Спорт
Во Дортмунд признаваат: Иднината на Халанд ќе биде решена наскоро
По најавите на претседателот на Барселона, Жоан Лапорта дека ова лето Ерлинг Халанд ќе пристигне на „Ноу Камп“, директорот на фудбал на Борусија Дортмунд, Себастијан Кел потврди дека клубот ќе направи одлука за иднината на Норвежанецот во „следните неколку недели“.
Халанд потпиша четирииполгодишен договор со Дортмунд кога пристигна од Ред Бул Салцбург во јануари 2020, по што блесна за „милионерите“ со 76 гола во првите 75 меча за клубот, по што голем број на врвни европски клубови беа поврзувани со потписот на 21-годишниот напаѓач.
Покрај ова, во текот на летото се активира клаузулата од 75 милиони евра за трансфер на Халанд, и Кел признава дека самиот Норвежанец ќе одлучи каде ќе продолжи, иако се надева дека ќе остане во Дортмунд.
„Ситуацијата е многу јасна, тој има можност да излезе од договорот во текот на летото. Има повеќе причини зошто Халанд е во добри раце во Борусија Дортмунд и зошто ние сме добра опција за него. Ќе седнеме со него и неговиот тим во следните недели и ќе разговараме за ситуацијата и се надевам дека ќе дојдеме до брзо решение“, изјави Кел.
Покрај Барселона, за Халанд во минатото беа заинтересирани и Манчестер сити, Манчестер јунајтед, Ливерпул, Челси, Баерн Минхен и Пари Сен-Жермен, иако се верува дека тој сака да продолжи во Шпанија. Барса секако ќе има конкуренција од Реал Мадрид, кои би сакале летово да ги донесат Халанд и Килијан Мбапе во најубоитиот напад на денешницата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.