Спорт
Во Јувентус сите можат да бидат казнети освен Роналдо?

Италијанските медиуми сметаат дека во Јувентус се лицемерни со казната која ја добија Вестон Меккени, Артур Мело и Пауло Дибала за прекршувањето на протоколите за КОВИД со забавата која ја приредија во домот на Американецот, посочувајќи дека главната ѕведа Кристијано Роналдо е третирана сосема поинаку за слични престапи оваа година.
Полицијата ја растури забавата во домот на поранешниот фудбалер на Шалке, Меккени, по што денеска Пирло потврди дека играчите ќе бидат казнети и нема да се во составот за градското дерби против Торино овој викенд.
Реакциите во Италија се интересни. Роналдо беше фатен како ги прекршува протоколите а КОВИД-19 во јануари, за да помине два дена на скијање со партнерката Георгина Родригез во јануари. Според „Кориере дело спорт“, Роналдо бил „фатен“ во официјално затворен хотел за да го прослави 27. роденден на Георгина, поминувајќи ја регионалната граница помеѓу Пиемонт и Вале Д’Аоста. Тогаш Пирло го правдаше Португалецот.
„Тој имаше слободен ден и можеше да прави што сака. Сам си ја презема одговорноста за тоа што го прави“, изјави тогаш тренерот на „бјанконерите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Покоњоли е нов тренер на Монако

Францускиот клуб Монако, го назначи 38-годишниот поранешен белгиски репрезентативец Себастијан Покоњоли за нов тренер на тимот. Тој го наследува Австриецот Ади Хутер, кој го напушти клубот на 10 октомври, соопшти официјалниот сајт на клубот.
Како играч, Покоњоли настапуваше за Генк, АЗ Алкмар, Стандард, Хановер, Вест Бромич Албион, Брајтон и Унион Сен Жил.
По завршувањето на играчката кариера, тој започна тренерска кариера со младинскиот тим на белгискиот Унион Сен Жил во 2021 година. Потоа работеше со младинските тимови на Генк и белгиската репрезентација до 18 години.
Од летото 2024 година, Покоњоли беше старши тренер на првиот тим на Унион Сен Жил, а сега го презема предизвикот во Монако.
Спорт
ВИДЕО: Рубен Невеш го посвети голот на трагично загинатиот пријател Диого Жота

Фудбалската репрезентација на Португалија стигна до драматична победа со 1-0 против Ирска во квалификациите за Светското првенство 2026. Голема улога имаше Рубен Невеш од Ал-Хилал, кој постигна победнички гол во 91. минута.
Претходно, Кристијано Роналдо промаши пенал, што ја зголеми тензијата на теренот.
Oh my world Ruben Neves has killed the Irish hopes! Portugal beats Ireland in stoppage time #PORIRE pic.twitter.com/yNov95PeJZ
— The Final Whistle (@Rufus_45) October 11, 2025
Но, најемотивниот момент следеше по голот на Невеш. Камерите го уловија како го слави погодокот, а на неговата нога се гледаше тетоважа со ликот на починатиот Диого Жота, кој трагично загина во јули.
Сцената го трогна целиот стадион и навивачите пред телевизиските екрани. Минути порано, во 21. минута, фановите веќе му оддадоа почит на Жота со бурни аплаузи.
Спорт
Норвешка ѝ даде поддршка на Палестина, но сега се соочува со строги санкции од ФИФА

По сè што се случи синоќа на натпреварот помеѓу Норвешка и Израел, Норвежаните би можеле да добијат строга казна од ФИФА за пораките што ги испратија.
Норвешка го победи Израел на крилата на Ерлинг Халанд, а конечниот резултат од овој натпревар беше дури 5-0 во корист на домашната селекција.
Сепак, сè можеше скапо да ги чини бидејќи ги прекршија правилата на ФИФА на натпреварот одигран на стадионот „Улевал“ во Осло.
Оваа земја е една од најгласните кога станува збор за поддршка на Газа, а синоќа решија повторно да го покажат тоа.
Претходно, тие побараа од Норвешка да му се забрани на Израел да учествува во сите натпреварувања, исто како што беше направено со Русија.
На трибините на стадионот во Норвешка синоќа имаше многу палестински знамиња, како и транспаренти и извици од трибините поврзани со поддршка за Газа.
Јасно е дека правилата на ФИФА беа прекршени, а сега се појавија информации за тоа каква казна би можеле да добијат Норвежаните.
Имено, тие можат да очекуваат високи казни, затворање на стадиони, па дури и одземање бодови во некои „луди“ сценарија.
Србија претходно двапати казнета поради политички извици и истакнување политички транспаренти.
Пред самиот натпревар, се одржаа протести пред норвешкиот парламент, а потоа сите со палестински знамиња отидоа на стадионот.