Спорт
Вистински спортски херој – Италијански рагбист сега вози амбулантно возило!
Репрезентативецот на Италија во рагби, Максим Мбанда наместо да тренира во изолација за враќањето на спортот, вози амбулантно возило 13 часа дневно во обид да помогне во борбата против корона вирусот.
27-годишниот Мбанда вели дека откако се откажала рагби сезоната, а на италијанските болници им е потребна секаква помош, едноставно не можел да остане дома.
„Кога рагбито се откажа, сакавв да помогнам, но немам медицинска подготвеност. Почнав пред осум дена и сега работиме без пауза во смени од 12 или 13 часа. Но, кога видов што носи оваа болест, си кажав дека не смеам да дозволам да сум уморен. Сите се плашат, но има работи кои може да ги правите безбедно и да им дадете малку време на одмор на тие кои работат најмногу. Додека имам сила ќе продолжам“, вели Мбанда за „АФП“.
Тој помага во провинцијата Лацио, каде што се наоѓа италијанската престолнина Рим и вели дека тоа што го видел ќе остане со него цел живот.
„Пренесував позитивни пациенти од една локална болница во друга. Помагам со носилките, со количките, со кислородот. Кога ќе ги видите нивните очи болката е огромна. Да го видеа луѓето тоа, немаше да се туркаат пред супермаркетите и ќе размислеа дали ќе излезат од дома“, додава Мбанда.
View this post on Instagram
Finalmente di nuovo in campo domani, emozionato come il primo giorno di scuola! #resilienza
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Црвена звезда во триумфална серија, Динамо доживеа дебакл во Загреб
Фудбалерите на Црвена звезда победија во Штурм во 6. коло од Лигата на Европа и ја задржаа шансата да ја обезбедат европската пролет, додека од друга страна Динамо од Загреб доживеа пораз на домашен терен од Бетис.
Звезда победи со 1:0 во Грац со голот на Мирко Иваниќ во 55-та минута. По лошиот старт во Лига Европа, кога во првите три рунди освоија само еден бод, во наредните три кола, црвено-белите забележаа три идентични победи од 1:0, пред Штурм славеа над Лил и ФЦСБ.
Фудбалерите на Динамо доживеаа убедлив пораз (1:3) од Бетис. Натпреварот беше решен во првиот дел, кога Бетис од 31-та до 38-та минута постигна три гола.
Гостите од Севилја поведоа со автоголот на Домингез, а потоа следеа головите на Рикелме и Антони.
Утешниот гол за домашните го постигна Галешиќ во 89. минута.
На две кола пред крајот, Звезда има 10 бода и можна шанса за Топ 8, додека хрватскиот претставник е на седум бода.
Црвено-белите се во групата на тимови со ист број на бодови, кои на табелата се наредени од 14-то до на 17-то место, додека Динамо се наоаѓа на 26-та позиција.
Лига Европа, шесто коло:
Динамо – Бетис 1:3 (0:3)
/Галешиќ 89 – Домингез 31 г., Рикелме 34, Антони 38/
Ференцварош – Ренџерс 2:1 (1:1)
/Отвос 45+5, Варга 72 – Миовски 27/
Лудогорец – ПАОК 3:3 (1:1)
/Станиќ 33, Вердон 71, Чоичев 77 – Десподов 39, Вољако 48, Миту 90/
Митјиланд – Генк 1:0 (1:0)
/Чо 17/
Ница – Брага 0:1 (0:1)
/Виктор 28/
Штурм Грац – Црвена Звезда 0:1 (0:0)
/Иваниќ 55/
Штутгарт – М. Тел Авив 4:1 (2:0)
/Асињон 24, Томас 37, Мителштад 50 пен, Вагонман 90+4 – Ревиво 52/
Утрехт – Нотингем Форест 1:2 (0:0)
/Ван дер Хорн 73 – Калимуендо 52, Игоир Жесус 88/
Јанг Бојс – Лил 1:0 (0:0)
/Малеш 61/
Foto/ freerangestock
Спорт
(Видео) Миовски стрелец, Ренџерс поразени од Ференцварош
Глазгов Ренџерс загубија во Будимпешта од Ференцварош (2:1), во шестото коло, во Лига Европа.
Пкотскиот великан водеше со спектакуларниот гол на Бојан Миовски во 27-та минута. Македонскиот репрезентативец влегува во форма, откако беше стрелец изминатиот викенд, во Премиер лигата на Шкотска.
Ференцварош до крајот на полувремето изедначи, во петтата минута од судиското надополнување на времето погоди Отвос. Победата на Унгарците им ја донесе Варга во 72-та минута.
По шест рунди Ренџерс се на 33-то место со само еден бод и реално без шанси за пласман во нокаут фазата, додека Ференцварош со 14 бодови се наоѓа на четвртото место.
Foto/ freerangestock
Спорт
(Видео) Шкендија го победи Слован Братислава
Фудбалерите на Шкендија го победија Слован од Братислава со 2:0 (2:0), во петото коло во Конференциската лига. Шкендија дојде до втората победа и вкупно седмиот бод, што и донесе скок на 18-то место на табелата. Шкендија сега има реални шанси да се пласира во нокаут фазата.
Шкендија го скрши Слован во втората половина од првото полувреме. Во 33-та минута Бајриќ си постигна авто гол, а во првата минута од судиското надополнување на времето, водстото го дуплираше Спахиу.
Покрај освоените три бода, Шкендија за овој триумф ќари и 400.000 евра, колку што УЕФА ја вреднува победата во Конференциската лига.
Foto/ EPA/GEORGI LICOVSKI

