Спорт
Во Интер не се задоволни: Постои ризик да не се заврши првенството
Директорот на Интер, Бепе Марота ја нападна Лега Серија А за одложувањето на дербито Јувентус-Интер оценувајќи дека шампионатот е „дисторзиран“ и дека постои ризик да не се заврши сезоната.
Во четвртокот беше објавено дека мечевите од италијанската прва лига во регионите каде што има коронавирус ќе се играат бе гледачи: Јувентус-Интер, Милан-Џенова, Удинезе-Фиорентина, Сасуоло-Бреша и Парма-СПАЛ, но во саботата, мечевите беа презакажани за 13 мај, по што се помести и финалето на Копа Италија на 20 мај.
„Ла газета дело спорт“ отворено го прашаа директорот Марота дали мисли дека Јувентус е зад оваа одлука.
„Искрено, не сум многу заинтересиран за тоа. Сакам да посочам дека со целата ситуација се ракува многу лошо. Требаше да се донесе побрза одлука. Лега Серија А направи грешка што објави дека ќе се игра без гледачи кога министерот за спорт советуваше против таква одлука. Ова не е прифатливо и затоа Интер побара итен состанок на сите 20 клубови, на кој ќе зборуваме за иднината, бидејќи ме загрижува тоа што ќе се случува сега. Играње без публика веќе нема смисла, и што правиме со Интер-Сасуоло следната недела? Три дена подоцна имаме меч од Лига Европа“, вели Марота.
Лацио играа во саботата и ги победија Болоња со 2:0, со што се искачија на првото место на табелата, но Марота не го обвинува римскиот клуб и нивниот претседател Клаудио Лотито.
„Лотито исто така беше разочаран што мечевите беа одложени. Сигурен сум дека многу клубови се незадоволни, а следната недела имаме Аталанта-Лацио на распоред… Ако одложиме уште натпревари ризикуваме да не се заврши сезоната. Шампионатот е дисториран. Помислете на психолошкиот ефект над фудбалерите“, додава Марота.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.