Спорт
Винисиус: Реал или Барса, имав три дена да одлучам

Реал Мадрид во 2018 година го реализираа трансферот на Винисиус Жуниор од Фламенго за 46 милиони евра. Младиот Бразилец сезонава е еден од главните играчи во тимот на Зинедин Зидан.
За трансферот на Винисиус пред две години покрај Реал сериозно биле заинтересирани и луѓето од Барселона. За шпанските медиуми Бразилецот раскажал зошто решил да ја прифати понудата од Реал.
„Го освоивме првенството на Јужна Америка за играчи до 17 години. Јас одиграв одличен турнир. Веднаш се јавија претставници на Реал и Барса. Имав три дена да донесам одлука. Секогаш сум навивал за Реал и тој клуб ја имаше почетната предност. Моите родители ги постија двата клуба, повеќе им се допадна Реал. Нивната одлука се поклопи со моите желби, бидејќи знаев дека проектот на Реал е подобар за мене. Клучно беше што знаев дека бидејќи сум млад ќе добијам многу шанси да се наметнам, а имаа и неверојатна серија во Лигата на шампионите“, рекол Винисиус Жуниор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Асвел ја напушта Евролигата

Францускиот кошаркарски клуб, Асвел од Вилербан би можел да ја напушти Евролигата и да се пресели во Лигата на шампионите по завршувањето на оваа сезона.
Клубот од предградието на Лион ќе аплицира за Лигата на шампионите на ФИБА со цел да стане дестинација за проектот НБА Европа во иднина.
Според весникот „Ле Прогрес“, Асвел има намера да игра во Лигата на шампионите од следната сезона и со тоа да испрати сигнал дека клубот е заинтересиран за проектот НБА Европа.
Францускиот клуб, за кој се очекуваше да ја обнови лиценцата за Евролигата, наводно е подготвен да се повлече од натпреварувањето. Како што е наведено, причината за оваа одлука се хроничните финансиски загуби на клубот.
Доколку ова се потврди, Асвел би го следел патот на Алба од Берлин. Германскиот клуб од оваа сезона игра во ФИБА лигата на шампионите. Во Асвел веруваат дека таков потег би можел да ги стабилизира финансиите на клубот и да послужи како мост кон идното натпреварување НБА Европа, нова лига што НБА ја развива во соработка со ФИБА.
Други француски клубови наводно размислуваат за сличен потег, додека ривалот Монако планира да остане во Евролигата. Монако сè уште нема трајна лиценца и е скептичен во врска со проектот НБА Европа.
„Ле Прогрес“ пишува дека неодамнешната средба во Лондон ги доближила газдата на Асвел, славниот Тони Паркер и неговиот менаџмент до одлуката да „нападнат“ едно од 12-те места основачи во НБА Европа.
Од друга страна, се поставува прашањето дали НБА го гледа Лион, или Вилербан, како потенцијална дестинација на идната мапа на Стариот континент.
Спорт
Меси (повторно) е „Златна копачка“

Еден од најдобрите фудбалери на сите времиња, Лионел Меси, освои уште една „Златна копачка“, во МЛС лигата.
Ветеранот, втора сезона по ред, успеа да постигне најмногу голови и со тоа да добие уште една награда.
Претходната вечер, тој постигна хет-трик на натпреварот против Нешвил, кој Интер Мајами го доби на гостински терен со 5:2.
Меси постигна гол во 35-та минута по асистенција на Џорди Алба, во 63-та од пенал и во 81-та за убедливо прво место на врвот на листата на стрелци. Аргентинецот успеа да стигне до бројката од 29 гола, оставајќи го Денис Баунга зад себе со 24 гола.
Тој е првиот играч на Мајами кој ја освоил „Златната копачка“ и првиот Аргентинец кој ја „одбранил“ наградата откако Валентин Кастељанос го направи тоа со Њујорк Сити.
Меси е главен кандидат да стане првиот играч во историјата на лигата кој ја освоил наградата за најкорисен играч (MВП) двапати по ред.
Спорт
Синер доби рекет од чисто злато

Јаник Синер доминантно ја одбрани титула на турнирот „Шест кралеви“, во Ријад. Синер за нешто повеќе од еден час го победи најголемиот ривал Карлос Алкараз со 6:2, 6:4.
За победата над Алкараз, Синер доби вреден трофеј.
Покрај тоа што заработи шест милиони долари, тој од организаторот доби рекет излиен од чисто злато.
Бидејќи е целосно направен од злато, вредноста на овој пехар се проценува на 250.000 долари, објави „Марка“.
Имајќи предвид дека сите учесници добија по 1.500.000 долари (Синер за победата доби и дополнителни 4.500.000 долари) , цената на трофејот не изгледа превисока во споредба со тоа, но сигурно е еден од највредните, ако не и највредниот што Синер го има во својата колекција.
Foto/ EPA
Jannik Sinner gets awarded The Golden Racket after his win against Carlos Alcaraz 🎾 pic.twitter.com/WKEzaPgLwW
— Netflix Sports (@netflixsports) October 18, 2025