Рахим Стерлинг е стрелецот на водечкиот гол за Англија на мечот од Д групата против Чешка.

Фудбалерот на Манчестер Сити погоди со глава во 12 минута по додавањето од Грилиш.

Истиот играч уште во 4. минута можеше да го промени почетниот резултат, но неговиот удар заврши во десната статива од голот на Вацлик.

Во моментов Англија е прва на табелата со 7 бода, по 4 имаат Чешка и Хрватска која во 17 минута поведува во Шкотска против домаќините.

Никола Влашиќ најдобро се снајде во противничкиот шеснаесетник покрај многумина „гледачи“, па Хрватите сега се во предност која ги носи во осминафинале. Изненадувањето на селекторот Далиќ засега носи резултат.

Турскиот милијардер, Али Коч кој е сопственик на фудбалскиот клуб Фенербахче од Турција планира да го преземе македонскиот фудбалски бренд, ФК Вардар и да го направи филијала на турскиот клуб, пишува денеска угледниот турски весник „Фанатик“.

Медиумот пишува дека Коч веќе контактирал со челните луѓе во Вардар и понудил неколку модели на соработка.
За почеток Вардар би станал филијала на Фенербахче и во скопскиот клуб би настапувале млади фудбалери и оние кои во клубот од Истанбул би имале мала минутажа.

„Ни фали филијала, многу играчи не добиваат простор и минутажа да се развиваат. Ако имаме покрај себе таков клуб, многу би било подобро“. изјавил Коч.

Турците пишуваат дека Коч може да го купи клубот затоа што тој е во финансиски проблеми поради кои идната сезона ќе се натпреварува во втората македонска лига.

Вардар 11 пати беше шампион на Македонија, а пред 4 години играше во групната фаза на Лига Европа откако претходно го елиминираше токму Фенербахче во квалификациите.

Турскиот фудбалски репрезентативец – Хакан Чалханоглу, довчерашниот играч од среден ред на Милан се прости од „Росонерите“ со специјална видео-снимка.
Турскиот фудбалер видеото го сподели на социјалните мрежи и во него им се заблагодари на сите во Милан за се што помина во изминатите 4 години.

View this post on Instagram

A post shared by Hakan Çalhanoglu (@hakancalhanoglu)

Чалханоглу реши да премине во редивите на големиот градски ривал – Интер со што испровоцира многу навивачи на „црвено-црните“, па наиде на канонада од напади и навреди на социјалните мрежи.
„Камен на сопнување“ беше висината на платата што ја бараше фудбалерот.Милан му нудеше 4 милиони евра по сезона, додека „Нероазурите“ дадоа 5 милиони.
„Интер може да соопшти дека Хакан Чалханоглу им се приклучи на нероазурите. 27-годишниот фудбалер стави потпис со клубот до 30. јуни 2024 година“ – стои во соопштението на Интер.