таа бариера по сите загубени полуфиналиња. Сега, целта е да се крене трофејот, иако знаеме дека нема да биде лесно. Кога бев тренер на Валенсија бев на еден состанок на тренери во Нион кога зборував за важноста на Лига Европа. Алекс Фергусон ме праша: ‘Па сигурно, сакаш да ја освоиш ЛШ’. Одговорив дека секако дека сакам, но дека Лига Европа е место каде што многу клубови и фудбалери бараат признание. А, сега, Јунајтед повеќе години играат и сонуваат за Лига Европа“, вели Емери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сити го официјализира трансферот на Марк Геи
Марк Геи официјално стана играч на Манчестер Сити.
Само неколку минути го делеа англискиот репрезентативец од потпис за Ливерпул во август. Тогаш трансферот му пропадна, се очекуваше дека по завршувањето на сезоната, како слободен играч да се пресели на „„Енфилд“, но Сити реши да се вмеша во трката и му ја расипа зделката на Ливерпул.
Геи потпиша договор со Манчестер Сити до летото 2031 година.
Дефанзивецот е второто засилување на „Граѓаните“ во јануари, по Антонан Семењо, кој веќе дебитираше за тимот на Пеп Гвардиола.
Сити плати 20 милиони фунти за овој трансфер, а договорот вклучува и клаузула за процент на следната продажба. За Кристал Палас, ова е одлична зделка бидејќи Геи по завршувањето на сеозната ќе го напуштеше клубот како слободен играч.
It's a done deal ✅ pic.twitter.com/dN0gwtzaP8
— Manchester City (@ManCity) January 19, 2026
Разликата во понудата на Сити во споредба со Ливерпул и Баерн, кои исто така беа заинтересирани, се чини дека е неделната плата што Геи ќе ја има во Сити, 300.000 фунти. Што би значело дека Сити подготвил 1,3 милиони месечно или 15,6 милиони фунти годишно.
Талентираниот дефанзивец одигра 188 натпревари за Кристал Палас, постигна 11 голови и го освои ФА Купот.
Спорт
Германија преку Шпанија до втората фаза, Франција лесно се справи со Норвешка
Германија ја победи Шпанија со 34:32 и го обезбеди првото место во А групата на 17-то Европско првенство во ракомет.
Германците кои беа на работ на бездната, по поразот од Србија, вечерва, го искористија подарокот од Србите, кои претходно загубија од Австрија (25:26) и со победата над Шпанија во втората фаза ќе пренесат два бода.
Германците беа подобри од самиот почеток, имаа предност што ја држеа во текот на целото прво полувреме.
Како што минуваше времето, стануваа подобри и посигурни, беше јасно дека влегоа во натпреварот.
Германците имаа предност од два гола во поголемиот дел од првиот дел од натпреварот, во еден момент водеа и со четири гола, додека Шпанија ја намали на респектабилни два гола до крајот на првото полувреме.
Шпанците нешто подобр влегоа во вториот дел, два пати се доближија на негатива од еден гол, но Германија успеа да ги одбие тие налети.
Германците повторно дојдоа до предност од четири гола, во последните десет минути и веќе тука беше јасно дека ќе победата.
На крајот, Ушчинс го заврши овој дуел со осум гола, Кестер имаше два помалку, додека Јури Кнор беше прецизен во пет наврати за германската репрезентација.
Кај Шпанија, Гури беше најефикасен со седум гола.
Германија, втората фаза ќе ја отвори против Данска, која извесно ќе биде прва во А групата.
Во Ц групата Франција, во Осло лесно со 38:34 ја победи Норвешка.
Французите до победата ги предводеа Лен и Наи со по пет, односно Пранди, Мем и Брије со по четири гола.
Спорт
Клоп негира дека е кандидат за тренер на Реал
Легендарниот германски стручњак Јирген Клоп повторно мораше да одговори на гласините за неговото преземање на Реал Мадрид.
Откако Чаби Алонсо беше отпуштен, германските медиуми во неколку наврати истакнуваа дека Клоп е фасциниран од големината на Реал Мадрид и дека тоа е единствениот клуб по Ливерпул што не може да одбие.
Сепак, Клоп ги негира овие наводи, иако не може да гарантира дека нема да се предомисли во иднина.
„Дали сум возбуден затоа што Реал Мадрид е заинтересиран за мене? Не, затоа што тие навистина не покажаа интерес, тоа е само медиумски „хајп“. Јас сум доследен и нема да го сменам мислењето преку ноќ. Секако, никогаш не можам ништо да гарантирам и целосно да го отфрлам, но имам 58 години и сум среќен таму каде што сум“, рече Клоп, кој го води фудбалскиот проект на Ред Бул..
Многумина веруваат дека Флорентино Перез ќе продолжи да врши притисок врз Јирген Клоп во наредните месеци и дека Германецот е апсолутен приоритет по неуспешниот експеримент со Чаби Алонсо.
Foto/ depositphotos

