Спорт
Винисиус со два гола и „Каби Ламе прослава“ за Реал Мадрид
Винисиус Жуниор го постигна својот шести и седми гол во 11 меча во шпанската Ла лига, за да ги преводи Реал Мадрид до 2:1 победа на гости кај Елче за враќање на првото место на табелата пред некомплетното 11. коло.
Фантастичниот Вини, кој претходните две сезони на „Бернабеу“ имаше постигнато само 6 гола, во 22. минута упати прецизен удар по уште поубавата акција на „кралевите“, по што прослави како славниот италијански комичар Каби Ламе, кој веднаш одговори со имитација на имитацијата на социјалните мрежи.
#Khaby #Vinicius ?#خابي#فينيسيوس#RealMadrid pic.twitter.com/QWMnP83d9b
— Younes Djaadi (@djaadi_younes) October 30, 2021
Vinicius Jr scores against Elche and does the Khaby Lame celebration ?♂️ pic.twitter.com/Ms1myAJLUP
— FutbolBible (@FutbolBible) October 30, 2021
Гути доби втор жолт картон за Елче во 63. минута, по што Винисиус ја заврши работата за тимот на Карло Анчелоти во 73. минута со втор гол. Пере Милја во 86. минута постигна утешителен гол за домаќините.
Реал сега се вратија на првото место со 24 поени, колку што имаат и второпласираните Реал Сосиедад. Елче се на 15. место на табелата со 10 поени.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.