Спорт
Влаховиќ добил смртни закани

Напаѓачот на Јувентус, Душан Влаховиќ е во центарот на вниманието по случувањата на натпреварот против Венеција.
Пред два дена, Јувентус ремизираше 2-2 на домашен терен во 16.коло против Венеција, тимот што го зазема последното место на табелата. Јувентус влезе во серија лоши резултати, против Венеција четврти пат во низа одигра нерешено.
И покрај голот кој Влаховиќ го постигна во четвртата минута од судиското надополнување и спречи пораз на Јувентус, атмосферата на стадионот беше далеку од славеничка.
По натпреварот, фудбалерите на Јувентус се приближија до делот од трибините каде што седеа најжестоките навивачи на клубот. Наместо поддршка, добија навреди.
Посебно на мета бил српски напаѓач, кој според италијанските медиуми добил смртни закани.
Како што пренесува „Газета дело Спорт“, специјалната единица за истраги и операции покренала истрага против навивачот кој упатил смртни закани до српскиот репрезентативец.
Се додава дека истражителите ги побарале видео снимките од трибините за да го идентификуваат лицето кое упатило опасни и недолични зборови кон напаѓачот на Јувентус.
Србинот е најдобар стрелец на Јувентус оваа сезона со 11 гола на 19 натпревари.
VIDEO DIRETTAMENTE DALLO STADIO DEL PRESUNTO LITIGIO.
Grazie a @labiondajuve pic.twitter.com/njjqGKj5Vc
— Mary Di Dio (@marydidio_) December 14, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Крај на приказната, Тадиќ нема да ја засили Црвена звезда

Душан Тадиќ нема да ја засили Црвена звезда, кариерата ќе ја продолжи во странство.
Според сознанијата на „Спорт Клуб“, Тадиќ уште еднаш ѝ се заблагодарил на Црвена звезда за поканата и приказната тука завршува.
Тадиќ имал малку поопуштен став, оставил простор евентуално да дојде во Звезда, но сепак останал доследен на чувството дека концептуално не се вклопува во тој клуб.
Исто така и челниците на српскиот шампион го загубиле трпението, бидејќи планирале Тадиќ да го имаат во тимот за двомечот со Лех Познањ, во третата квалификациска рунда во Лигата на шампионите.
Финансиската понуда е добра, како и улогата во тимот, но Тадиќ одлучил дека нема потреба да игра за Звезда во кариерата.
Можно е Тадиќ да замине во Саудиска Арабија.
Спорт
Ненадејно почина Жорге Кошта, легендарниот капитен и икона на Порто

Почина Жорге Кошта (53), поранешен португалски фудбалер и легендарен капитен на Порто.
Во сино-белиот дрес, тој освои осум титули во лигата, Лигата на шампионите и Интерконтиненталниот куп, а со репрезентацијата беше светски шампион до 20 години.
Информацијата за смртта ја потврди болнички извор, јавува португалското радио „Ренасенса“.
Според болницата „Сао Жоао“, Коста „доживеал кардиореспираторен застој во одделот за итни случаи и бил прогласен за мртов“. Поранешниот фудбалер доживеал срцев удар во 2022 година и бил подложен на катетеризација.
„Во текот на својот живот, на теренот и надвор од него, Жорге Кошта ги отелотворувал вредностите што го дефинираат ФК Порто: посветеност, лидерство, страст и непоколеблив победнички дух. Тој ги обележа генерациите навивачи и стана најголем симбол на клубот“, се вели во соопштението. „Никогаш нема да бидш заборавен, капитене“, соопшти клубот.
Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.