Фудбалскиот клуб Фенербахче и легендарниот Зинедин Зидан преговараат за соработка откако Жозе Мурињо ја напушти клупата на турскиот гигант по отказот што му беше врачен.

Некои турски медиуми пишуваат дека Зидан и челниците на Фенербахче веќе постигнале договор францускиот ас да го преземе тимот, кој, да потсетиме, не успеа да се квалификува во Лигата на шампионите под водство на Мурињо.

Зидан е без работа откако го напушти Реал во 2021 година. Со „кралскиот клуб“ ги освои сите можни трофеи (три Лиги на шампиони), по што направи долга пауза од работата, но јасно е дека е подготвен да се врати на големата сцена.

Фенербахче, според сите извештаи, ќе биде неговиот следен клуб.

Според турските медиуми, првиот „избор“ на турскиот великан бил Лучано Спалети, кој, сепак, ја одбил понудата, во игра биле и Ангелос Постекоглу и неодамнешниот селектор на Белгија, Доменико Тедеско.

На крајот, Турците „ја активираа бомбата“ и од никаде се одлучија за Зидан.

Foto/ EPA

Мундијалот во 2026 година во САД, Мексико и Канада ќе биде првиот на кој ќе учествуваат 48 репрезентации. Во финишот на квалификациите една третина од учесниците е позната.

Уругвај, Колумбија и Парагвај се последните три репрезентации, тие во четврток обезбедија место на следниот светски фудбалски турнир. Во претходните месеци, уште десет репрезентации успеаја да го сторат тоа, што заедно со трите домаќини, кои директно го добија правото на учество, прави вкупно 16 сигурни учесници.

Во Европа, квалификациите официјално започнаа на 21 март оваа година и ќе траат до 31 март следната година, а потоа ќе се игра и баражот за пласман на Мундијалот. Сепак, во некои европски групи, квалификациите започнаа дури деновиве, па главните битки допрва доаѓаат.

Познато е дека Европа обезбедува најмногу учесници на Светското првенство. Вкупно 16. 12-те победници на групите ќе се квалификуваат директно, додека 12-те второпласирани екипи, плус уште четири првопласирани екипи од Лигата на нации (кои завршија надвор од првите две во нивните квалификациски групи за Светското првенство) ќе се квалификуваат директно за четирите места во плејофот.

И во Африка, слично како и во Европа, сè уште има вистински битки за вкупно девет места, плус едно во плејофот.

Во Јужна Америка (КОНМЕБОЛ), речиси сè е познато, шест репрезентации веќе се квалификуваа, се чека само уште еден учесник во плејофот.

КОНКАКАФ исто така има шест места, од кои три се резервирани за домаќините – САД, Канада и Мексико.

Азија има вкупно осум места, плус едно во плејофот, а шест учесници се веќе познати, од кои два се дебитанти.

Директен пласман на Светското првенство обезбедија домаќините:

– САД, Канада и Мексико.

Низ квалификациите место на Мундијалот си обезбедија:

Азија (6): Австралија, Иран, Јапонија, Јордан (дебитант), Јужна Кореја, Узбекистан (дебитант).

КОНМЕБОЛ (6): Аргентина, Бразил, Колумбија, Еквадор, Парагвај, Уругвај.

Океанија (1): Нов Зеланд

Луис Енрике мора итно да се оперира откако вчера доживеа тешка несреќа возејќи велосипед.

Шпанскиот стручњак одлучи да ја искористи репрезентативната пауза за да одмори неколку дена пред новите предизвици што го очекуваат на клупата на ПСЖ.

Минатата сезона, Енрике успеа да направи она што никој пред него не го направил на клупата на Парижаните, ја освои титулата во Лигата на шампионите со ПСЖ.

ПСЖ ја отвори новата сезона доста добро во првенството и покажа дека повторно ќе биде главен фаворит за титулата француски шампион.

Синоќа се појави информација дека Енрике претрпел сериозни повреди предизвикани од пад од велосипедот, и дека итно бил префрлен во болница каде што ќе биде опериран.

Потврдено е дека Енрике ја скршил клучната коска и дека медицинскиот тим одлучил дека мора да се подложи на операција за да се санира повредат. Ова значи дека шпанскиот тренер сега чека подолга пауза.

Се шпекулира дека закрепнувањето ќе трае најмалку неколку недели, а натпреварите на ПСЖ ќе ги водат неговите помошници.